روسیه وايي، چې د اوکراین د انرژۍ زېربناوې او د ګازو د تولید تاسیسات یې په نښه کړي
د روسیې د دفاع وزارت د یکشنبې په ورځ وویل، چې د روسیې هوايي ځواک په اوکراین کې د انرژۍ د زېربناوې او د ګازو د تولید پر تاسیساتو پراخ بریدونه کړي دي.
د روسیې د دفاع وزارت د یکشنبې په ورځ وویل، چې د روسیې هوايي ځواک په اوکراین کې د انرژۍ د زېربناوې او د ګازو د تولید پر تاسیساتو پراخ بریدونه کړي دي.
د دفاع وزارت د خبرپانې په وینا؛ په دغه برید کې له اوږد واټن ویشتونکو توغندیو او بې پیلوټه الوتکو کار اخیستل شوی دی.
په دغه خبرپاڼه کې راغلي: "د دغه برید په پایله کې د دفاعي صنایعو د تولید چارې چې د وسلو، تجهیزاتو او مهماتو جوړول او ترمیم کوي، ګډوډې شوې دي. د برید موخه ترلاسه شوې او هدف په دقیقه توګه ویشتل شوی دی. "
په دې وروستیو کې، روسیې د اوکراین په انرژۍ سکتور پراخ بریدونه پیل کړي او اوکراین چې تر جګړې وړاندې د انرژي صادرونکی هیواد و، اوس د خپل اړتیا وړ انرژۍ یوه برخه له بهره واردوي.
