په ملګرو ملتونو کې د غړیتوب د فیس د نه ورکړې له امله د افغانستان د رایې حق وځنډول شو

د ازبکستان پلاوي ويلي؛ د دوی حکومت او سوداګر حاضر دي، چې د نفتو په استخراج او نورو کاني برخو کې پانګونه وکړي.

د طالبانو د سياسي مرستيال دفتر نن یکشنبه په يوې خبرپانه کې ليکلي، چې د ازبکستان د ترانسپورټ وزير الهام محکموف په مشرۍ يوه پلاوي د مولوي عبدالکبير سره په ليدنه کې د ځینو اقتصادي پروژو اړوند خبري کړي.

اعلاميه زیاتوي پلاوي له دوی غوښتي دي، چې د ازبکستان حکومت او پانګوال د نفتو په استخراج، له ډبرو سکرو څخه د برېښنا توليد، سمنټو او نورو کاني برخو کې پانګې اچونې ته حاضر دي.

په اعلاميه کې راغلي، چې د ازبکستان د ترانسپورټ وزير، د ولسمشر ځانګړي استازي او راغلي پلاوي ټینګار وکړ، چې د سېمې په کچه به د افغانستان ترانزيټ ته وده ورکړي.

اعلاميې د ترانسپورت د وزير الهام محکموف له قوله ليکلي: «د کابل او تاشکند د ترانسپورټ او سوداګرۍ راکړې ورکړې کچه اوه برابره لوړه شوې ده او هڅه کوو د طالبانو سره په همږغۍ د حيرتان بندر کاري مهالوېش ۲۴ ساعتونو ته لوړ کړو.»

د طالبانو سياسي مرستيال مولوي عبدالکبير پلاوي ته د بهرنیو پانګوالو سره د همکارۍ ډاډ ورکړ.

د ازبکستان څخه راغلي پلاوي نن د طالبانو د بهرنيو چارو له وزير امير خان متقي سره هم ليدلي او ويلي يې وو، چې د یو تخنيکي ډلې سره د اوسپنې پټلۍ د چارو د ژر پيلېدو لپاره کابل ته راغلي دي.

په دغه برید کې چې په بېلګراد کې ترسره شوی، یو پوره بلاک ویجاړ شوی او تر اوسه په دغه سیمه کې تر ټولو خونړی برید بلل کیږي.

روسي چارواکي وايي؛ اوکراین د بېلګراد په سیمه د توغندیو یو پراخ برید پیل کړی و، چې په کې د توچکا بالیسټیک توغندیو، اډلر او ار ام - ۷۰ ویمپیر توغندي او د راکټ سیسټمونو کارول شوي‌ دي.

د پېښې له ځایه ترلاسه شویو ویډیوګانو کې ښکاري چې د یوې ودانۍ لږ تر لږه ۱۰ منزله نړېدلي دي.

کله چې ژغورونکو ډلو د نړېدلې ودانۍ لاندې بندو کسانو د ویستلو لټه کوله، یو بل پوړ هم وندیده.

د روسیې د دفاع وزارت دغه برید "د استوګنې پر سیمو یو ترهګریز برید" بللی چې لږ تر لږه ۱۲ توغندي په کې کاریدلي وو.‌

اوکراین تر اوسه د دغه برید په اړه څه نه دي ویلي.

د هغه وکیل وايي، چې نوموړي بې له دې چې پوه شي له یو چینايي هکر سره کار کړی و.

دغه پېلوټ چینايي‌ پوځي پېلوټانو ته پر الوتکې وړونکو بېړیو د الوتکې د کېنولو زده کړې ورکړې وې.

۵۵ کلن ډینیل دوګن چې د اسټرالیا تابعیت لري، ویره لري چې د حساسو معلوماتو لپاره د لویدیځو استخباراتي ادارو غوښتنې د هغه کورنی ژوند له خطر سره مخامخ کوي.

دوګن هغه تورونه ردوي، چې ګواکې د امریکا د وسلو د کنټرول قوانین یې مات کړي دي.

هغه د ۲۰۲۲ کال راهیسې په اسټرالیا کې په زندان کې دی. نوموړی په بېجینګ کې له شپږو کلونو کار کولو وروسته د بېرته راستنېدو پر مهال په اسټرالیا کې نیول شوی و.

د متحده ایالاتو چارواکو د سو بن په نوم چینايي هکر څخه په لاسته راغلي کمپیوټر کې د دوګن سره د دغه هکر د خبرو په اړه اسناد موندلي دي.

