د امریکا او چین په ساړه جنګ کې ګیر پاکستان

دغې رسنۍ د دوشنبې په ورځ «د تلې ۲مه» په یوه راپور کې لیکلي، چې دغه درې ښځې د انساني قاچاق ضد ادارې ته سپارل شوې دي او د دوی په ضد د جعل سازۍ دوسیه ثبت شوې ده.
پاکستاني چارواکو ویلي دي، چې یادو کسانو د درملنې او سوداګرۍ په پلمه د جعلي اسنادونو په جوړولو سره د پاکستان ویزې ترلاسه کړي دي.
د پاکستاني چارواکو په خبره، په نیول شویو کسانو کې عزیزه محمدي په روغتیایي، مهریه رحماني د سوداګرۍ او د زهره سلطاني په نوم یوه بله مېرمن بیا د مریضې د پایوازې په توګه ویزې ترلاسه کړې وې، چې د کراچۍ په هوایي ډګر کې ونیول شوې.
دا په داسې حال کې ده، چې جیو نیوز دوه ورځې مخکې هم راپور ورکړی و، چې تېره اونۍ د کراچۍ په جناح نړۍوال هوايي ډګر کې ۹ تنه هغه افغانان نیول شوي، چې په جعلي روغتیايي اسنادو د درملنې په پلمه پاکستان ته راغلي وو او هڅه یې کوله، چې له هغه ځایه بهر ته ولاړ شي.
پر افغانستان د طالبانو له واکمنۍ وروسته ډېر شمېر افغانان د سیمې هېوادونه په ځانګړې توګه پاکستان ته د ویزو د بیو د لوړېدو او د سفارت له لوري د ویزې د نه ورکړې له امله مجبوره کېږي، چې یا په قاچاقي توګه دې هېواد ته سفر وکړي او یا د روغتیایي او سوداګریزو ویزو په واسطه ځان دغه هېواد ته ورسوي.

د یادولو ده، چې پاکستان د ۲۰۲۳ کال د اکټوبر په میاشت کې د کډوالو د اېستلو د پالیسۍ له پلي کولو وروسته په دغه هېواد کې د مېشتو افغان کډوالو د نیولو او شړلو هڅې ګړندۍ کړې دي.

د ملګرو ملتونو د کډوالو د عالي کمېشنرۍ په یوه راپور کې چې په دې وروستیو کې خپور شوی راغلي، چې د ۲۰۲۳ کال د سپټمبر له ۱۵مې او د ۲۰۲۴ کال د جولای تر ۳۱مې نېټې تر ۶ سوه ۸۳ زرو ډېر افغان کډوال له پاکستان څخه افغانستان ته لېږل شوي دي.

دغه اژانس د طالبانو د کډوالو او راستنېدونکو چارو وزات له قوله لیکلي، چې له پاکستان او ایران څخه د افغان کډوالو د اېستلو په لړ کې تېره ورځ له یادو ګاونډیو هېوادونو څخه ۱۵۷ افغان کډوالې کورنۍ راستنې کړل شوې.

د راپور له مخې، ۲۰ کورنۍ د ننګرهار د تورخم، ۴۳ کورنۍ د کندهار د سپین بولدک، ۶۵ کورنۍ د نیمرو د وریښمو پله او ۲۹ کورنۍ د هرات د اسلام کلا له لارې هېواد ته راستنې کړل شوې دي.

د باختر اژانس د معلوماتو له مخې، تازه له راستنو کړل شویو کډوالو سره د طالبانو له لوري د مرستو تر څنګ یو شمېر دغه کډوال یې خپلو اصلي سیمو ته لیږدولي دي.

د راپورونو له مخې، د ایران د کرمانشاه لوی څارنوال بیا ویلي، چې دغه ولایت ته د افغانانو په ورتګ بندیز دی.

د دغه ولایت لوی څارنوال حمید رضا کریمي تېره ورځ خبرداری ورکړی، چې که هر چا افغان کارګرانو ته کار ورکړی وو، قانوني چلند به ورسره وشي.

دا په داسې حال کې ده چې په دې وروستیو کې ایران په دغه هېواد کې له افغان کډوالو سره چلند خورا سخت کړی او ډیری افغانان وايي، چې ایراني پولیس پر پاسپورټ او ویزې سربېره هم افغانان نیسي او له یاد هېواده یې باسي.

د کورمې ولسوالۍ څخه ځايي سرچینو افغانستان انټرنشنل ـ پښتو ته ویلي، چې جګړه دوه ورځې وړاندې د دوو کلیو د اوسېدونکو تر منځ چې سنيان او شیعه ګان دي پیل شوې.

په دغې روانه جګړه کې چې له درنو او سپکو وسلو کار اخیستل کیږي چې، تر دې مهاله د دواړو لوریو ۱۰ کسان وژل شوي او ۲۵ نور ټپیان دي.

ځايي خبریالانو د کرمې ولسوالۍ د پولیسو له قوله ویلي، چې له تېرو څو ورځو راهیسې د پېښور او پاړه چنار لویه لاره او د کلیو ترمنځ پر وړو لارو تګ راتګ بند شوی دی.

