د سوریې په شمالي ښار عزاز کې موټر بم چاودنې ۴ کسان وژلي او ۲۰ نور یې ټپیان کړي دي
د سیمه ییزو سرچینو په وینا؛ د سوریې په شمالي ښار عزاز کې د شنبې په ورځ ناوخته په یوه موټر بم چاودنه کې لږ تر لږه څلور کسان وژل شوي او ۲۰ نور ټپیان شوي دي.
د سیمه ییزو سرچینو په وینا؛ د سوریې په شمالي ښار عزاز کې د شنبې په ورځ ناوخته په یوه موټر بم چاودنه کې لږ تر لږه څلور کسان وژل شوي او ۲۰ نور ټپیان شوي دي.
برید د عزاز په بازار کې شوی، چې د حکومت مخالفو ځواکونو تر کنټرول لاندې دی.
لومړنۍ ارزونې دا چاودنه یو ترهګریز برید بولي.
له بريد وروسته ټپيان روغتون ته لېږدول شوي، په داسې حال کې چې امنيتي ځواکونو په شاوخوا سيمو کې امنيتي تدابير سخت کړي دي.
امنيتي ځواکونو د بريد په اړه پلټنې پيل کړي؛ خو تر اوسه کومې ډلې د بريد مسوولیت پر غاړه نه ده اخيستې.
