په افغانستان کې د ملګرو ملتونو د دفتر مرستیالې اندریکا راټوټ د دغه هیواد شمالي سیمو بغلان ته سفر کړی. د ملګرو ملتونو دغه چارواکې وايي، په داسې حال کې چې د شینکوریزو ګازونو په خورولو کې د افغانانو ونډه صفر ده، خو بیا هم د اقلیم د کړکیچ له ویجاړونکو اغېزو سره مخ دي.
په افغانستان کې د ملګرو ملتونو سیاسي استازولۍ یوناما وايي، د ملګرو ملتونو د دفتر مرستیالې اندریکا راټوټ د افغانستان شمالي ولایت بغلان ته په دې موخه سفر کړی چې د وروستیو خونړیو سیلابونو له امله د اوښتو زیانونو او له سېلاب ځپلو سره د ملګرو ملتونو مرستو څارنه وکړي.
هغې همدارنګه د طالبانو د ریاست الوزرا له اقتصادي مرستیال سره د اغیزمن شویو کسانو سره د بشردوستانه مرستو د چمتو کولو په اړه خبرې اترې کړې.
د غوايي میاشتې په ۲۱مه نیټه په بغلان کې د چکټو ورښتونو او سېلابونو له امله تر درې سره ډیر کسان مړه او د دغه ولایت په څو ولسوالیو کې د کورونو په نړېدو سره دروند مالي زیانونه اوښتي دي