سرچینو ویلي، چې تېره ورځ د سني او شیعه ترمنځ د اوربند په اړه خبرې اترې هم شوې، چې پرته له کومې پایلې پای ته رسېدلې دي او حکومت هم د روانې شخړې په مهارولو کې پاتې راغلی.

له دې مخکې هم په کورمه د سنيانو او شعیه ګانو تر منځ څو ځلې خپلمنځي جګړې رامنځته شوې چې دواړو لوریو ته په کې د سر او مال زیان اوښتی دی.

د سیمې خلکو شکایت دا دی چې ځايي او مرکزي حکومت یې یوازې د جګړې ننداره کوي او د یوې مسوولې ادارې په توګه په ډزبندۍ کې رول نه لوبوي.

له سیمې ځايي سرچینو افغانستان انټرنشنل پښتو ته نن دوشنبه د (تلې دوېمه) ویلي، چې د سوېلي وزیرستان واڼه په عواه خواه سیمه کې د ټي ټي پي وسله والو د ښوونځي د زده‌کوونکو وېښتان په زور ور خرېیلي دي.

دغو وسله والو په کلي کې خلکو ته ویلي، چې نور به لوی او په بهرني سټایل وېښتان نه جوړوي، او ږېرې به هم نه کموي.

تحریک طالبان پاکستان په رسمي ډول په دې اړه څه نه دي ويلي، خو دغې ډلې له وړاندې ویلي وو، چې په پاکستان او د دوی د واک په سیمه کې به شریعت پلی کوي.

د ټي ټي پي وسله والو دارنګه په دغو سیمو کې په ټنګ ټکور او د شپې پر ګرځېدو هم بندیزونه لګولي دي.

داسې بندیزونه په قبایلي سیمو کې ورو ورو را روان دي، تر دې وړاندې افغانستان انټرنشنل پښتو یو راپور خپور کړی و، چې د ټي ټي پي وسله والو په وزیرستان کې د ټيک ټاک له ځینو کارونکو نجونو د هغوی ټلیفونونه اخیستې وو، او هغوی یې له دغه کاره منعه کړې وې.

په قبایلي سیمو کې د ټي ټي پي وسله والو له لوري د ښوونځیو د زده‌کوونکو په زور د وېښتانو خرېیلو دغه پېښه وروسته له هغه رامنځته کیږي چې په افغانستان کې د طالبانو امربالمعروف وروستي قانون پر افغانانو او ځانګړي ډول پر ښځو یو شمېر تازه او سخت بندیزونه لګولي دي.

په وروستۍ پېښه کې ډیورنډ کرښې ته څېرمه د خوست په ښار کې د طالبانو امربالمعروف محتسبانو ټولو ښاریانو او سلمانیو ته خبرداری ورکړی چې له دې وروسته به ږېرې نه کموي، خطونه به په کې نه اچوي او وېښتان به هم په بهرني سټایل نه جوړوي.

ایمل ولي خان د منظور پښتین په مشرۍ د پښتون ژغورنې غورځنګ د یولسم اکټوبر قومي عدالت په اړه وویل، چې جرګه د پښتنو تاریخ دود دی او زیاتره مسایل د جرګو له لارې حل کیږي.

د پوډکاست چلوونکې د یوې پوښتنې په ځواب کې ښاغلي ایمل ولي خان وویل، چې پښتون ژغورنې غورځنګ د «لر او بر یو افغان» دا معنا لري، چې مونږ د قوم او د ژبې له مخې یو خلک یو او اوس هم زمونږ په کډون ټول په پاکستان کې مېشت پښتانه ځانونو ته افغانان وایو او دا یوه تاریخي مساله چې افغانستان د دوی د نیکونو وطن دی.

هغه د یولسم اکټوبر قامي عدالت ته د جرګې نوم ورکړ او په ډاکه یې کړه، چې تمه لري د خپل ملک «پاکستان» پر خلاف په کې څه نه وي.

تر دې وړاندې منظور پښتین د پښتون ژغورنې غورځنګ د مخکښ غړي ګیله‌من وزیر په یاد غونده کې د وینا پرمهال ویلي وو، چې راتلونکي اکټوبر کې به د پښتنو قامي عدالت جوړوي.

د پښتون ژغورنې غورځنګ مشر منظور احمد پښتین پاکستاني چارواکو ته په خطاب کې ویلي وو: « کوم حالت چې تاسو یې رامنځته کوئ، پښتانه یې نه درسره مني او نه په داسې حالاتو کې درسره مخته ځي.»

هغه د ګيله‌من وزیر د جنازې پرمهال ګډونوالو ته ویلي وو، چې دوی به د اکټوبر په ۱۱مه د پښتنو ولسونو سره په ګډه داسې پرېکړه کوي، چې ورسره به د احمدشاه بابا تاریخ یو ځلې بیا را ژوندی کړي.

هغه په خپلو پلویانو غږ کړی وو، چې حوصلې به نه بایلي، ځکه چې د هغه په وینا، خبرې اوس یو تاریخي پړاو ته داخلې شوې دي.