د پاکستان د بشري حقونو شورا: پر مخابراتي شبکو بندیز به د ټاکنو په روڼتیا اغېزه وکړي

AP ۱۴۰۲ سلواغه ۱۹

د پاکستان د بشري حقونو شورا د پاکستان په بېلابېلو ښارونو کې د حکومت له لوري د مخابراتي شبکو د فعالیت بندیز غندي او وايي، د رایې اچونې په ورځ د مخابراتي شبکو فعالیت له اړینو اړتیاوو څخه دی.

د پاکستان د بشري حقونو شورا په دغه هېواد کې د ټاکنو په ورځ د مخابراتي شبکو د بندیز په اړه اندېښنه ښودلې ده.
دغه شورا د پنجشنبې په ورځ د (سلواغې ۱۹مه) ویلي، په پاکستان کې د ټاکنو په ورځ د مخابراتي شبکو په فعالیت بندیز به د ټاکنو پر روڼتیا اغېزه وکړي.
دوی د پاکستان سترې محکمې او ټاکنو کمیسیون څخه غوښتنه کوي، چې ژر تر ژره د مخابراتي شبکو د فعالیت خلاصېدو امر ورکړي.
د پاکستان د بشري حقونو شورا وروسته له هغه غبرګون وښود، چې نن سهار د پاکستان د کورنیو چارو وزارت د یوې اعلامیې په خپرولو سره ویلي چې د پاکستان په بېلابېلو ښارونو کې یې د خلکو د خوندیتوب په موخه په لنډمهال ډول مخابراتي شبکې بندې کړې دي.

نور خبرونه

رادیو

ستاسو د غږ لپاره کور

خپل فلمونه او غږونه را ولېږئ