طالبان: په بدخشان کې د غر ښويېدنې له کبله ۱۵ کورونه په بشپړ ډول ویجاړ شوي دي

د ملګرو ملتونو اړوند دغه مرستندویه سازمان فوربز مجلې ته چې د سې شبنې په ورځ خپره شوه وویل، چې د دوی د تغذیې او روغتیا ګرځنده ټیمونه په سېلاب ځپلو سیمو او په خیمو کې د ماشوم او مور روغتیایي خدمات وړاندې کوي.

د ملګرو ملتونو د ماشومانو صندوق زیاته کړه، چې د اوبو د ټانکرونو په مرسته یې تر ۲۲ زرو زیاتو خلکو ته د څښاک پاکې اوبه رسولې دي.

دغه بنسټ د نورو مرستندویه موسسو سره یوځای د خوارځواکۍ سره مخ ماشومانو سره مرسته او درملنه یې کوي.

د ملګرو ملتونو اړوند مرستندویه ادارې ویلي چې دوی ۲۳دولتي ښوونځیو ته د درسي خونو د کارولو لپاره خیمې او درسي مواد استولي دي.

یونېسف به تر دوو میاشتو د بغلان په درېیو ولسوالیو بغلان جدید، برکه او ګذرګاه نور کې پر درې زره کورنیو ۳۱۲ډالره نغدي مرسته وویشي.

په تېرو دوو اوونيو کې د هېواد په يو شمېر شمالي او مرکزي ولايتونو کې سختو بارانونو او ناڅاپه سېلابونو زرګونه کورونه، زيربنايي تاسيسات او کرنیزې ځمکې ويجاړ کړي دي.

د ملګرو ملتونو له خوا د اعلان شویو شمېرو له مخې؛ د وروستیو سیلابونو له امله لږ تر لږه ۲۴۰کسان وژل شوي او سلګونه نور ټپیان شوي دي.

یونېسف اټکل کوي چې د بغلان په اتو ولسوالیو کې تر درې زرو زیات کورونه ویجاړ شوي دي.

سیګار لیکلي؛ دغو بنسټونو طالبانو ته د اوبو او برېښنا د خدماتو، ګمرکي مالیاتو او نورو برخو کې ۱۰.۹میلیونه ډالر ورکړي دي.

سیګار په هغه راپور کې چې د دوشنبې په ورځ (د غویي ۳۱مه) خپور شو، په افغانستان کې د مرستندویه بنسټونو بشرې مرستو ته د مالیې له ورکولو څخه د طالبانو د ګټې او د دغو سازمانونو له خوا د دقیق راپور ورکولو د نشتوالي په اړه څېړنه کړې ده.

سیګار ویلي؛ د امریکا متحده ایالاتو د ۲۰۲۱ کال له اکټوبر څخه تر ۲۰۲۳ کال د سپټمبره پورې له افغانستان سره څه باندې ۱،۶ میلیارده ډالره مرسته کړې ده.

دا شمېر د جمهوريت په شلو کلونو کې له افغانستان سره د امریکا د ټولو مالي مرستو نږدې ۶۳ سلنه ده.

سیګار د خپل راپور لپاره له هغو ۱۴۴مرستندویه موسسو معلومات راټول کړي، چې له ۲۰۲۱ کال راهېسې د طالبانو تر واکمنۍ لاندې په افغانستان کې کار کوي.

د افغانستان د بیارغونې لپاره د متحده ایالاتو ځانګړي مفتش ویلي، چې د ۶۵ مرستندویه موسسو څخه ۳۸ یې د سیګار پوښتنلیک ته ځواب ویلی دی.

د دغو بنسټونو ۵۸ سلنې برخې ویلي، چې دوی د طالبانو تر واکمنۍ لاندې حکومت ته مالیه ورکړې.

دغو ۳۸ ځواب ویونکو طالبانو ته لږ تر لږه ۱۰.۹ میلیون ډالره مالیه ورکړې ده.

طالبانو ته د مالیاتو د نه ورکولو پایلې:

د سیګار د راپور له مخې؛ طالبانو ته د مالیاتو نه ورکول به په افغانستان کې د مرستندویه موسسو لپاره «ناوړه پایلې» ولري.

په دغه راپور کې راغلي؛ که په افغانستان کې مرستندویه موسسې طالبانو ته مالیه ور نه کړي، ښايي د هغوی بانکي حسابونه او دفترونه وتړل شي او نومونه یې د هغو سازمانونو له لېست څخه واېستل شي، چې په افغانستان کې د فعالیت اجازه لري.

طالبانو په افغانستان کې مرستندویه موسسو ته شرط اېښی چې د مالیې په ورکولو فعالیت کولی شي.

تر دې مخکې د ملګرو ملتونو د بشري چارو د همغږۍ دفتر په ۲۰۲۲ کال کې ویلي وو، چې که نا دولتي بنسټونه طالبانو ته مالیه ور نه کړي، نه شي کولی چې په دغه هېواد کې خپل کار ته دوام ورکړي.

