د برېتانیا د کلیسا مسوول په کلیسا کې له جنسي ځورونو د سترګې پټونې له امله استعفا ته اړ شو

بنیامین نتنیاهو د سې شنبه په ماښام د ایران خلکو ته په یوه پیغام کې وویل: «په وروستي ځل چې مو خبرې وکړې، هغه وخت و چې د خامنه یي ریژیم زما د هېواد پر لور سلګونه بالسټیک توغندي توغولي و. زه په دې فکر کې یم چې ایا هغه تاسو ته د دغو توغندیز برید د لګښت په اړه ویلي؟ لګښت یې ۲،۳ میلیارده ډالره دی. ۲،۳ میلیارده ډالر ستاسو هغه ګرانه پانګه وه چې دوی په بې ځایه بریدونو کې ضایع کړه.»

نتنیاهو زیاته کړه: "دغه لګښت کولی شول چې ستاسو د ټرانسپورټ بودیجه په میلیاردونه ډالر زیات کړي. دغه لګښت ستاسو د پوځ په تعلیمي بودیجه کې په میلیادونو ډالر زیاتوالی راوستلی شو. مګر پرځای یې، خامنه یې د رژیم وحشت ښکاره کړ او نړۍ یې ستاسو د هېواد پر خلاف وګرځوله. هغه ستاسو پیسې غلا کړې. غواړم تصور یې کړئ، یوازې تصور یې کړئ، که ایران ازاد وای، ژوند به مو څه ډول وو؟»

هغه د ایران خلکو ته په خپل پیغام کې دا هم وویل، چې د خامنه یي ریژیم د اسراییل په پرتله د ایران له خلکو ډېره وېره لري.

هغه پر اسراییل باندې د ایران د یوه بل برید په وړاندې خبرداری ورکړ او ویې ویل، چې دا ډول برید به د ایران اقتصاد ته ډېر زیان ورسوي. نتنیاهو وویل، چې د داسې برید په صورت کې به خامنه یي «ستاسو نور میلیاردونه ډالره لوټ کړي.»

نتنیاهو وویل: زه پوهیږم چې ستاسو څخه ډېری دا جګړه نه غواړي. زه هم دا جګړه نه غواړم. د اسراییل خلک دا جګړه نه غواړي، خو یو ځواک موجود دی چې ستاسو کورنۍ له لوی خطر سره مخ کوي هغه د تهران ډیکتاتوران دی. بس.»

همدا راز د اسراییل لومړي وزیر ټینګار وکړ: «ښه خبره دا ده چې هره ورځ دا ریژیم کمزوری کېږي. اسراییل هره ورځ پیاوړی کېږي. نړۍ یوازې زموږ د ځواک یوه کوچنۍ برخه لیدلې.»

ښاغلي علي رضا د سې شنبه په ورځ (د لړم ۲۲مه) د ایران د روغتیا له وزیر سره په کتنه کې وویل، چې په اتیایمه لسیزه کې له ۱۰میلیونه میندو څخه ۲میلیونه ماشومان چې د زېږون په عمر کې وو زیږیدل، خو اوس ۲۳ میلیونه ښځې د زېږون عمر لري، خو هر کال له ۱.۵میلیون څخه لږ ماشومان زېږوي.

هغه زیاته کړه، چې په دېرشو کلونو کې به له هرو درېیو ایرانیانو څخه یو یې زړېږي او په ۷۰ کلونو کې به د ایران نفوس له ۵۰ میلیونو څخه کم وي.

د ایران د عامې روغتیا وزارت مرستیال وویل: «د نفوس د زیاتوالي لپاره د دوو باورونو لرل ډېر اړین دي. یو دا چې د نفوسو کمښت د ایران لپاره یو ګواښ دی او دویم باور دا چې ملي هوډ او علمي کار کولای شي دا ستونزه هواره کړي.»

زلمی خلیلزاد زیاتوي، د دې اوږدمهالې خونړۍ او ورانوونکې جګړې د پای ته سولو د هوډ له امله ښاغلي ټرمپ ستايي.

ښاغلی خلیلزاد په خپل اېکس کې لیکي چې د جګړې ختمولو لپاره دوه چارې ډېرې مهمې دي، یو اوربند یا داسې تړون چې جګړې پای ته ورسوي او بل له مسکو داسې امنیتي تړون اخیستل چې له بل نوي پراختیا غواړي تاوتریخوالي او امپریالېزم یې وګرځوي.

