په دوو مهمو ایالتونو پنسلوانیا او میشیګن کې د چټکو پایلو وړاندوینه شوې ده
د پنسلوانیا او میشیګن کلیدي ایالتونو چارواکو وویل، چې تمه کېږي د سې شنبه د ټاکنو پایلې د ۲۰۲۰ کال ټاکنو په پرتله ژر وشمېرل شي.
د پنسلوانیا والي دا هم وویل، چې د تېر ځل په پرتله چې د کرونا وخت و، سږکال په دغه ایالت کې پوستي رای پاڼې شاو خوا یو میلیون کمې وغوښتل شوې.
تر دې مخکې د فلادلفیا د ښار کمېشنر ویلي و، چې په اوسنیو ټاکنو کې به د رایو بیا شمېرنه د تېرې دورې په پرتله ډېره چټکه وي.
هغه د رایو د شمېرنې د وسایلو او د رایو د شمېرنې پروسو ښه والی د امریکا د ولسمشرۍ په ټاکنو کې د رایو د پایلو د سرعت یو له عمده لاملونو څخه بللي دي.
