د سلمان خان پلار: سلمان خان ډېر ساده دی په اسانۍ سره مینه کوي خو له واده کولو ډاریږي

د امریکا د خزانې وزارت په یوې اعلاميه کې ويلي، چې دغو کسانو او بنسټونو د «سایه بانکدارۍ شبکه» جوړه کړې، چې د سپاه پاسداران او د ایران د دفاع او د اسلامي جمهوریت د وسله والو ځواکونو د ملاتړ وزارتونو له خوا کارول کېده.

د ایران د حکومت دغه دوه پوځي بنسټونه د امریکا د بندیزونو په لېست کې دي.

د امریکا د خزانې وزارت ویلي، چې دې بانکي شبکې د سپاه پاسداران او دفاع وزارت نړۍوال مالي سیسټم ته د لاسرسي زمینه برابره کړې او د هغو ملیاردونو ډالرو په انتقال کې یې مرسته کړې چې دغو دوو بنسټونو له ۲۰۲۰ کال راهیسې د تېلو او پټرو کیمیکل محصولاتو له خرڅلاو ترلاسه کړي و.

د امریکا د خزانې وزارت په وینا، سپاه پاسداران او دفاع وزارت خپل عایدات د ایران د صرافیو او د بهرني شرکتونو د پوښښ له لارې په سیمه کې د یمن د حوثیانو په ګډون د اسلامي جمهوریت د نیابتي ډلو مالي ملاتړ او وسلو لپاره مصرفول.

د ۱۴۰۲ کال (د لړم ۱۰ مه) د ایران مشر علی خامنه يي اسراییل ته د تېلو او خوراکي توکو د صادراتو پر بندولو ټینګار وکړ او له اسلامي حکومتونو څخه یې وغوښتل، چې له اسراییل سره اقتصادی ملګرتیا ونه کړی.

د خامنه يي له څرګندونو وروسته حوثيانو په سور سمندرګي، د باب المندب تنګي او د عدن په خلیج کې پر نړۍوالو بېړیو بریدونه پیل کړل، چې په سیمه کې یې د تګ راتګ امنیت له خطر سره مخامخ کړ.

واشنګټن د غبرګولي په ۲۱ نېټه د يمن حوثيانو ته د تېلو او نورو توکو په غيري قانوني لېږد کې د رول له امله پر ۱۰ کسانو، شرکتونو او کښتيو بنديزونه ولګول.

حماس د سې شنبې په ورځ د هنیه په کورنۍ باندې د برید او د وژل شویو کسانو د شمېر په تاییدولو سره وویل، چې د غزې په تړانګه کې د فلسطین د خلکو په وړاندې د "ویجاړه ونکې" جګړې د دوام مسووله د متحده ایالاتو د ولسمشر جو بایډن اداره ده.

هغه وویل، چې متحده ایالات اسراییل ته «سیاسي او پوځي پوښښ ورکوي» او د ویجاړونکو موخو لپاره وخت ورکوي.

د ملکي دفاع ادارې ویاند محمود بسال د اې ایف پي خبري اژانس ته ویلي، چې په شاتي کې د سې شنبې سهارني برید د هانيه کور په نښه کړ.

بسال وویل، چې د هوایي برید په پایله کې د حماس د سیاسي دفتر د مشر اسماعیل هنیه د خور زهر په شمول ۱۰ تنه شیهدان شوي دي. هغه زیاته کړه، چې احتمال شته چې یو شمېر جسدونه تر خاور لاندې وي خو موږ یې د وېستلو لپاره د اړتیا تجهیزات نه لرو.

بسال وویل، د ملکي دفاع کارکوونکو مړي د غزې په ښار کې د الاحلي روغتون ته انتقال کړل، په برید کې د څو تنو ټپیانو راپور هم ورکړل شوی دی.

حماس په یوه بیان کې "په نړۍوالې ټولنې او ملګرو ملتونو غږ کړی چې د دې روانو وحشتناکو جنایتونو په وړاندې خپل مسولیتونه په غاړه واخلي او د بې ګناه ملکي وګړو د ساتنې لپاره دې بیړني اقدام وکړي.

دا پلان به له اوکراین سره د واشنګټن د مرستو چمتو کول د دې هېواد د موافقې پورې مشروط وي،چې له روسیې سره د سولې خبرې پیل کړي.

