د هند د غوره لیګ (ای پي ايل) سيالیو ۱۲ مه لوبه ګجرات ټايټنز لوبډلې د درېيو افغان لوبغاړو پر مټ له سن رايزرز حيدراباد څخه د ۷ ويکټو په توپير وګټله. درېيو افغان لوبغاړو راشد خان، عظمت الله عمرزي او نوراحمد په توپ اچونه کې يو - يو لوبغاړی اوټ کړ.
د هند غوره لیګ کرېکټ سيالۍ د ۱۲ لوبې پچه سن رايزرز حيدر باد وګټله او لومړۍ يې د ټوپوهنې پرېکړه وکړه.
حيدراباد لوبډلې د ۸ لوبغاړو په سوځېدو ۱۶۲ منډې هدف وټاکه.
د ګجرات ټايټنز په لوبډله کې درېيو افغان لوبغاړو راشدخان، عظمت الله عمرزی او نوراحمد د حيدراباد لوبډلې يو يو لوبغاړی اوټ کړ.
ګجرات کرېکت لوبډلې د درېيو لوبغاړو په سوځېدو د شلم اورم په پيل کې دغه هدف پوره او لوبه يې وګټله.
د ګجرات په لوبډله کې ساسودهراسان ۴۵ او ډيويډ ميلر ۴۴ منډې وکړې.
دا لومړي ځل دی، چې د هند د مشهوره غوره لیګ (ای پي ایل) کرېکټ په سياليو کې په یوه لوبډله کې درې افغان لوبغاړي پر یوه وخت لوبيږي.
ګجرات لوبډلې پر خپله فېسبوک پاڼه له ستاينو سره د افغان لوبغاړو تصويرونه نشر کړی او زياتو مينه والو يې په ملاتړ نظرونه هم ورکړي دي.
