نړیوال بانک پاکستان ته ۱۵۰ میلیون ډالره پور منظور کړ

تیره اونۍ د اټومي انرژۍ نړیوالې ادارې د یو پریکړه لیک په صادرولو سره د ملګروملتونو د اټومي انرژۍ د څارنې ادارې سره د تهران پر نه همکارۍ نیوکه وکړ.

دغې ادارې د پنجشنبې په ورځ (د غبوګولي۲۴مه) خبرداری ورکړ، چې ایران د خپلو اټومي وړتیاوو د پراخولو په حال کې دی.

دغې ادارې، غړو هېوادونو ته خبر ورکړی، چې ایران د نتنز او فردو د غني کولو په تاسیساتو کې نور کاسکیډونه ځای پر ځای کوي. کاسکیډ د سنټرفیوزونو او ماشینونو مجموعه ده، چې د یورانیمو د غني کولو په پروسه کې کارول کیږي.

د امریکا د بهرنیو چارو د وزارت ویاند متیس میلر ویلي، چې د ایران اسلامي جمهوریت باید پرته له ځنډه د ملګرو ملتونو د اټومي څارنې له ادارې سره په خپلو اټومي ژمنو عمل وکړي.

د امریکا د بهرنیو چارو د وزارت ویاند دا هم ومنله چې ایران غواړي خپل اټومي پروګرام ته "په داسې لارو چارو دوام ورکړي چې د اعتبار وړ سوله ایز هدف نه لري".

میلر همدا راز وویل: "که له اژانس سره د ایران نه همکاري دوام ولري، موږ چمتو یو چې له خپلو شریکانو او متحدینو سره په نږدې همغږۍ کې پر ایران فشارونه زیات کړو."

په ورته وخت کې، ایران د ملګرو ملتونو د اټومي څارنې ادارې سره د تهران د نه همکارۍ په اړه د اټومي انرژۍ د ادارې پریکړه لیک "مخکې له وخته او بې ځایه" بللی دی.

د اوکراین پوځ د یو لوی او ښه مجهز دښمن سره مخامخ دی، خو د هغه په ​​څیر په زړو سرتیرو تکیه کوي ترڅو د روسیې د بې رحمه بریدونو په وړاندې د هیواد دفاع وکړي.

دغه سرتیری چې د اوکراین په ختیځ کې په یوه روزنیز کمپ کې زدکړې ترلاسه کولې وویل: "ځوان نسل باید پوه شي چې زموږ او دوی پرته بل څوک دا کار (د اوکراین دفاع) نه کوي."

د اوکراین پوځ تر فشار لاندې دی چې لا ډیر سرتیري د جګړې لیکو ته واستوي ځکه چې د ۲۷ میاشتنۍ جګړې د پای څرک لا هم نه لګي او اوس د جګړې د لومړیو میاشتو په پرتله لږ کسان په خپله خوښه د جګړې لیکو ته ځي.

چارواکو په دې وروستیو کې عسکر ۍ ته د جذب مقررات بدل کړي او پر شرایطو د برابرو کسانو عمر یې ۲۵ کلنۍ ته راټیټ کړی. تر ۶۰ کلنۍ پورې نارینه د عسکرۍ لپاره پر شرایطو برابر دي. یو شمېر اوکرایني چارواکي اټکل کوي چې د اوکرایني سرتېرو اوسط عمر له ۴۰ کلونو ډېر دی.

رویټرز خبري اژانس ته د دونڅک په سیمه کې د ۳۳ میخانیکي لوا د روزنې غونډې ته لاسرسی ورکړل شوی، چې د مسکو ځواکونه ورو ورو په څو سیمو کې پرمختګ کوي.

سرتیرو ته په مختلفو مهارتونو کې روزنه ور کول کیږي چې د خندق پاکولو څخه نیولې د لویو لاریو او درنو جنګي وسلو تر کارولو پورې. ځینې سرتیري په نوو دندو ګمارل شوي او ځینې نور نوي له پوځ سره یو‌ځای شوي.

د لوا یو چارواکي وویل، چې ډیری هغه نارینه چې اوس مهال روزنه ترلاسه کوي د ۵۰ کلونو څخه ډیر عمر لري مګر دوی د ځوانو سرتیرو په پرتله ډیره انګیزه لري.

هغه وویل: "دوی پوهیږي چې ولې دلته دي: د خپلو ماشومانو او لمسیانو لپاره."

مولوي عبدالحمید د ولسمشرۍ په ټاکنو کې د یوه مخکښ سني شخصیت پر نه نوم لیکنې نیوکه وکړه او ویې ویل، چې په تېرو ۴۵ کلونو کې د ایران د سني ټولنې پر وړاندې دا ډول تبعیضي عمل څو ځلې تکرار شوی دی.

په شپږمه ولسي جرګه کې د سنندج استازي جلال جلال زاده مخکې اعلان کړی و، چې غواړي د ۱۴۰۳ کال ولسمشریزو ټاکنو ته ځان کاندید کړي، خو د کورنیو چارو وزارت له نوم لیکنې منع کړ.

