ټي ټي پي: په تېره جون میاشت کې مو ۹۵ بریدونو کې ۸۱ پاکستاني نظامیان وژلي

د طالبانو د کډوالو او راستنېدونکو چارو وزارت نن سې شنبه د (چنګاښ ۱۲مه) په خپله اېکس پاڼه لیکلي، چې د چنګاښ میاشتې په ۱۰مه او ۱۱مه نیټه د نمیروز ولایت د ورېښمو پله له لارې ۱۳۲۳ تنه افغان کډوال په زور او خپله خوښه راستانه شول.

همدارنګه د طالبانو کډوالو وزارت وايي، په همدې ورځو کې ۱۰۸ کورنۍ چې د غړو شمېر یې ۶۴۳ تنه کیږي دکندهار د سپین بولدک له لارې د پاکستان حکومت له لوري په زور راستانه شول.

د کډوالو د وزارت د معلوماتو له مخې، ۹۶ کورنۍ چې د غړو شمېر یې ۴۸۴ تنو ته رسېږي د ننګرهار تورخم له لارې راستنې کړل شوې دي.

طالبان وايي، تازه راستنو شویو کډوالو ته د لومړنیو خوراکي توکو ترڅنګ د نورو مرستو تر لاسه کولو په موخه یې د ملګرو ملتونو د کډوالۍ سازمان، د ملګرو ملتونو د خوړو او د کډوالۍ عالي کمېشنرۍ ته ورپېژندلي دي.

له تېر یوه کال راهیسې له پاکستان او ایرانه د افغان کډوال په زور ایستلو لړۍ دوام لري.

دا په داسې حال کې ده چې دوه ورځې مخکې د الجزیرې خبري شبکې راپور خپور کړی، چې پاکستان په پام کې لري چې افغانستان ته د بې اسنادو افغان کډوالو د ایستلو د اختلافي پلان دویم پړاو پیل کړي.

ټاکل شوې، چې د افغان کډوالو د ایستلو دویم پړاو د جون په ۳۰مهپیل شي او له ۸۰۰ زرو څخه ډېر افغانان به له پاکستانه وباسي.

د پاکستاني پوځ رسنیزه څانګه وايي، دغه عملیات یې د استخباراتي معلوماتو پر بنسټ کړي.

پوځ د دوشنبې په ورځ په د (چنګاښ ۱۱مه) یوه بیان کې وویل، د خیبرپښتونخوا ایالت په تیرا سیمه کې د پاکستاني امنیتي ځواکونو په عملیاتو کې د وسله والو دوه جګپوړي قوماندانان له پنځو نورو سره ووژل شول.

په یوه بل خبر کې د پاکستان پوځ ویلي، چې د خیبرپښتونخوا ایالت په لکي مروت سیمه کې له پاکستاني امنیتي ځواکونو سره په جلا نښته کې دوه نور وسله وال هم وژل شوي دي.

د پاکستان پوځ ویلي، چې دغو وسله والو پر امنیتي ځواکونو په بریدونو کې لاس درلود.

تر اوسه پورې وسله والو ډلو په دې اړه څه نه دي ویلي او نه هم پاکستاني پوځ د کومې ډلې نوم اخیستی چې دغه کسان تړاو ورسره لري.

خو په یادو شویو سیمو کې د ټي ټي پي وسله واله ډله فعالیت کوي چې وخت ناوخت پر پاکستاني پوځ او پولیسو بریدونه کوي.

د ملګرو ملتونو دغه کاري ډله، چې په جنیوا کې ده، د ښاغلي خان پر وړاندې قضايي ګام د پاکستان د پخواني لومړي وزیر او د تحریک انصاف ګوند پر ضد د «ډیر پراخ کمپاین» یوه برخه بولي.

دغې کاري ډلې په یوه یادښت کې لیکلي، چې په پاکستان کې د تېرو ټاکنو په درشل کې د عمران خان د ګوند غړي ونیول شول او شکنجه شوي چې د دوی لاریونونه ګډوډ شول.

عمران خان د ۲۰۲۲ کال په اپریل میاشت کې د لومړي وزیر له څوکۍ تر ګوښه کېدو وروسته له ۲۰۰ نه زیاتو قضیو کې تورن شوی دی او د تېر کال له اګسټ میاشتې راهیسې په زندان کې دی.

ښاغلي خان دغه قضيې له واکه د لرې ساتلو لپاره د خپلو سياسي مخالفانو له خوا د سياسي هڅونې او دسیسې بللې دي.

تېره اوونۍ د اسلام اباد محکمې د خان او د هغه د مېرمنې د بند سزا ځنډولو غوښتنه رد کړه.

