د غازي امان الله خان د انځور سپینولو له امله طالبانو نیولي موټروانان خوشې کړل

د قرغزستان د رسنیو د معلوماتو له مخې، د قرغزستان د روغتیا وزارت د ناروغیو د مخنیوي او روغتیايي څارنې ادارې د افغانستان د « طلايي زندګي»په نوم د انارو د ګازي مشروباتو تاواني بللي دي.

د راپورونو له مخې، په قرغزستان کې د افغانستان د «ګلډن لايف» په نوم د غیر الکولي انارو ګازي مشروباتو راټولول د جولای له دریمې راهیسې پیل شوې دي.

قرغزستان وايي د ازموینو پر بنسټ دغه افغان څښاک داسې رنګ لري، چې د ماشومانو پر روغتیا منفي اغېز کولای شي.

د ازبکستان د روغتیا کمیټې ویلي، په افغانستان کې تولید شوي د انارو د خوند محصولاتو نمونې بیا ازمویي.

دغه برتانوي سړي افغانستان ته د خپلو رخصتۍ د تیرولو لپاره تللی و او له خپلې دغې پرېکړې دفاع کوي.

هغه وايي، چې طالبان سلانیانو ته ډیر لیوال دي او ور سره ښه چلند کوي.

د بریتانیا حکومت خپلو وګړو ته افغانستان ته د سفر په اړه خبرداری ور کړی او ویلي یې دي، چې ښايي دغه هیواد ته سفر د امنیتي ستونزو سره مل وي.

ښاغلی براون پوره وخت سفر کوي او بلاګر دی. هغه د نړۍ د هر هیواد د لیدو هیله لري.

دغه ۲۹ کلن ګرځندوی تر دې دمه ۹۸ هېوادونو ته تللی او تر ۳۰ کلنۍ پورې پلان لري چې ۱۰۰ هیوادونو ته لاړ شي او دا به د ده په خبره، د هغه لپاره یوه لویه لاسته راوړنه وي.

ښاغلي براون په دې وروستیو کې په خپله خواله رسنۍ کې یوه ویډیو خپره کړه چې خورا ډیره لاس په لاس شوه.

هغه په دغه ویډیو کې خلک هڅوي چې د خپلې رخصتۍ پرمهال افغانستان ته ولاړ شي، چې هغه اته ورځې د طالبانو تر کنټرول لاندې سیمو کې د څو ملګرو سره سفر کړی.

د کرن دغه ویډیو د ځینو لیدونکو له پراخو نیوکو سره مخامخ شوې ده.

په ۲۰۲۱ کال کې واک ته له بیا رسیدو وروسته، طالبانو ځایی خلک او په ځانګړې توګه ښځې او نجونې په زیاتیدونکي ډول تر محدودیتونو لاندې راوستي دي، مګر کیرن پر هغه د نیوکې په ځواک کې ویلي، هغه کسان چې په هغه باندې نیوکه کوي "شاید هیڅکله له خپل کوره بهر نه وي را وتلي ".

د طالبانو له خوا په عام محضر کې حد جاري کیږي او خلک وهل ټکول کیږي، د موسیقي اوریدل محدود شوي، ښځې او نجونې تر هغه څه لاندې ژوند کوي چې د بښنې نړیوال سازمان یې "ظالمانه رژیم" بولي، چې د دوی د تعلیم حق او ازادي په پراخه کچه تر پښو لاندې شوې ده.

نوموړی وايي: "زه فکر کوم طالبان غواړي چې ډیر سیلانیان له افغانستانه لیدنه وکړي او له همدې امله دوی د سیلانیانو سره په ډیر درناوي چلند کوي، که هغه نارینه او که ښځینه وي."

د هغه په خبره،"طالبان د ښځینه سیلانیانو سره د خپل هیواد د اصلي ښځینه اتباعو په پرتله خورا ښه چلند کوي."

د «اې ار ټي» خبري چینل خبر ورکړی، چې د جرمني حکومت د خپلې پخوانۍ ژمنې برعکس د افغان کډوالو له منلو ډډه کړې ده.

