د ملګرو ملتونو د سرمنشي ځانګړې استازې او د افغانستان لپاره د یوناما مشره روزا اوتنبایوا وایي، چې د ملګرو ملتونو سازمان په بېلابېلو برخو کې له افغانانو سره خپلو مرستو او همکاریو ته دوام ورکوي.
د طالبانو تر کنڼرول لاندې باختر اژانس راپور ورکړی، چې نوموړې دغه څرګندونې تېره ورځ کابل کې د ملګرو ملتونو سازمان د ۷۹مې کاليزې په مناسبت یوې غونډې ته د وینا پر مهال کړې دي.
هغې ویلي، چې ملګري ملتونه د روغتیا، پراختیا، سولې، ټیکاو او بشري مرستو په ګډون بېلابېلو برخو کې له افغانانو سره خپلو مرستو او همکاریو ته دوام ورکوي.
د هغې په وینا، افغانستان په یو حساس پړاو کې دی او په دغو وروستیو کې دغه هېواد د اقلیمي بدلون له امله د نړۍ د ډېرو زیانمنو شویو هېوادونو په کتار کې راغلی دی.
هغې وړاندې ویلي، چې د ملګرو ملتونو سازمان ترڅنګ، ټول ملي او نړۍوال بنسټونه باید په دې برخه کې خپل مکلفیت ترسره کړي او د افغانستان د خلکو لاسنیوی وکړي، چې د نړۍوال ناورین مخه ونیوله شي.
د طالبانو ارګ اېکس پانې لیکلي، چې مولوي کبیر دا څرګندونې د پنجشنبې په ورځ (د لړم درېیمه) د طالبانود کډوالو او راستنېدونکو چارو وزارت له خوا یوې جوړې شوې غونډې ته وکړې.
مولوي کبیر وویل: « په افغانستان کې د بهرنیو اشغال او جګړې ګاونډیو او نورو هېوادونو ته د ګڼ شمېر افغانانو د کډوالۍ لامل شوې دي.»
مولوي کبیر وایي، چې طالبان هڅه کوي د لویو پروژو په پیلولو سره، افغانان نور د فقر له امله کډوالۍ ته مجبوره نه شي او په بهر کې مېشت افغانان خپل هېواد ته راستانه شي.
مولوي کبیر دا څرګندونې په داسې حال کې کوي، چې هره ورځ لسګونه افغانان پر ناقانونه لارو له افغانستانه وځي. د راپورونو له مخې د دغې ډلې له واکمنېدو وروسته اته میلیونه افغانان له هېواده وتلي دي.
تېره اونۍ، د راپورونو له مخې ایراني پوځیانو د افغانستان او پاکستان په پوله کې له ۲۶۰ څخه دیر افغانان په ډزو ویشتي چې په اړه یې په کور د ننه او بهر کې توند غبرګونونه راپاریدلي دي.
د طالبانو د کډوالو او بېرته راستنېدونکو چارو وزارت وايي، چې شاوخوا ۸۰ زره افغانان له پاکستانه، ۱۰ زره له ترکیې او پنځه لکه او ۵۰ زره کډوال له ایرانه په زور او خپله خوښه راستانه شوي دي.
