د ملګرو ملتونو د سر منشي مرستیال افغانستان ته سفر کوي

ښاغلی غالب چې دا مهال ایران کې دی، افغانستان انټرنشنل ـ پښتو ته په يوه لېږلې ويډيو کې ویلي، چې له افغان شخصيتونو سره د طالبانو د اړیکو کمیسون له لارې کابل ته تر ستنېدو او د جلال اباد د دريمې لېوا له طالب قومندان سیف الدین سره تر پخوانۍ شخړې او دوښمني حل کېدو وروسته یې هم ژوند ارام نه و.

د ولسوال غالب په خبره، چې کابل ته تر تګ وروسته پر نوموړي څلور وسله وال بريدونه وشول او بيا وطن پرېښېدو ته مجبور شو.

غالب وايي، چې طالبان اوس مهال د هغه کورنۍ ځوروي او څو ځله طالبانو په بېلابېلو نومونو د هغه پر کور چاپې او عملیات کړي.

نوموړی زياتوي، ۴ ورځې مخکې طالبانو د ده د زوی قاري شفيع پر کور د نشه يي توکو په تور چاپه اچولې، خو ښاغلی شفیع په خپله هم ملا دی او څه موده مخ کې یې د ملايي پګړۍ تړلې ده.

«طالبانو ۴ ورځې مخکې په کابل کې زما د زوی قاري شفیع پر کور بريد وکړ، پر ماشومانو یې ډزې وکړې، وايي تاسو وسلې او نشه يي مواد ساتلي.»

نوموړي غوښتنه کړې، چې طالبان دې عقدوي چلند، دسېسې جوړول او له دوی سره زور زياتی پرېږدي او د عمومي بښنې خبره دې عملي کړي.

غالب په همدې ويډیو کې د طالبانو د بښني فرمان ته په اشاره ويلي: « تاسو بښنه اعلان کړې خو طالب قومندانان دا خبره نه مني، تاسو بښنه دې ته وایاست چي موږ بیا وتښتيږو.»

غالب مجاهد د پخواني جمهوريت پر مهال د ننګرهار په بېلابيلو ولسواليو، بهسود، بټي کوټ، اچين او نورو کې يې دندې تر سره کړې دي.

نوموړی د جمهوریت په لومړیو کې د القاعده په تور هم د امریکا له خوا نیول شوی او پنځه کاله په ګونتنامو زندان کې و.

افغانستان انټرنشنل ته رسېدلو ویډیوو کې د ډزو غږونه اورېدل کېږي. لا هم په دغه جګړه کې د مقابلو اړخونو یا د ولسي مرګ ژوبلې رپوټ نه دی ور کړل شوی.

د طالبانو او د پاکستان حکومت هم لا په دې تړاو څه نه دي ویلي.

دوه ورځې مخکې هم په دغه سیمه کې د پاکستاني ځواکونو او طالبانو ترمنځ نږدې یو ساعت جګړه روانه وه.

که څه هم طالبانو او پاکستاني ځواکونو رسمي څه ونه ویل، خو ځايي خلکو ویل چې جګړه پاکستاني ځواکونو پیل کړې وه.

څو میاشتې مخکې د پاکستاني پوځ له خوا په تورخم دروازه او تر هغه مخکې کونړ ته څېرمه سرحدي سیمه کې د پوستې جوړولو له امله هم د پاکستاني پوځ او طالبانو نښتې شوې وې.

د طالبانو د دفاع وزارت په خبرپاڼه کې ویل شوي، چې نسکوره شوې ( اېم ای ۱۷ ) ډوله چورلکه د هوايي ځواکونو اړوند وه، چې د غور په هریرود سېند کې د ملکي وګړو د بند پاتې موټر د ژغورلو په عملیاتو بوخته وه.
طالبانو د چورلکي د نسکورېدو لامل تخنیکي ستونزه ښودلې او ويلي یې دي، چې دغه چورلکه د بېړنۍ ناستې پرمهال له یوه دېوال سره د جنګېدو پر مهال نسکوره شوې ده.
د طالبانو د دفاع وزارت په خبره په یاده پېښه کې یو تن مړ او ۱۲ نور ټپیان شوي دي.
دا په داسې حال کې چې کابو یو کال وړاندې هم په سمنګان ولایت کې د طالبانو یوه پوځي چورلکه نسکوره شوې وه او دوه پیلوټان په کې وژل شوي وو.

