د هند لومړی وزیر مسکو ته ځي

ښاغلي اوربان چین ته له رسېدو وروسته خپل سفر د «سولې درېیم ماموریت» وباله.

هغه ویلي، چې هنګري یوازینی اروپايي هیواد دی چې له ټولو سره خبرې کولی شي.

د هنګري لومړی وزیر تېره اوونۍ روسیې ته لاړ، چې د کییف په ګډون ګڼ اروپايي هېوادونه په غوسه شول.

نوموړي له روسیې وروسته د اوکراین پلازمېنې کییف ته سفر وکړ.

د اوربان دواړه سفرونه نااعلان شوي وو.

هنګري اوس مهال د اروپايي ټولنېدوره یي مشرتوب په غاړه لري.

مسکو ته د ښاغلي اوربان له سفر وروسته، د روسیې ولسمشر ولادیمیر پوتین هغه د اروپايي ټولنې د لوړ پوړي استازي په توګه یاد کړ، خو یو شمېر لوړپوړو اروپايي چارواکو دا ادعا رد کړه او ویې ویل، چې د هنګري لومړی وزیر د اروپاييټولنې په استازيتوب کوم ماموریت نه درلود.

د اروپايي مشرانو په منځ کې، د هنګري لومړی وزیر د روسیې له مشر سره نږدې اړیکې لري.

نوموړي په وار وار له روسیې سره په جګړه کې له کییف سره د اروپا د ملاتړ مخالفت کړی دی.

د پښتون ژغورنې غورځنګ غړی او شاعر ګیله‌من وزیر د یکشنبې په ماښام د اسلام اباد په بي۱۷ سیمه کې د ناڅرګندو کسانو په برید کې سخت ټپي شوی.

پر نوموړي د برید کولو لامل لا څرګند نه دی، خو د پښتون ژغورنې غورځنګ مشر منظور احمد پښتین د یکشنبې شپه ناوخته په یوه ویډیويي پيغام کې ویلي، چې پښتانه پر ګیله‌من وزیر برید کوونکي نه بښي او زیاته یې کړه چې پولیس باید پر هغه برید کوونکي ژر ونیسي.

ښاغلي پښتین وايي، پر ګیله‌من وزیر برید د یو منظم پلان له مخې شوی، او د اسلام اباد له پولیسو څخه غوښتنه کوي څو پر نوموړي بریدکوونکي ونیسي.

د ګیله‌من وزیر روغتیايي وضیعت د اندېښنې وړ ښودل شوی او دا مهال په اسلام اباد کې د پېمز په نوم د یوه دولتي روغتون په بیړنۍ څانګه کې تر درملنې لاندې دی.

د پښتون ژغورنې غورځنګ غړي وايي، د روغتیا پالانو له لوري د ګیله‌من وزیر یو عملیات په بریالي توګه پای ته رسېدلی او لاهم نوموړی د روغتیا پالانو له جدي روغتیايي څار لاندې دی.

د پښتون ژغورنې غورځنګ مشر وايي، که پولیس پر ګیله‌من وزیر برید کوونکي ونه نیسي نو عام خلک به پر ښاغلي وزیر په برید کې پولیس هم ښکیل وګڼي.

ګیله من وزیر نږدې څو میاشتې وړاندې د پاکستان د استخباراتو له خوا نیول شوی و او وروسته له خوشې کېدو یې په ټولینزو رسنیو کې ویلي وو، چې په زندان کې سخت شکنجه شوی هم دی.

دغې سرچینې د نوم د نه ښودلو په شرط رویټرز ته ویلي، چې د وسلو د زېرمه کولو مرکز د روسیې په ورونژه سیمه کې دی، چې د اوکراین له شمال ختیځې برخې سره پوله لري.

د سرچینې په وینا؛ په دغه ډيپو کې د روسیې له ځمکې څخه ځمکې ته او له ځمکې څخه هوا ته توغندي، د ټانک او توپخانې مرمۍ او ځینو نورې وسلې ساتل کیدې.

د سرچینې په وینا؛ دا ډیپو د سرګییفکا کلي ته نږدې و، چې د کییف تر کنټرول لاندې سیمې څخه شاوخوا ۸۵ کیلومتره واټن لري.

