د افغانستان د فوټسال ملي لوبډلې په پنځو ګولونو سره د ټایلنډ لوبډلې ته ماته ورکړه
د افغانستان د فوټسال ملي لوبډلې نن په یوه تمریني لوبه کې د تایلنډ د فوټسال ملي لوبډلې ته ۵-۳ ماتې ورکړه.
د افغانستان د فوټسال ملي لوبډلې نن په یوه تمریني لوبه کې د تایلنډ د فوټسال ملي لوبډلې ته ۵-۳ ماتې ورکړه.
دغه لوبه په تایلینډ کې ترسره شوې او پر ټلویزیون نه ده خپره شوې.
د افغانستان له لوبډلې اکبر کاظمي، میثم فیضي، حسین محمدي او مهران غلامي هغه لوبغاړي و، چې په دې سیالۍ کې یې ګولونه ووهل او د اسیا د فوټسال دریم مقام لرونکي ټیم ټایلنډ ته یې ماتې ورکړه.
له دې لوبې وروسته به د افغانستان د فوټسال ملي لوبډله د روان کال د وري په ۲۱مه له سعودي عربستان سره، وري په ۲۳مه له تاجکستان سره د وري په ۲۵مه له چین سره تمریناتي لوبې وکړي.
د افغانستان د فوټسال ملي لوبډلې ټولې درې لوبې په ټایلنډ کې ترسره کیږي.
له دې درېیو لوبو وروسته به افغان لوبډله اسیایي جام ته لاره پیدا کړي.
د افغانستان د فوټسال ملي لوبډله چې دیارلسه ورځې وړاندې د تمریناتي لوبو د ترسره کولو په موخه ټایلنډ ته رسېدلې، تر اوسه یې له تایلنډ او میانمار سره شپږ لوبې کړي چې درې یې ګټلي، دوه یې بایللي او یوه یې مساوي کړې ده.
د هند غوره لیګ کرېکټ سيالۍ د ۱۲ لوبې پچه سن رايزرز حيدر باد وګټله او لومړۍ يې د ټوپوهنې پرېکړه وکړه.
حيدراباد لوبډلې د ۸ لوبغاړو په سوځېدو ۱۶۲ منډې هدف وټاکه.
د ګجرات ټايټنز په لوبډله کې درېيو افغان لوبغاړو راشدخان، عظمت الله عمرزی او نوراحمد د حيدراباد لوبډلې يو يو لوبغاړی اوټ کړ.
ګجرات کرېکت لوبډلې د درېيو لوبغاړو په سوځېدو د شلم اورم په پيل کې دغه هدف پوره او لوبه يې وګټله.
د ګجرات په لوبډله کې ساسودهراسان ۴۵ او ډيويډ ميلر ۴۴ منډې وکړې.
دا لومړي ځل دی، چې د هند د مشهوره غوره لیګ (ای پي ایل) کرېکټ په سياليو کې په یوه لوبډله کې درې افغان لوبغاړي پر یوه وخت لوبيږي.
ګجرات لوبډلې پر خپله فېسبوک پاڼه له ستاينو سره د افغان لوبغاړو تصويرونه نشر کړی او زياتو مينه والو يې په ملاتړ نظرونه هم ورکړي دي.
