په راتلونکو ۳۰ کلونو کې به ایران په سیمه کې د وګړو له اړخه تر ټولو زوړ هېواد وي
د ایران د روغتیا وزارت مرستیال علي رضا رییسي وایي، چې راتلونکو ۳۰ کلونو کې به ایران د وګړو له اړخه تر ټولو زوړ هېواد وي.
د ایران د روغتیا وزارت مرستیال علي رضا رییسي وایي، چې راتلونکو ۳۰ کلونو کې به ایران د وګړو له اړخه تر ټولو زوړ هېواد وي.
ښاغلي علي رضا د سې شنبه په ورځ (د لړم ۲۲مه) د ایران د روغتیا له وزیر سره په کتنه کې وویل، چې په اتیایمه لسیزه کې له ۱۰میلیونه میندو څخه ۲میلیونه ماشومان چې د زېږون په عمر کې وو زیږیدل، خو اوس ۲۳ میلیونه ښځې د زېږون عمر لري، خو هر کال له ۱.۵میلیون څخه لږ ماشومان زېږوي.
هغه زیاته کړه، چې په دېرشو کلونو کې به له هرو درېیو ایرانیانو څخه یو یې زړېږي او په ۷۰ کلونو کې به د ایران نفوس له ۵۰ میلیونو څخه کم وي.
د ایران د عامې روغتیا وزارت مرستیال وویل: «د نفوس د زیاتوالي لپاره د دوو باورونو لرل ډېر اړین دي. یو دا چې د نفوسو کمښت د ایران لپاره یو ګواښ دی او دویم باور دا چې ملي هوډ او علمي کار کولای شي دا ستونزه هواره کړي.»
مایک والټز په افغانستان کې له ۲۰۰۰ تر ۲۰۰۴ کلونو تر منځ د امریکا له پوځ او ځانګړو ځواکونو د افسر په توګه د ترهګرۍ ضد مبارزه او د افغان ځواکونو د مشاور په توګه دندې ترسره کړې.
والټز د امریکا د مرستیال ولسمشر ډیک چیني سره د ترهګرۍ ضد مشاور په توګه هم دنده ترسره کړې، چې هغه د افغانستان لپاره د متحده ایالاتو په پالیسۍ او ستراتیژۍ جوړولو کې ښکېل و.
د امریکا د ملي امنیت سلاکار د امریکا په حکومت کې یو پیاوړی چارواکی وي، چې په امریکا کې د ډېرو لوړ پوړو دولتي چارواکو برعکس د هغه ټاکل د مشرانو جرګې تایید ته اړتیا نه لري.
د تېر کال په سلواغې میاشت کې، د افغانستان د سولې لپاره د امریکا پخوانی ځانګړی استازی زلمی خلیلزاد د کانګرس یوې استماعیه غونډې ته ورغوښتل شوی و، هغه ویلي و چې طالبان د القاعدې او داعش په ځپلو کې بریالي شوي، چې ښاغلي والټز پرې نیوکه وکړه او ویې وویل: «د یوې ترهګرې ډلې د له منځه وړلو لپاره په بلې ترهګرې ډلې تکیه کول خطرناک او لویه تېروتنه ده.»
مایک والتز دا مهال د امریکا د استازو په جرګه کې د فلوریډا ایالت استازی دی او د ډونالډ ټرمپ کلک ملاتړی دی.
۵۰ کلن مایک والټز خپلې پوځي او سیاسي تجربې په خپل یوه کتاب «جنګي ډیپلوماټ: له واشنګټن څخه تر افغانستان پورې د شین خولي سرتیري جګړې» کې خپرې کړې دي.
والټز له افغانستانه د امریکا د وتلو په اړه د جوبایډن پر ادارې سختې نیوکې کوي او دغه بهیر یې «شرموونکی» بللی دی.
هغه د تیر کال په مئ میاشت کې د کانګرس یوې استماعیه غونډې ته دا هم وویل چې طالبان د پخوانیو افغان سرتیرو وژلو او ځورولو ته دوام ورکوي.
دغه امریکايي چارواکي د تېر کال په وږي میاشت کې فاکس نیوز ته ویلي و چې په افغانستان کې القاعده د طالبانو د حکومت او د امریکا د تجهیزاتو په مرسته یو ځل بیا را ژوندۍ شوې او د «بن لادن خوب» یې پوره کړ.
مايک والټز زياته کړه، چې امريکايي ځواکونه به په راتلونکي کې له ترهګرۍ سره د مبارزې لپاره افغانستان ته راستانه شي.
