د هندوستان د کرېکټ ملي لوبډلې لوبډلمشر روهیت شرما، د کرېکټ د نړۍ مشهور توپ وهونکي ویراټ کهولي او غوره ټولچاري رویندرا جدیجا چې د هند د کرېکټ ملي لوبډلې د ملا تېر بلل کېدل،د نړېوال جام له ګټلو وروسته له شل اوریز کرېکټ څخه تقاعد شول.
د هندوستان د کرېکټ ملي لوبډلې، لوبډلمشر روهیت شرما د ۲۰۲۴ کال کرېکټ شل اوریز نړېوال جام له ګټلو څو شیبې وروسته د یوې خبري ناستې پرمهال له شل اوریز کرېکټ څخه خپل تقاعد اعلان کړ.
کله چې نوموړي رسنیو ته وویل:«یا یا دا زما وروستۍ لوبه وه، له هغه وخته چې مې کرېکټ پیل کړی تر اوسه پورې مې له ټولو لوبو خوند اخیستی دی، نو دا تر ټولو ښه موقع ده چې له کرېکټ سره خدای پاماني وکړم.» ټول خلک حیران شول ځکه نوموړي تردې وړاندې له کرېکټ څخه د تلو په اړه څه نه وو ویلي.
روهیت شرما په ۲۰۰۷ کال کې د هند لپاره شل اوریز نړېوالي لوبې پیل کړې. او د هند لپاره یې۱۵۹ شل اوریزي لوبې ترسره کړې دي.
نوموړي په دغو لوبو کې ۴۲۳۱ منډې، ۵ سلیزې ۱۲ پنځوسیزې، ۳۸۳ څلوریزې او ۲۰۵ شپږیزې په خپل نوم ثبت کړې دي.
همدارنګه د نړېوال جام له ګټلو څو شیبې وروسته د پایلوبې د غوره لوبغاړي د جایزې ترلاسه کولو پر مهال ویراټ کهولي وویل:«دا د هندوستان لپاره زما د کرېکټ وروستۍ شل اوریزه نړېواله لوبه وه، وخت یې رارسیدلی دی چې نویو ځوانانو ته ځای پریږدم.»
ویراټ کهولي د هند لپاره شل اوریزي لوبې په ۲۰۱۰ کال کې پیل کړې.
نوموړي د هند لپاره په ۱۲۵ لوبو کې ۴۲۳۱منډې، یوه سلیزه، ۳۸ پنځوسیزې، ۳۶۹ څلوریزې او ۱۲۴ شپږیزې په خپل نوم ثبت کړې دي.
هندوستان د لومړي ځل لپاره د شل اوریزو نړېوال جام په ۲۰۰۷ کال کې د ډهونې په لوبډلمشرۍ ګټلی و.
د ۲۰۲۴ کال شل اوریز نړېوال جام ګټلو دوه ورځې وروسته د هندوستان د کرېکټ ملي لوبډلې غوره ټولچاري رویندرا جدیجا هم په خپل انسټاګرام له شل اوریزو لوبو څخه د تقاعد اعلان وکړ.
نوموړي لیکلي: «په خوشحاله زړه د نړېوالو شل اوریزو لوبو څخه تقاعد اعلانوم، ما تل د خپل هېواد لپاره غوره لوبې ترسره کړې، د نړېوال جام ګټل یو خوب و، چې په رښتیا بدل شو نور په شل اوریزو لوبو کې زما مسلک پای ته ورسیده ستاسو ټولو له ملاتړه مننه کوم.»
نوموړي په ۲۰۰۹ کال کې د هندوستان لپاره شل اوریز کرېکټ پیل کړی .
تردې مهاله د هند لوبډلې د ۲۰ اوریزو لوبو لپاره د یادو درېیو لوبغاړو ځای ناستي نه دي اعلان کړي.
په دې سیالیو کې شاوخوا ۱۰۰نابینا او په سترګو کمزورو لوبغاړو برخه اخیستې وه.
ولي محمد نوري د منډو په ٢۲ سياليو کې ګډون کړى او په ډېرو کې يې مډالونه ګټلي دي.
نوري تر اوسه د منډو وهلو په درېیو سیالیو کې ګډون کړی او دوه د سرو او یو د سپینو زرو مډالونه ګټلي دي.
دغه لوبغاړي څوارلس کاله مخکې په افغانستان کې په یوې بمي چاودنې کې په سترګو ړوند شوی دی.
دغه تمریناتي کمپ د ایران پلازمېنې ته څېرمه په قم ښار کې د افغانستان د ۱۹ کلنو د فوټبال د ملي لوبډلې د روزونکي محسن رضايي او د دغه ټیم د مرستیال روزونکي شکرالله مومند په مشرۍ د افغان کډوالو فوټسال لوبغاړو لپاره جوړ شوی و.
د کمپ په لومړي پړاو کې ۶۰ لوبغاړي وټاکل شول.
