زلمی خلیلزاد: په پاکستان کې باید زر د پخلاینې پروسه پیل شي

علي وزیر د ۲۰۲۴ کال د اګست پر درېیمه په اسلام اباد کې ونیول شو او تر اوسه د پنجاب او بلوچستان په بېلابېلو زندانونو کې ساتل کیږي.

د علي وزیر یو نږدې همکار او موټرچلوونکی بادشاه پشتین وايي، چې علي وزیر لس ورځې مخکې د بلوچستان لسبیله ولسوالۍ ته لېږدول شوی او په پټه محکمې ته وړاندې کړای شوی و، خو محکمې بېرته د اوو ورځو پلټنو او ګروېږنو لپاره پولیسو ته سپارلی دی.

نوموړی وايي، چې علي وزیر په دې ولسوالۍ کې دوه ځله محکمې ته وړاندې شوی، خو د قضیې له اورېدو وروسته بېرته پولیسو ته سپارل شوی.

نوموړي د علي وزیر له قوله ویلي چې « د پنجاب په جيلونو کې یې دوايي او د صحت يو شی هم نه راکولو، ډير تکليفونه يي راکړي، د ظلم او جبر ټولې حربې يې استعمال کړې خو ما يوه خبره ورته کوله چې زه به د قام او وطن خبره تر مرګه پورې کوم او يو قدم به هم نه پر شا کېږم».

علي وزیر د پښتون ژغورنې غورځنګ جګپوړی غړی دی چې په تېرو څو کلونو کې دا څویم ځل دی چې زنداني کیږي.

پر هغه تور دی چې د حکومت خلاف پاروونکې ویناوې کوي او امنیتي ادارې بدناموي.

نوموړي دغه څرګندونې له جیونیوز سره په یوې مرکه کې کړې دي.

هغه تر دې وړاندې ویلي و، چې له تحریک انصاف سره نور مذاکرات نه کوي.

دغه پاکستاني چارواکي ویلي و، چې اسلام اباد ته د تحریک انصاف ګوند د کاروانونو په راتګ کې کومه ستونزه نه لري؛ خو د بې نظمۍ مخه به نیسي.
په اسلام اباد کې د پاکستان تحريک انصاف د لاریونونو په لړ کې د سري نګر په لويه لار د پولیسو په ګاډي ډزې شوې، چې په پایله کې یې څلور امنیتي سرتېري وژل شوي او پنځه نور ټپیان شوي وو.
د امنيتي سرچينو د معلوماتو له مخې، تر اوسه په دغو لاریونونو کې له سلو زيات پوليس ټپيان شوي.
ه بل پلوه بشرا بي بي وایي:« ځيني فرصت طلبه عناصر غواړي، چې موږ د ډي چوک پرځاى په بل ځاى کې اعتراض وکړو؛ خو عمران خان راته په هر صورت ډي چوک ته د تلو سپارښتنه کړې.»
د پاکستاني سرچينو له مخې، د خيبرپښتونخوا سر وزیر علي امين ګنډاپور د مذاکراتو په مسله کې په بشپړ توګه خاموشه پاتې شوى او د پي ټي ای سرپرست هم کومه پرېکړه نه ده کړې.
له بل پلوه د پاکستان د کورنیو چارو وزیر د یوه پولیس د وژنې په تور د پي ټي ای د مشرتابه پر ضد د مقدمې درج کولو خبر ورکړی دی.
هغه ویلي، چا چې د لاريون غږ اوچت کړ، چا چې خلک يې وربللي، هغوى به ټول تر عدالته راکاږي.
له بل پلوه د پاکستان لومړي وزیر د مظاهره کوونکو له‌خوا د پوليس وژنه غندلې ده.

د جرمني د دفاع وزیر بوریس پیستوریوس وویل، چې د جرمني په ویسباډن ښار کې د ناټو یوه اډه به د جنوري په میاشت کې اوکراین ته د لویدیځ پوځي مرستې همغږي وکړي.

د امریکا د منتخب ولسمشر ډونالډ ټرمپ له بریا وروسته او له اوکراین سره د امریکا د مرستو د بندېدو له وېرې پر اروپا فشارونه زیات شوي چې کییف ته نورې وسلې ولېږي.

ټرمپ تل ویلي، چې لومړیتوب یې په اوکراین کې د جګړې ژر پای ته رسول او پر دغه هېواد فشار راوړل دي چې له روسیې سره یوې هوکړې ته ورسېږي.

په ورته وخت کې د پولنډ د دفاع وزیر ټینګار کړی چې "اروپا باید خپلې هڅې لا همغږې کړي او له اوکراین سره مرستې زیاتې کړي."

تر دې مخکې فرانس پرس خبري اژانس د خپلو ډیپلوماټیکو سرچینو په حواله خبر ورکړی و، چې د ناټو او اوکراین د شورا بیړنۍ غونډه به د نومبر په ۲۶مه جوړه شي.

د دغه راپور له مخې، په دې غونډه کې به د اوکراین پر وړاندې د روسیې له خوا د هایپرسونیک توغندیو د کارولو په اړه خبرې وشي.

یوې سرچینې افغانستان انټرنشنل ته وویل چې دغه پوستې پرون د حافظ ګل بهادر ډلې جنګیالیو سوځولې دي.

سرچینه وايي، چې یادې ډلې دغه پوستې ځکه سوځولې دي، چې پوځ او امنیتي ځواکونه یې بیا ونه کارولای شي.

سرچینې د پوستو د شمېر په اړه څه ونه ویل خو په انځور کې یوازې له یوې پوستې لوګي پورته کیږي.

د منظرخېل غرنۍ سیمه کې دغه پوستې له دې امله مهمې وې چې په درو او شاوخوا سیمو کې ترې په اسانه د جنګیالیو د تګ او راتګ څار کېده.

د پاکستان پوځ او امنیتي ادارو تراوسه ددې پوستو د سوځولو په اړه څه نه دي ویلي.

تحریک طالبان پاکستان نن دوشنبه «د لیندۍ۵مه» په یوه اعلامیه کې د کورمې پر روان کړکېچ خواشيني څرګنده کړې ده.

یادې ډلې د شیعه وو له خوا د سني مسلمانانو د ښځو نیول او وژل غندلي او دا یې د اسلامي او پښتني دودونو خلاف کار بللی دی.
دغه ډله چې د کورمې له جګړې نه یې د تېر اپوټه فاصله اخستې، وايي، « دا د پاکستان د پټو ادارو کار دی او د خپلې ماتې پټولو لپاره یې د خلکو او طبقو د جنګولو تاکتیک خپل کړی دی».

ټي ټي پي په خپله اعلامیه کې زیاته کړې چې دوی د پاکستانیانو د سر او مال دفاع لپاره جګړه کوي او خپلې موخې ته تر رسېدو پورې به جګړې ته ادامه ورکوي.

دې ډلې یوځل بیا خپله جګړه « دفاعي جهاد» ګڼلی دی.

فرانس پرېس خبري اژانس په خیبر پښتونخوا کې د یوه ځايي چارواکي په حواله راپور ورکړی چې د کورمې په درې ورځنیو شخړو کې لږ تر لږه ۸۲ کسان وژل شوي او ۱۵۶ نور ټپیان دي.

د دغه سیمه ییز چارواکي په وینا، په وژل شویو کې ۱۶ سني او ۶۶ یې شیعه وو.