د اسټرالیا لوی څارنوال مارک ډریفوس به د دوګن د قضیې له اورېدو وروسته پرېکړه وکړي، چې هغه متحده ایالاتو ته تسلیم کړي او که نه.

د طالبانو د صنعت او سوداګرۍ وزير نورالدین عزيزي نن یکشنبه د صنعت اونۍ په ځانګړې غونډه کې وويل؛ د دوی د مامورينو د همکارۍ نه کولو پر مهال خلک کولی شي، چې د امربالمعروف وزارت د شکایتونو ادارې سره خپله ستونزه شریکه کړي.

نوموړي وايي، چې دا اداره ټولې چاري تعقيبوي او د خلکو ستونزو ته رسېدونه کوي.

نوموړي په دې غونډه کې وويل: «موږ په خپل څنګ کې ښه همکار لرو، که په يوه هېواد کې امربالمعروف او نهې عن المنکر اداره نه وي، خدای ناخواسته پر هغه هېواد عذاب را نازليږي.»

نوموړي پر داسي مهال د دې وزارت د کارونو ستاینه کوي، چې د هېواد په ډېرو برخو کې خلک، سوداګر او ان مېرمنې د امربالمعروف وزارت د کارونو څخه ناخوښه دي.

ډېری کسان وايي، چې دغه وزارت په زور پر ټولني ځنې شيان تطبیق او عملي کوي.

د طالبانو مشر هبت الله اخوندزاده هم دغه وزارت ته پوره صلاحيت ورکړی او ان وزارتونه یې مکلف کړي، چې د دې ادارې خبرو او لارښوونو ته غوږ ونيسي.

د امربالمعروف وزارت په خپلو ټولو شفاهي امرونو کې پر ځوانانو، مېرمنو او ټولنې بېلابيل بنديزونه لګولي.

له ږيرې او وېښتانو جوړولو نېولې، تر موسيقۍ، د مېرمنو پر تفريح ځایونو او يوازې تګ بنديز هغه څه دي، چې له امله یې د دغه وزات محتسبینو خلک وهلي او ډبولي هم دي.

د دې وزارت د کار کوونکو يو شمېر هغه ويډيوګانې، چې افغانستان انټرنشنل – پښتو تر لاسه کړي، پکې ليدل کیږي، چې په عام بازار کې مېرمنې وهي او په زور يې د «بې حجابۍ په نوم» تر زندانه رسولي.

ډېرو بشري سازمانونو، مدافع بنسټونو او د نړۍ ډېرو هېودونو پر افغانستان د طالبانو له واکمنۍ وروسته له شپږم ټولکي څخه پورته د نجونو پر زده کړو، کار کولو او ورزش بندیزونه، په رسنیو کې پر ښځینه خبریالانو محدودیتونه او د دوی په بندخونو کې د ښځو ځورول له ټولو بشري حقونو څخه سرغړونه بللې او د طالبانو څخه يې د دې بنديزونو د ليري کېدو غوښتنې کړي دي.

کاظمي قومي وايي؛ د انسانانو د ژوند د ژغورلو طلايي ساعتونه په همغږۍ او مشورې لګول کېږي.

ښاغلي قومي د یکشنبې په ورځ پر خپلې اېکس پاڼې لیکلي، چې د هرات د خونړۍ زلزلې پر مهال د خلکو د ژغورلو پر ځای طلايي ساعتونه په همغږۍ او مشورې لګول شوي دي.

دغه ایراني ډېپلومات ویلي، چې دغه ډول کړنلارې "پرېکړه کول ستونزمن کړي دي."

د ایران سفیر اعلان وکړ، چې د طالبانو د غوښتنې په صورت کې د ایران اسلامي جمهوریت چمتو دی، چې د افغانستان د شمالي ولایتونو سېلاب ځپلو ته د سرې میاشتې او د خمیني د مرستې کمېټې له لارې مرستندویه ځواکونه، طبي ټیمونه او د خلکو مرستې ورسوي.

طالبانو تر اوسه د ایران د مرستې د ورکړې اعلان ته ځواب نه دی ویلی.

د ایران استازي له طالبانو وغوښتل، چې د مرستې غوښتنه دې په څرګند ډول مطرح کړي.

د هېواد په شمالي ولایتونو او په ځانګړې توګه بغلان ولایت کې د سېلابونو له راوتو درې ورځې تېرې شوې؛ خو تر اوسه د پام وړ مرستې سېلاب ځپلو ته نه دي رسېدلي.