د طالبانو د پوهنې وزارت وایي د ښوونځیو د فارغانو د څو لسیزو شهادت نامې یې «برېښنایي کړې»
د طالبانو د پوهنې وزارت وايي، د ښوونځیو د فارغانو د څو لسیزو شهادت نامو په برېښنایي کولو سره یي ۲،۷ میلیونه فارغ زدکوونکي سیستم ته داخل کړي دي.
د طالبانو د پوهنې وزارت وايي، د ښوونځیو د فارغانو د څو لسیزو شهادت نامو په برېښنایي کولو سره یي ۲،۷ میلیونه فارغ زدکوونکي سیستم ته داخل کړي دي.
د طالبانو تر کنټرول لاندې د ملي ټلویزیون د راپور په حواله، د پوهنې وزارت د نشراتو مسوول وایي: «د مرکز او ولایتونو په ګډون یې له ۱۳۵۴ کال تر ۱۴۰۱ هجري شمسي پورې فارغان یې سیستم ته داخل کړي دي.»
منصر احمد حمزه زیاتوی، چې ۳ لکه او لس زره کاغذي شهادت نامې یې راټولې کړې او په بدل کې یې الکترونیکي شهادت نامې ورکړې دي.
د طالبانو د پوهنې وزارت د شهادت نامو ریاست وایي، د جعل د مخنیوي لپاره یې د شهادت نامو لپاره ځانګړی کاغذ کارولی چې ۱۴ ځانګړې نښې هم لري.
دغه ریاست ټینګار کوي، حتا که ګاونډي هېوادونه وغواړي ورته شهادت نامې جوړې کړي نه یې شي جوړولی او جعل به یې څرګند شي.
