په سوریه کې د امریکا پر پوځي اډې د بې پیلوټه الوتکې په برید کې شپږ کرد جنګیالي وژل شوي

AP ۱۴۰۲ سلواغه ۱۶

په سوریه کې کردي ځواکونو چې د امریکا له خوا یې ملاتړ کیږي ویلي، چې د دوی شپږ جنګیالي د ایران له ملاتړه برخمنې وسله والې ډلې د بې پیلوټه الوتکې په یوه برید کې وژل شوي دي.

د کردانو په مشرۍ د سوریې ډېموکراټیکو ځواکونو ویاند فرهاد شامي پر اکس خواله رسنۍ خپور کړي پیغام کې ویلی، چې بې پیلوټه الوتکې په العمر سیمه کې د امریکايي ځواکونو په اډه کې د کردي ځواکونو د کمانډو اکاډمۍ باندې برید کړی، چې په پایله کې یې شپږ کومانډويي‌ جنګیالیو خپل ژوند له لاسه ورکړي.

واشنګټن د دې میاشتې په پیل کې په اردن کې د امریکا پر یوې اډې د بې پیلوټه الوتکې د برید پړه پر دغه ډله ور اچوي چې درې امریکایي سرتېري پکې وژل شوي وو.

امریکا په تېرو ورځو کې په عراق او سوریه کې د ایران پلوه ډلو پر وړاندې لسګونه هوايي بریدونه وکړل، چې شاوخوا ۴۰ کسان، چې ډېری یې جنګیالي دي ووژل شول.

نور خبرونه

رادیو

ستاسو د غږ لپاره کور

خپل فلمونه او غږونه را ولېږئ