روسیه وايي، چې د اوکراین د انرژۍ زېربناوې او د ګازو د تولید تاسیسات یې په نښه کړي

لیکورنو د یکشنبې له یوې اونیزې سره په مرکه کې اعلان وکړ، چې دغه پرېکړه د فرانسې د ولسمشر ایمانویل مکرون او د هغه د اوکرایني سیال ولادیمیر زېلینسکي تر منځ له خبرو اترو وروسته شوې ده.

د فرانسې د دفاع وزیر تایید کړه، چې اوکراین ته استول شوي ځینې تجهیزات او وسایل زاړه دي؛ خو ویې ویل چې لا هم کار کوي.

دغه زغره وال موټرونه چې د جګړې په لومړۍ کرښه کې د ځواکونو د تګ وړتيا لري، ټاکل شوې په ۲۰۲۴ او د ۲۰۲۵ کال په لومړیو کې اوکراین ته ولېږل شي.

لیکورنو ټینګار وکړ: "د اوکراین پوځ باید د یوې اوږدې لومړۍ کرښې دفاع وکړي او زغره والو موټرو ته اړتیا لري. دغه توکي د ځواکونو د تګ راتګ لپاره په بشپړه توګه این دي.»

له اوکراین سره د فرانسې د وسلو د مرستې اعلان په داسې حال کې کېږي، چې دغه هېواد په وروستیو اوونیو کې د روسیې د پوځ له خوا د سختو بریدونو هدف و.

د اوکراین په لوېدیځ کې د لوېف والي ماکسیم کوزیتسکي اعلان وکړ، چې د یکشنبې په سهار په سیمه کې د روسیې د برید په پایله کې یو کس وژل شوی دی.

د هغه په ​​وینا؛ د روسیې کروز توغندیو د دغه ښار حیاتي بنسټونه په نښه کړي دي.

د خارکیف په سیمه کې د ګازو په یوه سټیشن باندې د روسیې په برید کې یو ۱۹ کلن ځوان هم وژل شوی دی.

په مسکو کې د داعش ډلې له برید وروسته فرانسې په دغه هېواد کې د ترهګرۍ خبرداری تر ټولو لوړې کچې ته ورساوه.

د دغه هیواد د کورنیو چارو وزیر جرالډ داروین د امنیتي تابیاوو په دوام، دا ځل د کاتولیکانو او پروټیسټینټ د عبادت ځایونو د ساتنې لپاره د امنیتي کارکوونکو د زیاتولو اعلان وکړ.

د راپورونو له مخې، په ټوله فرانسه کې به د جمعې له ورځې تر دوشنبې پورې د دغه هېواد په بېلابېلو برخو کې امنیتي ځواکونه مېشت وي.

ټاکل شوې، چې کاتولیکان او پروټیسټینټ به د یکشنبې په ورځ د عیسی مسیح د یاد مراسم ترسره کړي، په داسې حال کې چې ارتودوکس عیسویان به د مې تر ۶ پورې خپلو مراسمو ته په تمه وي.

په دې وروستیو کې د فرانسې ولسمشر ایمانویل مکرون اعلان وکړ، هغې ډلې چې په روسیه کې د کنسرت پر تالار د خونړي برید پلان جوړ کړی و، په تېرو میاشتو کې یې په فرانسه کې هم د عملیاتو هڅه کړې وه.

پاکستاني رسنیو د یکشنبې په ورځ (د وري په ۱۲ مه) د یوې پوځي سرچینې په حواله راپور ورکړ، چې وسله والو بریدګرو د ګوادر ښار شمال لوېدیځ ته په ۲۵ کیلومټرۍ کې د اکرا کویر ور بند په سیمه کې د پاکستان د پوځ د ماین پاکۍ پر یوې ډلې برید وکړ.

تر اوسه کومې ډلې د دې برید مسوولیت نه دی منلی.

د سرچينې د معلوماتو له مخې، دغه بريد هغه مهال رامنځته شو، چې پاکستاني ځواکونه د ماين پاکولو د عملياتو پرمهال د وسله والو بريدګرو له کمين سره مخ شول، چې له امله يې دوه سرتېري وژل شوي او څلور نور ټپيان دي.

سرچينې وايي، چې تر اوسه د بريدګرو د مرګ ژوبلې راپور نه دى ورکړل شوى او د لټون عملياتو لپاره د پوځ څرخي الوتکې سيمې ته استول شوي دي.

