د طالبانو ستره محکمه وايي، د دې ډلې د مشر په امر یې د لوی اختر په مناسبت ۳۴۹ بندیان خوشي او د ۲۷۰ زندانیانو د بند موده یې کمه کړې ده. د دې محکمې په نننۍ اعلاميه کې راغلي، چې دغه بنديان د بخښنې مستحق وو او د افغانستان له بېلابېلو بندخونو ازاد شوي دي.
طالبانو له خوشې شويو بندیانو غوښتي، چې له منفي کړنو لاس واخلي او خپل عادي ژوند غور وکړي.
په اعلاميه کې د خوشي شويو بنديانو د جرمونو په اړه جزيات نه دي ورکول شوي او دا يې هم نه دي ويلي، چې دا بنديان سياسي که جنايي وو.
طالبانو په تېر کوچنۍ اختر کې هم د ۲۸۵۵ بندیان د خوشي کولو او له زرو څخه د ډیرو بندیانو د بند مودې کمېدو خبر ورکړی وو.
د طالبانو د زندانونو ادارې نظامي مرستیال تېر کال په سلواغه مياشت کې وویل، چې دا ډله د ۲۵ بهرنیو اتباعو او شاوخوا ۸۵۰ ښځو په ګډون ۱۹ زره بندیان لري.
دغه لاریون کوونکو په خپلې اعلامیه کې لیکلي، چې لاریون یې په بلجیم کې د زیانمنو افغان کډوالو د پناه غوښتنې د نه منلو او د دوی پر وړاندې د دغه هېواد د چارواکو د نا عدالتۍ په وړاندې ترسره کړی دی.
دغه لاریون د جمعې په ورځ د ماسپښین له ۲ تر ۵ بجو ترسره شو.
د دغه لاریون یو جوړونکی او ګډونوال علم خان خوګیانی افغانستان انټرنشنل ته وویل، چې په بلجیم کې شا وخوا د ۶ زره افغانانو د پناه غوښتنې دوسیې رد شوي دي.
علم خان خوګیانی زیاته، دا اتم ځل دی چې دوی لاریون کوي خو د بلجیم د حکومت له خوا یې کوم مثبت ځواب نه دی ترلاسه کړی.
ښاغلی خوګیانی وایي، هغو افغان کډوالو چې د پناه غوښتنې دوسیې یې رد شوي ډېری یې کم عمره ځوانان دي.
د نوموړي په وینا، د افغان کډوالو د پناه غوښتنې د قضیو پر وړاندې د بلجیم حکومت سخت دریځ کاروي او له نرمښت څخه کار نه اخلي.
ښاغلي خوګیاني په ټینګار سره وویل: «تر هاغه به دغو لاریونونو ته دوام ورکوي تر څو چې د بلجیم حکومت د افغان پناه غوښتونکو قضیو ته مثبت ځواب ووایي.»