د زاهدان د اهل سنت والجماعت امام د جمعې په خطبو کې دې ته په اشارې سره چې په تېرو ٤٥ کلونو کې په ايران کې د ولسمشرۍ لپاره له نوم ليکنې وروسته ښځې معزول شوې دي، وويل، چې په دې موده کې ښځو ته يو ځل هم موقع نه ده ورکړې شوې. هر ځل به یې ویل، چې "کاندیدان باید سیاسي شخصیتونه وي."

هغه ټینګار وکړ: "د سیاسي سړي په اړه د نګهبان شورا تفسیر غلط دی".

ټاکل شوې ده، چې د ولسمشرۍ د څوارلسمې دورې ټاکنې د ١٤٠٣ کال د چنګاښ د مياشتې په اتمه نېټه ترسره شي. دغه ټاکنې له وخت مخکې او د ابراهيم ریيسي د چورلکې د غورځېدو وروسته د نوموړي د مړینې له امله ترسره کیږي.‌

د ولسمشرۍ د لومړيو ټاکنو په بهير کې ٨٠ کسانو ځانونه کانديد کړي وو.

د دغو کسانو له جملې څخه د ایران نګهبان شورا د شپږو کسانو نوم لیکنه منظور کړه. په دغه ډله کې سعید جلیلي، محمد باقر قالیباف، مسعود بشکیان، علیرضا زکاني، مصطفی پور محمدي او امیرحسین غازي زاده هاشمي شامل دي.

د تاجکستان د دولتي رسنیو د راپور له مخې، د پارلمان دغه غړي په جلاوطنۍ کې د ممنوع الخروج سازمان «تاجکستان ملي پیمان» له مرستیال شرف الدین ګادیف سره د «په زور د واک نیولو» لپاره خبرې کړې دي.

د تاجکستان د لوی څارنوال دفتر وايي، داسې شواهد یې ترلاسه کړي، چې ښيي سعید عثمان زاده په ۱۴۰۰ میلادي کال کې له شرف الدین ګادیف سره د ټیلیفوني خبرو پر مهال په تاجکستان کې د واک د نیولو وړاندیز کړی و.

په همدې حال کې د تاجکستان حکومت وايي چې سعید جعفر عثمان زاده د تاجکستان دننه او بهر له ډېرو ډلو سره د خپل «جنایتکارانه پلان» لپاره تماسونه نیولي او ځینې یې د حکومت ضد فعالیتونو د تنظیمولو لپاره ګمارلي دي.

له بلې خوا د تاجکستان حکومت ادعا کړې، چې سعید عثمان زاده له یو شمېر نورو مخالفو څېرو سره په همغږۍ د دغه هېواد په ځینو برخو کې د سیاسي او ټولنیز ثبات د ګډوډولو او د پولیسو ودانۍ ته ننوتلو سره وسلې ترلاسه کړي او حکومت نسکور کړي.

د تاجکستان حکومت لا هم ادعا کوي، چې سعید عثمان زاده په تاجکستان کې د یوه بهرني هېواد له استازي څخه د حکومت د تخریبي پلان د عملي کولو لپاره لس میلیونه ډالره غوښتې وې.

خو ولادیمیر پوتین نن په مسکو کې وویل، چې دا شرطونه ډېر ساده دي.

د رویټرز د راپور له مخې، هغه د خپلو شرطونو بیانولو سره وویل، چې کیف دې د اوکراین په ختیځ او سوېل کې خپل ټول ځواکونه، له دونڅک، لوهانسک، خرسون او زپروژیا نه وباسي.

هغه زیاته کړه: «که دوی په کیف کې په ډاګه کړي چې دې پرېکړې ته تیار دي، له دې سیمو د ځواکونو وتل پیل کړي او دا رسمي اعلان هم وکړي چې په ناټو کې نور غړیتوب نه غواړي، نو زموږ لوری به سملاسي ټیک په همغه شېبه کې د اوربند امر پلی او خبرې به پیل کړي.»

نوموړي بیا وویل. «زه تکراروم چې موږ به سملاسي همداسې وکړو، طبعا موږ به له دې سیمو د اوکرایني ځواکونو خوندي او بې خنډه وتل هم تضمین کړو.»

روسیې پر اوکراین په برید سره په تېرو دریو کلونو کې د دغه هېواد پر پنځمه برخه خاوره ولکه کړې ده.

اوکراین وايي، په دې شرط سوله کوي چې روسي ځواکونه د دوی له سیمو ووځي او پر دې خاوره د کیف حاکمیت ومنل شي.

د ولادیمیر پوتین دا نوې خبرې د دې اونۍ وروستیو کې د سویس یا سوېزرلنډ د سولې کانفرنس په درشل کې دي، چې له ۹۰ د ډېرو هېوادونو او سازمانونو استازي پکې ګډون کوي.

د ایجنډا له مخې به په دې ناسته کې پر ځمکني ملکیت د خبرو پر ځای په اوکراین کې خوړو او اټومي خوندیتوب په هکله خبرې وشي.