تر دې وړاندې له غور څخه سیمه‌ییزې سرچینې افغانستان انټرنشنل ـ پښتو ته ویلي و، چې نن چهار شنبه د (غويي ۲۶مه) سهار مهال د طالبانو یوه چورلکه د غور ولایت په مرکز فیروز کوه ښار کې نسکوره شوې ده.

د سرچینو د معلوماتو له مخې، چورلکه په بشپړه توګه ویجاړه شوې ده.

د ټېلګراف په وینا، د طالبانو تر واکمنۍ وروسته د یو کیلو تریاکو بیه له ۳۰ پونډو څخه تر ۸۰۰ او ۱۰۰۰ پونډو پورې لوړه شوه چې د طالبانو ځینې لوړ پوړي چارواکي ترې ګټه پورته کوي.
ټېلګراف د دوشنبې په ورځ د غويي په ۲۴مه په یوه راپور کې له ایران سره په پوله او پرتو سیمو کې د افغان کروندګرو له‌خوا د غولک یا منجنیق په وسیله ایران ته د نشه‌یي توکو د انتقال او پټنځایونو ته کتنه کړې ده.

ټېلګراف لیکي، چې افغان کروندګرو د نیمروز ولایت او د سیستان او بلوچستان له پولو ایران ته تریاک قاچاق کول؛ خو وروسته له هغه چې طالبانو پر افغانستان ولکه ټینګه کړه او د کوکنارو پر کښت یې بندیز ولګاوه، افغان بزګرانو اوس یوه بله حل لاره پیدا کړې ده.
د جبار په نوم یو افغان کروندګر ټېلګراف ته وویل: «طالبانو د نشه‌یي توکو سره د مبارزي لپاره د خلکو نیول ګړندي کړي، له همدې امله موږ اوس په تیاره کې نشه‌یي توکي د غولک په وسیله ایران ته غورځوو او هره شپه له مختلفو ځایونو څخه کار اخلو؛ ترڅو له طالبانو دوی سره د مخامخ کېدو مخه ونیسو.»
طالبان د کوکنارو پر کښت سخت بندیز لګولی.
د طالبانو دغه پالیسي تېره اونۍ په ارګو او درایم ولسوالیو کې د خلکو د نارضایتي سبب شوه او یوشمېر کسان له طالبانو سره لاس او ګرېوان شول.

د تورو سرو زور پټه کرنه

د کوکنارو پر کښت بندیز د نشه‌يي توکو پر بیو د پام وړ اغېز کړی او کروندګر یې اړ کړي، چې په پټه په خپلو باغونو کې کوکنار وکري.
احمد ولي د فراه په یوه لرې پراته کلي کې خپل د انګورو باغ کې کوکنار کرلي دي او د باغ شاوخوا یې لوی لوی دېوالونه ترې چاپېر کړي دي.
خپل دوه زامن یې دې ته ځانکړي کړي، چې د طالبانو د راتګ او یا هم د شکمنو کسانو د فعالیت په اړه ورته سم دستي راپور ورکړي.
نوموړي ټېلګراف ته وویل:« ما په کندهار او هلمند کې د کوکنارو کروندې لرلې؛ خو طالبانو له منځه یووړې.»
نوموړي ته یوه اندازه تریاک له تېر کاله ورپاتې دي او له پېرلو یې ډډه کړې؛ ځکه د تریاکو بیه ورځ تر بلې لوړېږي.

