د هند او سويلي افريقا ترمنځ د ۲۰۲۴ کال د کرېکټ ۲۰ اوره نړيوال جام په پايلوبه کې هند خپلي سيالي لوبډلې ته ۱۷۷ منډې هدف وټاکه د همدې لوبې پچه هند لوبډلې وګټله او لومړۍ يې توپوهنه غوره کړه.
د هند کرېکټ لوبډلې د خپلو ۷ لوبغاړو په سوځېدو سويلي افريقا ته ۱۷۷ منډې هدف وټاکه
د هند په لوبډله کې ویرات کوهلی په ۵۹ توپونو ۷۶ منډې جوړي کړې.
د سويلي افريقا په توپ اچونونکو کې کېشو مهاراج او انریچ نورتجي دوه دوه هندي لوبغاړي وسوځول.
هند او سويلي افريقا هغه دوې قوي لوبډلې دي، چې د کريکټ په دې ۲۰ اوره نړيوال جام کې يې یوې لوبډلې هم مات نه کړل او په خپلو ټولو سياليو کې یې برياوي په نوم کړې.
د سوېلي افریقا په تاریخ کې دا لومړی ځل دی، چې لوبډله یې د شل اوره سیالیو نړۍوال جام پایلوبې ته لاره مومي.
د دې پايلوبې د دوهمې برخې له پای ته رسېدو سره به اتله لوبډله معلومه شي.
دغه تمریناتي کمپ د ایران پلازمېنې ته څېرمه په قم ښار کې د افغانستان د ۱۹ کلنو د فوټبال د ملي لوبډلې د روزونکي محسن رضايي او د دغه ټیم د مرستیال روزونکي شکرالله مومند په مشرۍ د افغان کډوالو فوټسال لوبغاړو لپاره جوړ شوی و.
د کمپ په لومړي پړاو کې ۶۰ لوبغاړي وټاکل شول.
په انګليستان کې د لیسټر شاير او سسیکس لوبډلو ترمنځ په کورنيو اتلولیو سياليو کې د شاير لوبډلې توپوهونکي لويیس کمبر په يو اور کې ۴۳ منډې جوړې کړې.
په دې اور کې ۶ څلوريزي، دوې شپږيزي، په یوه توپ يوه منډه او پر درې "نو" توپونه ۶ منډې تر سره شوې.
دا د کرېکټ په تاريخ کې په کورنيو سياليو کې دویم تر ټولو ګران بيه اور دی.
تر دې دوې ورځې وړاندې د انګلينډ سپينر توپ اچونکي شعيب بشير د لیسټرشاير لپاره په يو اور کې د پنځو شپږو سره ۳۸ منډې ورکړې وې.
د انګلينډ په دې سياليو کې د ليسټرشاير توپووهنکي کمبر په ۱۰۰ توپونو دوې سليزې پوره کړې.
په ۲۰۱۸ کال کې د افغانستان کرېکټ لوبغاړي شفیق الله شینواري په ۸۹ توپونو تر ټولو چټکې دوې سلیزې جوړې کړې وې.