وروسته له هغه چې روسیې په ۲۰۲۲ کې پر اوکراین برید وکړ، اوکراین د اوږد واټن بې پیلوټه الوتکو یوه ډله جوړه کړه ترڅو دا وړتیا پېدا کړي چې په روسیه کې دننه هدفونه په نښه کړي.

سرچینې وویل: "په نږدې راتلونکي کې د روسیې په پوځي-صنعتي تاسیساتو کې د دا ډول بریدونو ډېر چانس شته، کوم چې د اوکراین په وړاندې د جګړې لپاره کار کوي."

دا لاریونونه په داسې حال کې کیږي، چې د تېر میلادي کال په نومبر میاشت کې هم د لندن په مرکزي برخه کې د فلسطينيانو په ملاتړ يو تر ټولو لوی لاريون وشو، چې شاوخوا ۳۰۰ زره کسانو په کې ګډون درلود.
د نړۍ په بېلابېلو هېوادونو کې په ځلونو د اسراییل پر ضد او د فلسطینیانو په ملاتړ پراخ لاریونونه شوي دي.
لاریونوال په غزه کې د جګړو د پایته رسېدو او د خپلواک فلسطین غوښتونکي دي.
دغه لاریون په داسې حال کې کېږي، چې د غزې د روغتیا وزارت ویلي چې د شنبې په ورځ د غزې په تړانګه کې پر یوه ښوونځي چې فلسطیني کډوال په کې اوسیږي، د اسراییلي پوځ په برید کې لږ تر لږه «۱۶ تنه وژل شوي او ۵۰ نور ټپیان شوي» دي.
د اسراییل پوځ بیا ویلي دي، چې وسله والو دغه ځای د پټنځای په توګه کارولی دی.

د راپورونو له مخې، د غزې په تړانګه کې د جګړې له پیل راهیسې تراوسه څه باندې ۳۸ زره کسان وژل شوي، چې ډېری یې ښځې او ماشومان دي.

پاکستاني طالبانو د یکشنبې په ورځ د (چنګاښ ۱۷مه) د یوې خبرپاڼې په خپرولو سره ویلي، چې د ۲۰۲۴ کال په لومړیو شپږو میاشتو کې یې په دغه هیواد کې پر پاکستاني نظامیانو او استخباراتي کارمنانو ۴۹۷ بریدونه کړي.

د پاکستاني طالبانو خبرپاڼه زیاتوي، چې په دغو بریدونو کې یې د پاکستاني ادارو ۶۰ کشفي کمرې، ۳۶ عرادې پوځي موټر او ۱۲ پوځي ودانۍ په بشپړ ډول ویجاړې کړې دي.

په خبرپاڼه کې ویل شوي چې ټي ټي پي په ملکنډ ډویژن کې ۳۶ په هزاره کې ۱ په ډېره اسماعیل خان کې ۱۸۴، په شمالي پنجاب کې ۱، کوهاټ کې ۱۵، په جنوبي پنجاب کې ۸، کراچۍ کې ۱،په کوټه کې ۱۳، په مکران کې ۱، بلوچستان کې ۱، ژوب کې ۲، بنو کې ۱۴۴، پېښور کې ۸۰ او مردان کې ۱۰ بریدونه کړي دي.

د ټي ټي پي په خبرپاڼه کې وړاندې راغلي چې د دغو جګړو پر مهال یې له پاکستاني نظامیانو څځه یو شمېر وسلې او ګرځنده ټیلیفونونه هم ترلاسه کړي دي.

د پاکستان امنیتي ادارو تر دې مهاله د ټي ټي پي د دغو شپږو میاشتو بریدونو د راپور په اړه څه نه دي ویلي، چې پاکستاني نظامیانو ته یې د ۱۱۳۲ تنو د مرګ ژوبلې اړولو دعوه کړې.

د پاکستان حکومت او پوځي ادارې تل دعوه کوي چې د ټي ټي پي پټنځایونه په افغانستان کې دي او له هغه ځایه په پاکستان کې د بریدونو لپاره ځانونه چمتو کوي.

خو طالبانو د پاکستان دا ډول ادعاوې تل رد کړې دي او دغه موضوع یې د پاکستان کورنۍ موضوع بللې.