د مرستندویه بنسټونو په کارونو کې د طالبانو لاسوهنه

سیګار راپور ورکړی، چې مرستندویه موسسې د خپلو برنامو په پلي کولو کې د طالبانو له لاسوهنې سره مخ دي.

په راپور کې راغلي، چې طالبان له د مرستو د منحرفولو لپاره بېلابېلو لارو هڅه کوي، چې نادولتي بنسټونو کې نفوذ وکړي او د دوی په کارونو کې لاسوهنه وکړي.

د دغه راپور له مخې؛ طالبان په بېلابېلو چارو کې لکه د کارکوونکو استخدام، له منابعو او وسایطو استفاده او داسې نورو کې لاسوهنه کوي.

ذبیح الله مجاهد د سې شنبې په ورځ (د غبرګولي لومړۍ) پر اېکس پاڼه لیکلي، چې د افغانستان د ۱۴۰۳لمریز مالي کال ملي بودیجه د ملا هبت الله اخوندزاده له خوا له هر اړخیز غور او دقت وروسته توشیح شوه.

ښاغلی مجاهد زیاتوي: «د روان مالي کال په ملي بودیجه کې د خلکو اړتیاوې او لومړیتوبونه په پراخه کچه په پام کې نیول شوي او همدارنګه د سږ کال ملي بودیجه به هم لکه د تېر کال له خپلو کورنیو عوایدو څخه چمتو شوې ده.»

ذبیح الله مجاهد وایي، د مالیې وزارت به د ۱۴۰۳ مالي کال ملي بودیجه د هېواد په مالي سیستم کې ځای پر ځای کړي.

هغه زیاتوي: « د روان مالي کال اړوند ټولو (عادي او انکشافي) برخو ته به په پوره روڼتیا سره په نورمال ډول رسیدګي وشي.»

نوموړي د بودیجې اندازه او جوړښت نه دی روښانه کړی.

پر طالبانو نیوکه ده، چې د ملي بودیجې په اړه د افغانستان خلکو ته معلومات نه ورکوي او د افغانستان د بودیجې یوه لویه برخه دوی د خپلو وسله والو په تمویل لګوي.

تسنیم خبري اژانس نن د خپلو سرچینو په حواله لیکلي:«د طالبانو د لومړي وزیر د مرستیال، د بهرنیو چارووزیر او اقتصادي مرستیال سربېره نور لوړ پوړي چارواکي به هم د جنازې په مراسمو کې ګډون وکړي.

تسنیم تهران ته د طالبانو د تګ دقیق وخت نه دی روښانه کړی.

د ابراهیم رییسي او د هغه د ملګرو د تدفین رسمي مراسم د سه شنبې په ورځ ( د غبرګولي لومړۍ) په تبریز کې پیل شول. وروسته د هغوی جسدونه تهران ته ولېږدول شول.

د چورلکۍ د لوېدو پېښه کې د ابرهیم رییسي او د هغه د ملګرووژل کېدو په ټوله نړۍ کې پراخ غبرګونونه راپارولي دي.

تر دې مخکې د طالبانو رییس الوزرا محمد حسن اخوند په یوې بیانیه کې ویلي و،چې د ایران د ولسمشر ابراهیم رییسي او د هغه د ملګرو پر مړینې «ژور خفه» شوی دی.

قاسم جورمات توکایف وروستیو سېلابونو ته په اشارې وویل، چې د افغانستان وضعیت "جدي پاملرنې" ته اړتیا لري.

قاسم جورمات توکایف په دې ناسته کې وویل: په الماتا کې د منځنۍ اسیا او افغانستان لپاره د تلپاتې پراختیا موخو لپاره د ملګرو ملتونو د سیمه ییز مرکز د جوړولو لپاره د قزاقستان د نوښت ملاتړ خورا مهم دی.

د قزاقستان ولسمشر د اقلیم د بدلون مسالې ته د هېوادونو د ځانګړې پاملرنې اړتیا ته په اشارې سره، په افغانستان کې د بشري ناورین د مخنیوی لپاره د هڅو پر دوام ټینګار وکړ.

د دغه هېواد د رسنیو د راپورونو له مخې ښاغلي توکایف وویل: «د سمدستي مخنیوي اقداماتو پرته، دا ستونزه کولی شي زموږ سیاره د طبیعي افتونو په ډراماتیک پړاو کې راولي.»

ښاغلي توکایف د هوا حالات په نړۍ کې یو له سترو ننګونو څخه یاد کړل او ویې ویل، چې له طبیعي پېښو سره د مبارزې لپاره د شانګهای د همکارۍ سازمان هڅې اړینې دي.

د شانګهای د همکارۍ سازمان د غړو هېوادونو د بهرنیو چارو وزیران د غویي په ۳۱مه او د غبرګولي په لومړۍ نېټه د افغانستان کې د ثبات د رامنځته کولو لپاره د مرستې په اړه سره خبرې اترې کوي.

روسیه، ایران، هند، قزاقستان، قرغزستان، چین، تاجکستان، ازبکستان او پاکستان د شانګهای د همکارۍ سازمان غړي دي.