د افغانستان ازادۍ جبهې په کابل کې د ۶ طالب وسلوالو د مرګ ژوبلې خبر ورکړی
د افغانستان د ازادۍ جبهې خبر ورکړی، چې د دوی د ډلې یو شمېر وسلوالو د پنجشنبې په ماښام ۶:۲۰ بجو د طالبانو د کورنیو چارو وزارت دروازه په نښه کړه.
د افغانستان د ازادۍ جبهې خبر ورکړی، چې د دوی د ډلې یو شمېر وسلوالو د پنجشنبې په ماښام ۶:۲۰ بجو د طالبانو د کورنیو چارو وزارت دروازه په نښه کړه.
د افغانستان د ازادۍ جبهې په اېکس ټولنیزې رسنې په یوه لیک کې لیکلي، چې د طالبانو د کورنیو چارو وزارت د دروازې په نښه کولو سره یې څلور طالبان وژلي او دوه نور یې ټپیان کړي دي.
دغه جبهه زیاتوي، چې په دې عملیاتو کې د طالبانو یو فورډ ایوریست ډوله پوځي موټر له منځه تللی دی.
د افغانستان د ازادۍ جبهې د خپل لیک په وروستۍ برخه کې لیکلي: «د طالبانو د کورنیو چارو وزارت وسلوالو په وروستیو اونیو کې په کابل، بغلان او بامیان کې ځوانې نخونې نیولي، ځورولي او بندیانې کړي دي.»
داسې ښکاري د دغه برید لامل هم همدا موضوع وي.
تر اوسه د دغې پېښې د پخلي په باب طالبانو رسنیو ته څه نه دي ویلي.
افغانستان انټرنشنل - پښتو د یوې بې پرې رسنۍ په توګه د دغې پېښې تایید نه کوي؛ خو په دې وروستیو کې د طالبانو مخالفو ډلو پر طالبانو بریدونه زیات کړي دي.
