یونیسف په افغانستان کې د ۱۹۰ ښوونځیو ودانۍ رغوي
د ملګرو ملتونو د ماشومانو د ملاتړ صندوق وايي، چې دا اداره به سږ کال په افغانستان کې ۱۹۰ لومړني ښوونځي ورغوي. یونیسف ویلي، د دغو ښوونځیو په بیارغونې سره به دوه لکه ماشومانو ته د زدکړو زمینه برابره شي.
د ملګرو ملتونو د ماشومانو د ملاتړ صندوق وايي، چې دا اداره به سږ کال په افغانستان کې ۱۹۰ لومړني ښوونځي ورغوي. یونیسف ویلي، د دغو ښوونځیو په بیارغونې سره به دوه لکه ماشومانو ته د زدکړو زمینه برابره شي.
دې سازمان پر خپله اېکس پاڼه ليکلي، چې یونيسف د ماشومانو لپاره نوي ټولګي، روغتيايي اسانتياوې او د زدکړو چاپيريال برابروي.
د ملګرو ملتونو د ماشومانو د ملاتړ صندوق لیکلي دي، چې دغه ټولګي به د اروپايي ټولنې په مرسته په راتلونکو شپږو میاشتو کې ورغول شي.
په افغانستان کې د اروپايي ټولنې شارژدافیر رافیلا ایودیس د افغان ماشومانو لپاره پر پانګونې له ټینګار سره وویل، چې په رغول شویو ټولګیو کې به زدکوونکي برېښنا او اوبو ته هم لاسرسی ولري.
د طالبانو په وینا دا مهال په افغانستان کې ۳۰ زره دولتي او خصوصي تعلیمي مرکزونه شته، چې ډیری یې بیارغولو ته اړتیا لري.
په ورته وخت کې د نجونو د زدکړې له بندیز نږدې درې کاله تېر شوي، خو لا هم د «ددې ډلې لخوا ناسم شرایط» او په نصاب کې د بدلون په پلمه د نجونو لپاره د ښوونځیو دروازې تړلي دي.
