د ترکیې د کورنیو چارو وزیر: د ناقانونه کډوالو او قاچاق وړونکو مخنیوی کوو
د ترکیې د کورنیو چارو وزیر ویلي، چې ناقانونه کډوالو او قاچاق وړونکو ته به دا موقع ورنه کړي، چې د ترکیې له خاورې څخه د یوې غیر قانوني ترانزیتي لارې په توګه ناوړه ګټه پورته کړي.
د ترکیې د کورنیو چارو وزیر ویلي، چې ناقانونه کډوالو او قاچاق وړونکو ته به دا موقع ورنه کړي، چې د ترکیې له خاورې څخه د یوې غیر قانوني ترانزیتي لارې په توګه ناوړه ګټه پورته کړي.
علي یارلي کایا وویل؛ امنیتي ځواکونو په ازمیر ښار کې ۳۵ هوټلونه تلاشي کړي او ۴۰ غیر قانوني کډوال یې نیولي دي.
د ترکیې د کورنیو چارو وزیر د شمېرو له مخې، چې هغه اعلان کړې، له دغو کډوالو څخه ۳۹ یې د اخراج مرکزونو ته لېږدول شوي او یو تن اوس هم په توقیف کې دی.
د ترکیې د اناتولیا خبري اژانس د راپور له مخې؛ د دغه هېواد د کورنیو چارو وزیر ټینګار کړی، چې د انساني قاچاق او غیر قانوني کډوالۍ پر وړاندې مبارزه به دوام ولري.
ترکيې په تېرو دوو کلونو کې د ناقانونه پناه غوښتونکو د اخراج لړۍ چټکه کړې ده.
دغه هېواد په ۳۰ ښارونو کې د ناقانونه کډوالو د موندلو لپاره ګرځنده ګزمې فعالې کړې دي.
د راپورونو له مخې؛ ترکیې د روان کال له پیل راهیسې تر څلور زره ډېر افغان کډوال په بېلابېلو ښارونو کې نیولي او بېرته یې افغانستان ته استولي دي.
په افغانستان کې د طالبانو له واکمنۍ وروسته په زرګونو افغانان له ایران څخه د کډوالۍ له ستونزمنو لارو اروپا ته د رسېدو په هیله ترکیې ته تللي دي. په دې لاره کې ډېرو خپل ژوند له لاسه ورکړی دی.
د هند د پارلمان د ولسي جرګې د ۵۴۳ څوکیو لپاره ټاکنې به د جون میاشتې تر ۶مې نیټې دوام وکړي، چې د دغې هېواد په بېلابېلو برخو کې به دغو څوکیو ته د ۲۴۰۰ څخه ډیر سیاسي ګوندونه کاندیدان وړاندې کړي.
شمیرې
په دغه ټاکنو کې د رای ورکولو لپاره نږدې ۹۷۰ منلیونه هندیانو نوم لیکنه کړې ده چې د رای ورکونې په یو میلیون مرکزونو کې به خپلې رایې وکاروي. د هند د ټاکنو کمیسیون به د ټاکنو لپاره نږدې ۱۵ میلیونه کسان وګماري، چې ډیری برخه یې ښوونکي او ځوان کارګران جوړوي.
دغه ټاکنې به په اوو پړاوونو کې ترسره شي، بیا به رايې به رایې شمېرل کېږي او پايلې به يې د جون په څلورمه اعلانیږي خو د ټاکنو ټوله پروسه به د جون په شپږمه بشپړه شي.
ګوندونه
د مودي هندو ملتپال بهارتیا جنتا ګوند (BJP)، چې واکمنه سیاسي ډله ده، په پراخه کچه تمه کیږي چې په پارلمان کې د اکثریت د ترلاسه کولو لپاره اړینې ۲۷۲ څوکۍ وګټي. مودي وړاندوینه کړې چې ګوند به یې ۳۷۰ څوکۍ ګټي.
د مودي د حکومت اپوزیسیون، کانګریس ګوند، چې په ۱۹۴۷ کال کې د هند د خپلواکۍ ترلاسه کولو وروسته یې تر ډیره په هند واکمني کړې، د حاکم ګوند سره د مبارزې لپاره یې د هند ملي پرمختیایي ټولشموله اتحاد جوړ کړی چې ۲۸ ګوندونه په کې شامل دي. خو دغه اتحاد د څوکیو د ویش په سر په خپل منځ کې اختلاف لري.
ډ ټاکنو پروسه
د هند په دغو ټاکنو کې به په ۱۹۸۲ کال کې جوړ شوي د رای ورکولو الکترونیکي ۵.۵ میلیونه ماشینونه وکارول شي. رای ورکوونکي به د کاندید د نوم او ګوند د نښان تر څنګ یوې تڼۍ په زور کولو سره خپلې رایې وکاروي.
د هند د ټاکنو کمیسیون لارښوونې وايي، چې هر رای ورکوونکی باید د رای ورکولو مرکز څخه تر ۲ کیلومتره فاصله کې ژوند وکړي او دا په دې مانا ده چې د ټاکنو کارکوونکي باید د ورځو لپاره سفر وکړي او له غرونو تیر شي، چې د رای اچونې لرې پرتو مرکزونو ته ځان ورسوي. په ګجرات ایالت کې د یوازې یو رای ورکونکي له پاره، د ټاکنو کارکوونکي باید له ځنلګه تیر شي او هلته شته د رای اچونې مرکز فعال کړي.