رویټرز خبري اژانس د سې شنبې په ورځ (د چنګاښ ۵ مه) په یوه ځانګړي راپور کې لیکلي، چې د دغه پلان په چوکاټ کې به امریکا روسیې ته هم خبرداری ورکړي، چې که دغه هېواد د سولې له خبرو سره مخالفت وکړي واشنګټن به کییف ته نورې وسلې ورکړي.

دا طرحه د کیت کيلاف او فریډ فیلټز له خوا چمتو شوې ده.

دا دواړه د ټرمپ د ولسمشرۍ پر مهال د امریکا د ملي امنیت د عالي شورا له مشرانو څخه وو.

روسیې د ۱۴۰۰ کال (د کب ۵ مه) د اوکراین پر وړاندې خپل پوځي عملیات پیل کړل او له هغه وخت راهیسې د دواړو هېوادونو ترمنځ مرګونې نښتې روانې دي.

تر دې مخکې د غبرګولي په ۱۳مه د اوکراین ولسمشر ولادیمیر زلنسکي د ټرمپ د احتمالي پرېکړې په اړه اندیښنه څرګنده کړه، چې که چیرې هغه د امریکا راتلونکې ولسمشریزې ټاکنې وګټي په کیيف باندې به «د سولې ناوړه پلان» تحمیل کړي.

زلنسکي زیاته کړه، چې د ټرمپ دا ډول اقدام به هغه یو «بايلونکی ولسمشر» کړي او د «نړۍوال لوبغاړي» په توګه به د امریکا رول پای ته ورسوي.

رویټرز د خپل خبر په دوام لیکلي، چې د ټرمپ د سلاکارانو پلان به د کییف او مسکو ترمنځ اوربند د «جګړې د ډګر د حاکمو کرښو» پر بنسټ رامنځته شي.

د فلیټز په وینا دا پلان ټرمپ ته وړاندې شوی او هغه په ​​دې اړه مثبت نظر څرګند کړی دی.

په ورته وخت کې فلیټز زیاته کړه: «زه دا ادعا نه کوم، چې ټرمپ د پلان «له هرې توري» سره موافق دی.»

د رویټرز په وینا دا پلان د اوکراین د شخړې په اړه د واشنګټن په دریځ کې د پام وړ بدلون معنی لري، چې د امریکا د اروپايي متحدینو او حتی د جمهوري غوښتونکو ګوند ځینې غړي به یې مخالفت وکړي.

يو شمېر رسنيو نن دوشنبه خبر ورکړ، چې د ۲۰۲۴ کال د امريکا ولسمشرۍ چوکۍ ته د دې دواړو نوماندانو ترمنځ مناظره به د سي اين اين ټلویزيون له لوري د ۹۰ دقيقو لپاره مخ ته يوړول شي.

دواړو نوماندانو په دې مناظره کې د ګډون لپاره چمتوالی ښودلی دی.

جوبايډن او ډونالډ ټرمپ د ۲۰۲۰ کال د ولسمشرۍ په ټاکنو کې دوه ځلي په مناظرو کې د بحث لپاره سره مخ شوي وو.

د امريکا د ولسمشرۍ ټاکنې به د ۲۰۲۴ کال په نومبر مياشت کې تر سره شي او دواړه نوماندان به د ګټلو لپاره خپل کمپاينونه مخ ته وړي.

په امريکا کې د ولسمشرۍ د ټاکنو لپاره د نوماندانو تر منځ مناظرې له کلونو راهيسي تر سره کيږي.

په امريکا کې د ولسمشرۍ ټاکنو لپاره لومړۍ مناظره په ۱۹۶۰ کال کې د ريچارډ نيکسون او جان ايف کينيډي ترمنځ تر سره شوې وه.

د شل اوریز نړۍوال جام د اتو غوره لوبډلو تر منځ په سیالیو کې هند له اسټرالیا سره مخامخ شوه، چې په پیل کې یې توپوهنه وکړه.

په لومړۍ پاڼۍ کې هند د پنځو لوبغاړو په سوځېدو سره ۲۰۶ منډې هدف وټاکه.

د لوبې په دویمې پاڼۍ کې د اسټرالیا لوبډلې ونه شول کولی، چې د ټولو اورونو په لوبولو سره ټاکلی هدف پوره کړي او یادې لوبډلې د ۲۴ منډو په توپیر له هند څخه ماتې وخوړه.

د اسټراليا نننۍ ماته د افغان لوبډلې په ګټه تمامه شوه او که چېرې سبا افغان لوبډله د بنګله دېش لوبډلې ته ماتې ورکړي؛ نو نيمه پايلوبې ته به لاره پېدا کړي.