طالبان: د ګوانتانامو زندان دوه ورستي بندیان خوشې شوي او کابل ته راورسېدل

فاروق احمد صديقي د طالبانو باختر اژانس خبريال ته ویلي: «په ښځو کې د سينې سرطان او په نارينه وو کې د مرۍ سرطان یې تر ټولو عام ډولونه دي.» هغه زیاته کړه چې دغه «دغه ناروغۍ دېرش سلنه زیاته شوې ده.»

هغه ویلي، چې دغه روغتون د سرطان د تشخيص او درملنې لپاره کمې اسانتياوې لري.

د ۲۰۲۲ کال د فبرورۍ په میاشت کې د طالبانو د روغتیايي چارواکو د شمېرو له مخې، په افغانستان کې هر کال تر ۴۰ زرو ډېر کسان په سرطان ناروغۍ اخته کېږي او له ۱۶ تر ۲۰ زرو پورې کسان د دغې ناروغۍ له امله خپل ژوند له لاسه ورکوي.

د طالبانو تر لاس لاندې د باختر اژانس خبر ورکړی چې دغه کورونه یې تېره ورځ یکشنبه د (سلواغې ۲۲مه) زیانمنو کورنیو ته سپارلي.

د هرات لپاره د طالبانو د اطلاعاتو او فرهنګ مشر او د هرات له زلزله ځپلو سره د مرستې کميسون وياند مولوي احمدالله متقي د طالبانو تر لاس لاندې باختر اژانس ته ویلي چې دوى توانېدلي چې د زلزلې زیانمنو کورنیو ته څلور زره کورونه جوړ کړي او دغه چاره یې ۹۰ سلنه مخته وړې ده.

هغه ويلي چې د دغو ۵۴۷ کورونو د جوړولو لګښت له ۱۲۰ میلیونو افغانیو څخه ډیر دی او په هرات کې له زلزله ځپلو سره د مرستې کمېسیون له لوري ورکړل شوی دی.

ويل کیږي د دغه ۵۴۷ کورونو د جوړولو چارې د صديقي اباد رغنیز او سړک جوړونې شرکت له لوري ترسره شوې دي، د دغه شرکت مسوولان وايي چې دغه کورونه د «انجينيرۍ له معيارونو سره سم جوړ شوي او نقشه يې په دغه ولایت کې له زلزله ځپلو سره د مرستې کمېسيون د انجنيرانو له خوا ورکړل شوې ده.»

د روانې سلواغې میاشتې په ۲۰مه هم د هرات زنده جان ولسوالۍ د سربلند او نايب رفيع کليو کې زلزله ځپلو ته د ٦٩ کورونو د ورکولو خبر ورکړل شوی و.

د ملګرو ملتونو د شمېرو له مخې په هرات ولایت کې د تېرې تلې میاشتې په ۱۵مه په پرله پسې زلزلو کې تر ۱۴۰۰ ډېر کسان وژل شوي او ۱۱ زره نور ټپیان شوي وو.

د دې ترڅنګ په دغو زلزلو کې څه باندې ۸ زره کورونه په بشپړه توګه او د ١٧ زره کورونو ځینې برخې ویجاړې شوې وې.

په هرات ولایت کې له زلزله ځپلو سره د مرستې کمیسیون طالب چارواکي وايي، چې شاوخوا څلور زره کورونه د جوړیدو په حال کې دي چې ۹۰ سلنه چارې یېبشپړې شوې دي.

د دغه وزارت د معلوماتو له مخې؛ دغه شرکت د ۱۵۱ میلیونه افغانیو په ارزښت د پنځو کلونو لپاره د کرومایټو د استخراج قرارداد ترلاسه کړی دی.

د طالبانو د کانونو او پټرولیم وزارت د یکشنبې په ورځ پر اېکس خواله رسنۍ اعلان کړی، چې په دې داوطلبۍ کې ۱۹ شرکتونو برخه اخیستې وه او په پای کې ۸ شرکتونه د شرایطو وړ وپېژندل شول.

د دغه وزارت د معلوماتو له مخې؛ د شېرزاد منرال د کانونو د استخراج او پروسس شرکت، د یو ټن کرومایټ لپاره د ۱۶ زره افغانیو نرخ ورکړی و او دغه قرارداد یې ګتلی دی.