د یادولو ده، چې په دې وروستیو کې پر پاکستاني پوځيانو وسلوال بريدونه زيات شوي دي.

اېسنا خبري اژانس د یکشنبې په ورځ (د وري ۱۲مه) په کرمانشاه ولایت کې له قانوني اسنادو پرته د کډوالو د پېژندلو، نیولو او شړلو د لومړي پلان د عملي کیدو خبر ورکړ.

دغې رسنۍ د کرمانشاه د کډوالو او بهرنیو وګړو د چارو د ادارې د مشر حمزه سلیماني له قوله لیکلي، چې د دغې پروسې د هر پړاو عملي کېدل به له درېو ورځو تر دوو اونیو وخت ونیسي.

یاد ایراني چارواکي دغه راز ویلي، چې د سراب نیلوفر او کوزران په سیمو کې په کرنیزو ځمکو کې د افغانانو د ګومارنې اجازه نشته .

حمزه سلیماني ویلي، له هغو کسانو سره به قانوني چلند وشي، چې په دغو سیمو کې افغانان ګوماري.

هغه وويل: "په داسې حال کې چې وزګاري په دې ولایت کې له لسیزو راهیسې یوه ننګونه وه، مونږ اجازه نه ورکوو چې کار ځایونه له بهرنیو کاریګرانو کار واخلي او زمونږ ځوانان وزګاره وي."

د کرمانشاه د کډوالو او بهرنیو وګړو د چارو عمومي رییس د استوګنې له اسنادو پرته د بهرنیو وګړو راتګ یو "ټولنیز او امنیتي کړکیچ" وباله او ویې ویل: موږ باید اجازه ورنکړو چې د دغه ولایت لپاره د حکومت پالیسي د یو شمېر غیر مسوولو کارګرانو له خوا له پامه وغورځول شي. "

په همدې حال کې؛ افغانان په ایران کې د کډوالو تر ټولو لوی نفوس جوړوي او د پاکستان په څېر دغه هیواد په وروستیو میاشتو کې د افغان کډوالو د اېستلو بهیر ګړندی کړی دی.

د ترکیې سیمه ییزې ټاکنې د دغه هېواد په بېلابېلو ښارونو کې پیل شوې، خو استانبول به د سیالۍ اصلي ډګر وي، هغه ښار چې د عدالت او پراختیا ګوند پکې د خلکو د جمهوري غوښتونکي ګوند څخه د ښاروالۍ څوکۍ لپاره سیالي کوي.

د ترکیې په ختیځ کې د رای ورکولو مرکزونه په ځايي وخت د سهار په اوو بجو پرانیستل شوي او په نورو سیمو کې بیا د رای ورکولو بهیر په اتو بجو پیل شو.

ټاکل شوې، چې ټاکنې د مازدیګر په پنځو بجو پای ته ورسېږي او پایلې به یې د شپې لس بجې اعلان شي.

د دغه هېواد د ټاکنو د عالي شورا مشر احمد یونیر وویل:«موږ له ټولو تمه لرو چې د رایه ورکولو ثندوقونو ته ولاړ شي، تر اوسه مو کوم منفي خبر نه دی ترلاسه کړی. د رای ورکولو بهیر هم په ارامۍ سره دوام لري.»

بلخوا، د ترکیې د کورنیو چارو وزیر علي یارلیکایا ویلي دي، چې د امنیت د ټينګښت په موخه يي په بېلابېلو ښارونو کې شاوخوا شپږ زره امنیتي سرتیري ګومارلي دي.

د خپرو شویو معلوماتو له مخې، په ټول هېواد کې له ۲۰۶ زره ډېر د رایو صندوقونه اېښودل شوي دي.

په دې ټاکنو کې به د ۸۱ ولایتونو او ۹۷۳ کلیو ښاروالان او د ښاروالانو د شورا غړي وټاکل شي.

په ترکیه کې سیمه ییرې ټاکنې په هرو پنځو کلونو کې یو ځل ترسره کیږي.

د ترکیې د ولسمشر رجب طیب اردوغان ګوند هڅه کوي، چې په دې ټاکنو کې له خپل سیال اکرم امام اوغلو څخه د استانبول واک بېرته واخلي.

په استانبول ښار کې دا سیالۍ نه یوازې ټاکنیزې سیالۍ دي، بلکې د اردوغان او د هغه د ګوند د راتلونکي خوندي کولو لپاره مبارزه هم ده.