نوموړی دې هدف ته د رسېدو لپاره په ناټو کې د اوکراین غړیتوب مهم بولي، خو زیاتوي چې هم یې د روسیې ولسمشر ولادیمیر پوتین او هم د ناټو ځینې غړي مخالف دي.

د اوکراین جګړې پیلېدو سره امریکا د کیف په ګټه دې جګړه کې ښکېله ده، خو د میلیاردونو ډالرو په ارزښت د وسلو او پیسو مصرف سره بیا هم د جګړې لوري کې کوم ټاکلی بدلون نه ښکاري.

ډونالډ ټرمپ د ټاکنیزو هڅو پر مهال بیا بیا ویلي چې ولسمشر کېدو سره به دا جګړه ختمه کړي.

د نوموړي یو لوړپوړي سلاکار وړمه ورځ ویلي، چې د دې هېواد د نوې ادارې لپاره د اوکراین د بایللو سیمو له تر لاسه کولو سوله لومړیتوب لري. براین لانزا ویلي، چې د ټرمپ اداره به د اوکراین له ولسمشر څخه د سولې لپاره یو "واقعی لیدلوری" وغواړي.

شهباز شریف نن په باکو کې د اقلیمي بدلون نړیواله غونډه کې زیاته کړه چې پاکستان د دې ارزښتتاکو طبیعي زېرمو د خوندیتوب لپاره له نړیوالې ټولنې سره خپلې همکارۍ ته تیار دی.

د پاکستان دولتي رادیو د خبر له مخې، ښاغلي شریف دا غونډه د کنګلونو د ویلي کېدو د مخنیوي لپاره بې جوړې چانس وباله.

نوموړي طبیعي کنګلونه د انسان د پایښت او د اوبو امنیت او اقلیم خوندیتوب لپاره مهم وبلل.

شهباز شریف وايي، طبیعي یخجالونه د نړۍ ۷۰ سلنه خوږې اوبه برابروي او مهم ایکو سیستم خوندي کوي.

د اقلیمي بدلون په هکله غونډه نن د اذربایجان پلازمېنه باکو کې پیل شوه، چې د مالي مرستو ټولولو غونډه هم بلل کېږي.

په غونډه کې پر پاکه انرژي، له وچکالۍ سره مقابله کې کرنه او له بې وزله هېوادونو سره د بډایه هغو پر مرستو خبرې کېږي.

پزشکیان چې منځلاری ایرانی سیاستوال ګڼل کیږي، وویل: « که وغواړو یا نه، په سیمه ییزو او نړیوالو مسایلو کې له متحده ایالتونو سره مخامخ کېږو، نو بیا ښه ده چې خپله دا اړیکه مدیریت کړو».

مسعود پزشکیان وايي، چې « موږ باید له خپلو ملګرو سره په سخاوت چلند وکړو او له دښمنانو سره په سړه سینه مخ شو».

واشنګټن په ۲۰۱۸ کال کې دډونالډ ټرمپ د ولسمشرۍ پرمهال د تهران د ۲۰۱۵ کال اتومي تړون څنګ ته کېښود او پر دغه هېواد یې بېرته سخت بندیزونه ولګول.

د رویټرز د رپوټ له مخې، سره له دې چې د تهران پر وړاندې د ټرمپ پالیسي تراوسه نه ده په ډاګه شوې، خو نوموړي په خپلو ټاکنیزو منډو ترړو کې وویل، چې نه غواړي ایران ته زیان ورسوي، خو اتومي وسلو درلودو ته یې هم نه پرېږدي.

پزشکیان د سه شنبې په ورځ د ایران د بهرنیو چارو د پخوانیو وزیرانو یوې ډلې ته په خبرو کې وویل، چې « موږ په لنډ وخت کې چې څوارلسم حکومت واک ته راغلی ډېرې هڅې کړې چې ځینې سیاسي ستونزې حل کړو. دمګړۍ له ګاونډیانو سره زموږ اړیکې ښې دي او په غونډو او ناستو کې مو هوکړې هم کړې دي».

د واشنګټن او تهران ترمنځ نامخامخ خبرې اترې د جوبایډن ادارې له خوا پیل شوې، خو زر بېرته له ماتې سره مخ شوې.

له دې وړاندې د ایران ددولت ویاندې فاطمه مهاجراني ددې پوښتنې په ځواب کې چې تهران به د ټرمپ له ادارې سره مخامخ خبرې اترې پیل کړي، که نه، وویل، چې څه د تهران په ګټه وي، هغه به کوي.

هغې دا هم وویل، چې وروستی تصمیم ددغه هېواد مذهبي مشر ایت الله خامنه يي او د ملي امنیت عالي شورا نیسي.