د بندیز ګټه د طالبانو جېبونو ته ځي

یو طالب چارواکي د نوم نه ښودلو په شرط دغې بريتانوۍ ورځپاڼې ته ويلي، چې د طالبانو له لوري د کوکنارو د کښت د مخنيوي يو اصلي لامل د ترياکو د بيو لوړېدل دي، چې په دې توګه هغه طالب چارواکي چې د کوکنارو پټې زېرمې او د کوکنارو پټې کروندې لري.
او له دغه لارې ډېره شتمنې پیدا کړي.
په هرات ولایت کې یوه طالب چارواکي ټېلګراف ته وویل: «د بندیز ټوله مسله د بیو د لوړولو لپاره ترسره کېږي. ډېرو یې [طالبان]، په ځانګړې توګه هغه کسان چې په کندهار کې نفوذ لري، په سلګونو کیلوګرامه تریاک زېرمه کړي دي."
هغه زیاته کړه: «تر دوه کاله وړاندې زما قومندان له یوه زاړه موټرسایکل پرته بل څه نه درلودل؛ خو اوس دوه لنډ کروزر موټر او یو لوکس کور لري.» "دوی د کوکنارو د هرې کروندې له منځه تللو سره شتمن کېږي."
دغه سيمه‌ييز طالب چارواکی وايي، چې تېره مياشت يې په هرات ښار کې له يوه سوداګر څخه ١٢٠ کيلوګرامه ترياک کشف او ترلاسه کړل؛ خو « له کندهار سره یې ټلیفوني اړیکه ونیوه او ۵۰ کیلو ګرامه یې د لوړ پوړي طالب قوماندان سره ژمنه وکړه، ۲۰ کیلو یې زما د قوماندانو تر منځ ووېشل او په دې توګه یې ځان له سزا خلاص کړ.»
افغانستان په نړۍ کې د تریاکو تر ټولو لوی تولیدونکی هېواد بلل کېږي؛ خو د طالبانو له‌خوا د کوکنارو پر کښت له بندیز وروسته او د ملګرو ملتونو د راپور له مخې، په دغه هېواد کې د تریاکو تولید تر ۹۰ سلنه ډېر کم شوی دی.
د ټېلګراف د راپور له مخې، په هلمند ولایت کې چې یو وخت د افغانستان تر ټولو زیات تریاک تولیدول، تېر کال د کوکنارو کښت ۲۵۰۰ جریبه ته راټیټ شو.
خو په دې ولایت کې د کوکنارو کښت صفر شوی نه دی؛ ځکه یو شمېر کروندګر د نشه‌يي توکو د کر او حاصل لپاره له بېلابېلو لارو کار اخلي.
یو هلمندی کروندګر غلام يحيى وايي، چې د کوکنارو په شاوخوا کې يې غنم کرلي او ورور يې، چې طالب دى له ده سره همکاري کوي، چې خپلې کروندې له ويجاړتيا وژغوري.
هغه وويل: "زه کله ناکله هغه ته ترياک او پيسې ورکوم او مننه ترې کوم." دغه افغان کروندګر زیاتوي، چې اوس " تریاک د تورو سرو زرو په شان دي."
هغه پلان لري، چې د خپل تره د زوی له لارې نیمروز ته یو څه نشه‌يي توکي ولېږدوي او په لوړه بیه یې په ایران کې وپلوري.

د فرانسې خبري اژانس د راپور له مخې، دغو پخوانیو جګپوړو چارواکو په دې څېړنه کې چې د سې شنبې په ورځ د امریکا د سولې د مطالعاتو د انسټیټیوټ له خوا خپره شوې، په افغانستان کې د ترهګرو ډلو د بیا را ژوندي کېدو په اړه اندېښنه ښودلې او ویلي یې دي چې په افغانستان کې افراطي خوځښتونو د تنظیم او د ځواکونو د تازه کولوفرصت پیدا کړی.

دوی ویلي چې امریکا له افغانستان څخه تر وتلو وروسته له چین سره سیالۍ او په اوکراین کې جګړې ته زیاته پاملرنه کړې ده. په ورته وخت کې ترهګرو ډلې د افغانستان له خاورې په استفادې د امریکا او د هغې د متحدینو د ګټو د ګواښلو لپاره اړین ځواک ترلاسه کړی دی.

