د طالبانو کډوالو او راستنېدونکو چارو وزارت وايي، له پاکستانه ۳۵۴ افغان کډوال په زور او خپله خوښه راستانه کړل شوي. ويل کیږي، په دغو کډوالو کې ۱۸۶ کډوال له ایرانه او ۱۶۸ کډوال له پاکستانه راستانه کړل شوي دي.
د طالبانو کډوالو او راستېدونکو چارو وزارت د پنجشنبې ورځ د (وري دویمه) نېټه په اېکس پاڼه لیکلي چې د افغان کډوالو ۳۹ کورنۍ چې د غړو شمېر یې ۱۶۸ تنه کیږي د ننګرهار تورخم له لارې هېواد ته په زور راستنې کړل شوې دي.
یاد وزارت ویلي د کب میاشتې په ۲۹مه نېټه له پاکستانه ۲۴ کورنۍ چې د غړو شمېر یې ۱۰۸ تنه او د وري په لومړۍ نېټه ۱۰ کورنۍ چې د غړو شمېر ۶۰ تنه کیږي، په جبري ډول هیواد ته راستانه کړل شوي دي.
کډوالو وزارت وړاندې وايي، راستانه شوي کډوال یې تر ثبتېدو وروسته د کډوالو عالي کمیشنرۍ او کډوالو نړېوال سازمان ته د مرستو ترلاسه کولو په موخه ور پیژندلي دي.
بلخوا د طالبانو کډوالو وزارت ويلي له ګاونډي هیواد ايران څخه هم ۱۸۶ افغان کډوال چې په دوی کې کورنۍ او مجرد کسان شامل و د وري میاشتې په لومړۍ نېټه د هرات ولایت اسلام کلا له پولې څخه په خپله خوښه او زور را اړول شوي دي.
دغه وزارت وايي، په دغو راستنو شويو افغان کډوالو کې اووه تنه بې سرپرسته ماشومان هم دي چې په هرات کې د وارچایلډ موسسې ته د دوی د کورنیو تر موندولو پورې ورسپارل شوي دي.
ويل کیږي، په دغو کډوالو کې یو شمېر چې وړ پیژندل شوي ورسره ځینې نغدي او روغتیايي مرستې هم شوې دي.
د طالبانو حکومت په سر کې ژمنې کړې وې چې له ګاونډیو هیوادونو ورتلوونکو کډوالو سره د مرستو تر څنګ به دوی ته د اوسېدو لپاره ځمکې ویشي خو اوس ډیری هغه کډوال چې افغانستان ته تللي وايي، چې لا یې برخلیک نه دی معلوم او ځمکې یې نه دي ترلاسه کړې.
د طالبانو د کډوالو او راستنېدونکو چارو وزارت وايي، په ۱۴۰۲ کال کې له ګاونډیو هیوادونو څخه افغانستان ته یونیم ميلیون کډوال راستانه شوي دي.
په دې وروستیو کې پاکستاني رسنیو راپور ورکړی، چې د ۲۰۲۴ کال د مارچ تر ۱۲مې نېټې له پاکستانه د ټولو ستنو شویو بې اسناده افغانانو شمېر تر ۵۱۳ زرو او ۵۰۶ ته لوړ شو او په وینا یې د ستنېدو دغه لړۍ لاهم روانه ده.
د دغې ډلې ویاند محمد خراساني په خپره شوې خبرپاڼه کې چې یوه کاپي یې افغانستان انټرنشنل ته هم رسېدلې لیکلي، زموږ جګړه د پاکستان پوځ او امنیتي ځواکونو پر خلاف د پاکستان په خاوره کې د خپلو خلکو او ولس په ننګه او ملاتړ روانه ده او موږ هیڅکله هم د نورو ګاونډیانو خاوره د خپلې مبارزې لپاره نه ده کارولې.
په خبرپاڼه کې دا رنګه راغلي چې دوی د هیڅ سیاسي ګوند او د پاکستان د سیاستوالو پر خلاف عمل نه کوي، دوی یوازې او یوازې د پاکستان پوځي او امنیتي اهداف په نښه کوي او دا کار د دوی لپاره لومړیتوب لري.
خبرپاڼې له پاکستاني چارواکو غوښتي، چې په ناحقه دې پر ګاونډیو هېوادونو تورونه نه پورې کوي او نه دې د خپلو ناکامو سیاستونو پړه پر نورو اچوي.
دغه خبرپانه د پاکستان د لومړي وزیر شهباز شریف له څرګندونو یوه ورځ وروسته خپرېږي، چې نوموړي د کابینې غونډې ته ویلي و، د دغه هېواد جغرافیايي امنیت ورته سرې کرښې دي او نور به له بهره هیڅ ډول ترهګري ونه زغمي.
که څه هم چې ښاغلي شریف په ځانګړې توګه د کوم هېواد نوم نه و اخیستی؛ خو په ښکاره یې طالبانو ته ګوته ونیوله، چې ګواکې له ټيټيپي څخه د ملاتړ تر څنګ هغوی پر وسلو سمبالوي او په پاکستان کې د ټولو وسلهوالو بریدونو پلانونه هم په هغې خاوره کې جوړېږي.
په دې انځورونو کې د ښار د ګڼې ګوڼې سيمې، د خلکو ورځنۍ چارې او روژه ماتي پکې شامل دي.
په کندهار کې د طالبانو له لوري په دولتي ادارو کې پر عکس او ويډيو بندير پر ټولنه هم منفي تاثیر کړی.
ډېری عام خلک او طالب پلوه کسان خبريالان عکس او ويديو اخيستلو ته هم نه پرېږدي.
د همدې عکسونو د اخيستلو پر مهال ډېرو عامو ښاريانو له اقتصادي ستونزو او د کار د نه شتوالي څخه شکايت کوي.
ښاریانو له طالبانو غوښتل، چې خلکو ته دې کاري فرصتونه برابر کړي.