د دغه وزارت ویاند عبدالغفار فاروق رسنیو ته ویلي، چې دغه نجونې او ښځې د دوی « ښځینه پولیسو» نیولې وې. خو نوموړی دا نه مني، چې ګواکې دغه نجونې او ښځې دې ناڅرګند ځای ته بیول شوې وي.
هغه ویلي، دغه نجونې او ښځې امنیتي حوزو ته وړل شوې وې او وروسته بیا په ضمانت خوشې شوې دي.
تر دې وړاندې هم له کابل او یو شمېر نورو ولایتونو څخه د امر باالمعروف د محتسبینو لهخوا د نجونو او مېرمنو د ځورولو راپورونه خپاره شوي وو، چې هماغه مهال یې هم توند غبرګونونه له ځانه سره لرل.
ګڼ خلک وايي، طالبان په لوی لاس د خلکو پر شخصي حریم تېری کوي چې دا د ټولوړ بشري حقونو څخه ښکاره سرغړونه ده؛ خو طالبان بیا وايي هغه څه چې دوی کوي د اسلامي شریعت له مخې یې کوي.