دوی د داعش خراسان څانګې او تحریک طالبان پاکستان ته په اشارې سره وویل، چې د افغانستان له خاورې په استفادې سره سیمه ییز ګواښ ګرځېدلی دی.

دغو پخوانیو سیاستوالو د امریکا له متحدو ایالتونو غوښتي چې په افغانستان کې د ترهګرۍ ګواښونه په ګوته او له منځه یوسي.

دوی له متحده ایالاتو غوښتي چې د "ځواک نمایش" لکه د بې پیلوټه الوتکو الوتنې دې په پام کې ونیسي ترڅو په طالب مشرانو فشار راوړي چې له القاعدې سره اړیکې پرې کړي.

تر دې وړاندې هم د افغانستان په اسمان د امریکايي بې پیلوټه الوتکو د الوتنو راپورونه موجود و. طالبانو د افغانستان په اسمان د بې پیلوټه الوتکو ګزمې تایید کړې او ویلي یې دي چې امریکا د دغه هېواد له هوايي حریم څخه سرغړونه کوي.

له پاکستان سره له همکارۍ پرته بله چاره نشته؟

دغو چارواکو کې چې د امریکا دوه پخواني سفیران هم شامل دي، له اسلام اباد سره د واشنګټن د همکارۍ غوښتنه وکړه.

دوی وویل: "د ۲۰۲۱ کال په اګست میاشت کې دغه هېواده د ځواکونو له اېستلو وروسته په افغانستان کې د نفوذ او استخباراتي کړیو د کمښت په پام کې نیولو سره، واشنګټن باید د افغانستان د جګړې له شل کلنې صدمې باید ووځي او له ترهګرۍ سره په مبارزه کې دې له پاکستان سره همکاري وکړي."

دوی امریکا هڅولې چې د پاکستان له هوايي حریم څخه د ترهګرو د تعقیب لپاره کار واخلي.

خو د بایډن حکومت له اسلام اباد سره خبرو ته ډېره لېوالتیا نه لري. پاکستان کې ګډوډ حالاتو هم د واشنګټن «نه لېوالتیا» زیاته کړې ده.

د امریکا او پاکستان اړیکې په تېرو دوو لسیزو کې له کړاوونو ډکې وې. امریکا پر پاکستان تور پورې کړی چې له ترهګرۍ سره په مبارزه کې «دوه ګونې لوبه» کوي.

د دې څېړنیزې ډلې مشر لورل د فرانسې خبري اژانس ته وویل: «د امریکا د حکومت په لوړه سطحه ډېر خلک اوس د افغانستان د جګړې د شل کلنې تجربې پر بنسټ له پاکستان څخه سخت نفرت لري.»

هغه، چې د افغانستان او پاکستان لپاره د امریکا د ځانګړي استازي په توګه کار کړی، د فرانسې خبري اژانس ته وویل، « پاکستان له متحده ایالاتو سره صادقانه چلند نه دی کړی.»

هغه وویل، «مګر ځینې نه بدلیدونکي حقایق شتون لري، داچې پاکستان د افغانستان ګاونډی دی، چې دا مهال د ترهګرو ډلو پټنځای دی. نو زه فکر کوم چې له پاکستان سره د داسې اړیکو لرلو پرته بله چاره نشته چې متحده ایالات وکولای شي په سیمه کې خپلې ګټې خوندي کړي.

نوموړي ویلي، چې د پاکستان په اړه د امریکا تګلاره هم د هند تر اغېز لاندې ده، چې له پاکستان سره تاریخي دښمني لري.

‎په دې څېړنه کې چې د امریکا د سولې انسټیټیوټ په همکارۍ ترسره شوې، د افغانستان او پاکستان لپاره د امریکا د متحدو ایالتونو د پخواني ځانګړي استازي لورل میلر سربېره، د پوځ متقاعد جنرال مایکل په پاکستان او افغانستان کې د امریکا پخوانیو سفیرانو انه پټرسون او مایکل مک کینلي ګډون درلود.