تر دې مخکې د پاکستان سترې محکمې د فساد په یوه قضیه کې د خان او د هغه د مېرمنې د ۱۴ کاله بند سزا وځنډوله.

د لومړي وزیر شهباز شریف یوه سلاکار تېره اوونۍ ویلي وو: «حکومت به هڅه وکړي چې هغه تر هغه وخته پورې په زندان کې وساتي چې امکان ولري.»

ځینې شنوونکي په دې باور دي چې د عمران خان پر ضد د قضیو تر شا د پاکستان د پوځ لاس دی.

د پاکستان د بهرنيو چارو وزارت ویانده ممتاز زهرا بلوچ زیاتوي، چې د پاکستان په زندانونو کې د ۲۵۴ هندي اتباعو او کب نيونکو زندانيانو لېست يې هند ته سپارلی.

په خبري کې راغلي، چې هند بيا په خپلو زندانونو کې د ۴۵۲ پاکستاني اتباعو او کب نيونکو لېست برابر کړی دی.

اغلې بلوچ وايي، چې تر دې وړاندې دوی هند ته د هغو ۳۸ نادرکه پاکستاني اتباعو لېست هم ورکړی، چې ويل کيږي د ۱۹۶۵ او ۱۹۷۱ جګونو راهيسي د هند په زندانونو کې بنديان دي.

هغې د ټولو هغه پاکستاني زندانيانو د ژر خوشې کېدو غوښتنه کړې، چې د هند په زندانونو کې يې خپلي سزاوې پوره کړي.

ممتاز زهرا بلوچ ټينګار کړی، چې د هند په زندانونو کې د ټولو پاکستاني زندانیانو د ژر تر ژره خوشي کېدو لپاره به هلې ځلې جاري ساتي.

د اسلامي جهاد وسله واله ډله، چې د حماس یوه متحده ډله ده او د ایران له خوا یې ملاتړ کیږي وايي، چې جنګیالیو یې د غزې سره پر پوله پر څو اسراییلي سیمو راکټي بریدونه کړي دي.

دغه ډله وايي، چې دغه راکټي بریدونه یې پر غزې د اسراییل د بریدونو په ځواب کې کړي دي.

د اسرايیل پوځ ویلي، چې شاوخوا شل راکټونه یې په بېلابېلو سیمو لګېدلي، چې مرګ ژوبله نه لري.

دغه برید ښيي چې اورپکي لا هم د راکټي بریدونو وړتیا لري، هغه څه چې اسراییل هڅه کوله چې په تېرو نهه میاشتو کې یې له منځه یوسي.

100%

بل خوا د غزې په سوېل کې د خان یونس ځینو اوسېدونکو ویلي، چې دوی ته د اسراییلي تلیفوني شمېرو له لارې غږیز پیغامونه رسېدلي چې له خپلو کورونو ووځي.

ځینو اوسیدونکو ویلي، چې دا پیغامونه د دې معنا لري، چې اسراییلي ځواکونه به هغه سیمې ته بېرته راستانه شي، چې څو اونۍ د مخه ترې وتلي وو.

د اسرايیل پوځ په دې اړه کومه تبصره نه ده کړې.

تاوتریخوالی د دوشنبې په ورځ د اسراییل په اشغال شوې لویدیځه غاړه کې هم پیل شو، چېرې چې د فلسطین د روغتیا وزارت وویل، چې یوه ښځه او یو هلک په تلکرم ښار کې د اسراییلي ځواکونو له خوا د عملیاتو په ترڅ کې وژل شوي دي.

یوه ورځ وړاندې هم په همدې سیمه کې د اسراییل په برید کې د اسلامي جهاد یو غړی وژل شوی و.

د غزې په ځينو سيمو کې لاهم وسله وال پر اسرایيلي ځواکونو خپلو بريدونو ته دوام ورکوي، دا هغه سیمې دي چې پوځ څو مياشتې مخکې تر عملیاتو وروسته پریښې وې.

100%

د سیمې اوسیدونکو وویل، چې اسراییلي ټانکونو د پنځمې ورځې لپاره د غزې ختیځ ښار شیجایه کې یو ښارګوټي ته ننوتي او په لویدیځ او مرکزي رفح کې، د مصر سره پولې ته نږدې یې نور نور پرمختګ هم کړی دی.

د اسراییل پوځ ویلي، چې د دوشنبې په ورځ یې په شیجایه کې په جګړه کې یو شمېر وسله وال وژلي او په زیاته اندازه وسلې یې موندلې دي.