د ترکیې پولیسو ۳۹ افغان کډوال نیولي دي

AP ۱۴۰۲ کب ۳

د ترکیې دولتي اژانس اناتولي راپور ورکړی، چې د دغه هېواد پولیسو ۳۹ تنه بې اسناده افغان کډوال د دوزجه په ښار کې نیولي دي.
د دغه رپوټ له مخې، یاد پناه غوښتونکي په یوه لارۍ کې د کاغذي دستمالو د بکسونو په منځ کې پټ شوي وو.

ویل کېږي، چې نیول شوي ټول کسان د کډوالو ریاست ته وړل شوي او د لارۍ چلوونکی هم د انساني قاچاقو په تور نیول شوی دی.
د ترکیې د کورنیو چارو وزارت د شمېرو له مخې، په ۲۰۲۳ کال کې په ترکیه کې ۶۸ زره او ۶۸۷ افغان کډوال نیول شوي او یو شمېر یې له یاد هېواده اېستل شوي هم دي.
وروسته له هغه چې طالبان پر افغانستان واکمن شول، په زرګونو کسان له ایرانه د کډوالۍ له ستونزمنو لارو اروپا ته د رسېدو په هیله ترکیې ته تللي دي. په دې لاره کې یو شمېر پناه غوښتونکي مړه او تري شوي هم دي.

نور خبرونه

رادیو

ستاسو د غږ لپاره کور

خپل فلمونه او غږونه را ولېږئ