ویل شوي، چې دغه افغان کډوال تر ډېره په پاکستان کې دي او له میاشتو راهیسې جرمني ته د تلو انتظار باسي. ځینو ویلي دي، چې له ډیر انتظار وروسته د جرمني د بهرنیو چارو وزارت د رد بریښنالیک ورته استولی دی.

د جرمني د کورنیو چارو وزارت د معلوماتو له مخې دا مهال په پاکستان کې ۳ زره ۲۲۰ زیانګالي افغانان جرمني ته د انتقال په تمه دي.

وروسته له هغه چې د سليمان عطايي په نوم يوه افغان په جرمني کې د اسلام د مخالفانو پر غونډه بريد وکړ او يو پوليس يې وواژه، د جرمني حکومت د پناه غوښتونکو په اړه په خپله پاليسۍ کې بدلون اعلان کړ.

تر دې برید وروسته د جرمني حکومت اعلان وکړ، چې مجرم او خطرناک پناه غوښتونکي به خپلو اصلي هېوادونو ته واستوي.

له بلې خوا، په جرمني کې د کډوالو د بریدونو له زیاتیدو وروسته، ښي اړخو ګوندونو او نورو جریانونو د دغه هېواد پر حکومت فشار راوړی، چې د پناه غوښتونکو د منلو په برخه کې له احتیاطه کار واخلي.

دا ناسته د افغانستان په اړه د دوحې له درېیمې غونډې وروسته جوړه شوه، چې په کې د قطر او چین استازو هم حضور درلود.

د غونډې په څنډه کې د افغانستان لپاره د چین ځانګړي استازي یوشیا یونګ افغانستان انټرنشنل ته وویل چې د افغانستان د پیچلو ستونزو د هواري لپاره له طالبانو او نړیوالې ټولنې سره کار کول یې لومړیتوب دی.

ښاغلي یونګ وويل دغه ګډ کار بايد د متقابل احترام، ځمکنۍ بشپړتيا او ملي حاکميت پر بنسټ وي.

د سرچینو د معلوماتو له مخې طالبانو دا کار څو اوونۍ وړاندې کړی و، خو په تېرو دوو ورځو کې په ټولنیزو رسنیو کې افغانانو د شاه امان الله غازي انځور ډېر لاس په لاس او د طالبانو دا کار یې وغانده.

شاه امان الله غازي پر ۱۹۱۹ کال د دریم افغان- انګرېز جګړې اتل و، چې له مخې یې افغانستان بېرته خپلواکي واخیسته او افغانانو د دې تورې په بدل کې دغه پاچا ته د غازي نوم ور کړ.

شاه امان الله غازي چې له نړۍ سره د افغانستان د سیال کولو ارمان درلود د انګرېز په لمسه د ملایانو د پاڅون له امله په ۱۹۲۹ کال جلاوطن شو.

د طالبانو بیا واکمنېدو سره د افغانستان ملي رادیو تلوېزون او تېر کال پکتیا کې هم له پوهنتون د نوموړي انځورونه لرې کړل شوي وو، چې په مقابل کې یې افغانانو پراخ غبرګون ښودلی و.

خو په تورخم کې د شاه امان الله غازي د انځور د تورېدو کیسه چې رسنیزه شوه، نن یو څوځوان له دغه انځور تور رنګ پاکوي او بېرته یې سپینوي.

دغه ځوانان په ویډیو کې وايي ټول خلک جعمې لمانځه ته تللي او دوی د شاه امان الله انځور باندې پاشل شوی تور رنګ پاکوي.

واک ته د طالبانو له رسېدو وروسته په پوهنتونونو او د ښارونو څلور لارو کې هم د فرهنګي او تاریخي شخصیتونو انځورونه مات یا لرې شوي دي.
په کندهار کې د طالبانو والي له رسنیو غوښتي چې د ساکښو انځور به نه اخلي او ځینې تلویزوني راپورنو کې د دې ډلې د چارواکو پر ځای د ودانیو انځورونه خپرېږي.