طالبان وايي؛ دغه شرکت به د پنځو کلونو په موده کې ۵۶ زره ټنه کرومایټ استخراج کړي او لږ تر لږه ۴۵ کسانو ته به د کار زمینه برابره کړي.

کرومایټ ډبره د فولادو جوړولو او د اوسپنې د ویلې کولو صنعت کې خورا مهم ځای لري.

د افغانستان د خبريالانو مرکز نن یکشنه په یوې خبرپاڼه کې په سمنګان کې د پژواک اژانس د ولايتي خبريال پر نيولو اندېښنه ښودلې او د هغه ژر تر ژر خوشې کېدو غوښتنه يې کړې ده.

د خبريالانو مرکز په اعلاميه کې ليکلي، چې د شنبې په ورځ د طالبانو د والي دفتر د پژواک سېمه یيز خبريال سیف الله کريمي د پښتنو لپاره غوښتی او تر اوسه د دوی په بند کې دی.

دغه مرکز د خپلو سرچينو له قوله لیکلي، چې خبريال کريمي د خبر د توازن لپاره د طالبانو نظر اخيسته، چې له دې ستونزې سره مخ شو.

د خبريالانو مرکز ليکلي: «هغه د هوټلونو د خاوندانو د ماليې د زياتوالي په اړه د لاريون په تړاو د دغه ولايت د مستوفي څخه د مرکې غوښتنه کړې وه هغه مرکه رد کړې او والي ته يې ويلي او والي خبريال غوښتی.»

د خبريالانو مرکز د خپلو سرچينو له مخې ليکلي، چې د سیف الله کريمي سره د والي په دفتر کې د تاوتريخوالي ډک چلند شوی او هغه په څپېړو هم وهل شوی دی.

سیف الله کریمي له شاوخوا اوو میاشتو راهیسې د پژواک خبري اژانس د سیمه ییز خبریال په توګه دنده ترسره کوي.

د افغانستان د خبریالانو مرکز په سمنګان کې د طالبانو له ولايتي ادارې غوښتي، چې قانون ته درناوی وکړي او خبريالانو ته اجازه ورکړی، چې د رسنيو له قانون سره سم کار وکړي.

واک ته د طالبانو په رسېدو دغې ډلې د بیان پر ازادۍ محدودیتونه زيات کړي او په زیات شمېر د رسنيو کارکوونکي او مدني فعالان يې په بند کې شکنجه کړي دي.

د جرمني د بهرنیو چارو وزارت د یکشنبې په ورځ (د سلواغې ۲۲مه) په یوه خبرپاڼه کې زیاته کړه، چې په کابل کې د دغه هېواد سفارت او په مزار شریف کې د دې هېواد د نمایندګۍ دفتر د دغو خطرونو له امله تړل شوی دی.

دغې خبرپاڼې په افغانستان کې له جرمني اتباعو غوښتي، چې په عامه او ګڼه ګوڼه ځایونو کې له احتیاط څخه کار واخلي او په مظاهرو او لویو غونډو کې ګډون ونه کړي.

په خبرپاڼه کې ټینګار شوی، چې په افغانستان کې امنیتي وضعیت لا هم ښه نه دی او له بشري حقونو د سرغړونو راپورونه شته او طالب جنګیالي پر پخوانیو امنیتي ځواکونو بریدونه کوي.

د جرمني د بهرنيو چارو وزارت په خپله خبرپاڼه کې ليکلي، چې په ټول هېواد کې د افغانانو او د بهرنيو هېوادونو د اتباعو پر وړاندې وژنې، غلاوې او د تښتونې پېښې شوې دي.

دغه وزارت دا اندېښنه هم څرګنده کړې، چې جرمني اتباع لا له وړاندې د افغانستان له حالاتو اغېزمن شوي دي.

د خبرپاڼې له مخې؛ جرمني اتباع بايد د ښوونځيو، جوماتونو، هوايي ډګرونو او د بسونو د تم ځايونو په ګډون د طالبانو په ودانيو کې له احتياطه کار واخلي.

د دغه وزارت په خبرپاڼه کې د افغانستان د اقلیم، ساري ناروغیو او په دغه هېواد کې د همجنسبازانو ته د ګواښ په اړه هم اندېښنه ښودل شوې ده.

تر دې مخکې امریکا، بریتانیا او چین هم له خپلو اتباعو غوښتي وو چې په افغانستان کې د خراب امنیتي وضعیت له امله دې هېواد ته له سفر کولو ډډه وکړي.
​