د افغانستان له نیمروز راپورونه وايي، چې په دغه ولایت کې له ایران سره د تګ راتګ لپاره د ورېښو لار له څو ساعتونو تړل کېدو وروسته بېرته پرانیستل شوه. د پنجشنبې په ورځ د لارې له تړل کېدو وروسته ځايي طالب چارواکو وویل، چې هڅه کوي له ایراني لوري سره په خبرو دغه لار پرانیستل شي.
تر اوسه د ورېښمو پله د تړل کېدو لامل نه دی په ډاګه شوی، خو ويل کیږي دغه لاره د ایراني پوله ساتو له لوري تړل شوې وه.
ایران نن دا پوله په داسې مهال تړلې وه، چې پرون د نیمروز لپاره د طالبانو والي وویل، د افغان سوداګرو په مالي مرسته د افغانستان او اېران ترمنځد دغه ولایت په کن ولسوالۍ کې خاکي لار جوړوي.
محمد قاسم خالد د نیمروز او دې ولایت ته د څېرمه د نورو ولایتونو له سوداګرو سره د خاکي لارې د جوړولو لپار په خپل دفتر کې غونډه درلوده.
د ښاغلي خالد دفتر د نوموړي له قوله وايي، دې لارې جوړېدو سره به د ورېښمو پل ترافیکي ستونزې حل او سوداګرو ته به اړینې اسانتیاوې رامنځته شي.
طالبان وايي، په خاکي لار ۲۸ میلیونه افغانۍ لګښت راځي چې د هېواد د ملي سوداګرو له لوري ورکول کیږي.
خو تر اوسه په تېرو غونډو کې د دې لارې د جوړېدو په هکله د طالبانو او ایراني چارواکو کومې څرګندونې نشته.
