په هرات کې د افغانستان د فوټبال د اتلانو لیګ څلورم پړاو سیالۍ پیل شوې

د ۱۹ کلنو اسیا جام کرېکټ سیالیو په نیمه پایلوبه کې نن جمعه بنګله دېش له پاکستان سره او هند له سریلانکا سره لوبه وکړه.

د نېمه پایلوبې په لومړۍ لوبه کې د بنګله دېش د ۱۹ کلنو کرېکټ ملي لوبډلې د پاکستان له لوبډلې د لوبې پچه وګټله او لومړۍ یې د توپ اچونې پرېکړه وکړه.

د پاکستان د ۱۹ کلنو کرېکټ ملي لوبډلې په ۳۷ اورونو کې د ټولو لوبغاړو په سوځیدو سره ۱۱۶ منډې جوړې کړې او سیالۍ لوبډلې ته یې په پنځوس اورونو کې د ۱۱۷ منډو هدف ورکړ.

د لوبې په دوهمه پاڼۍ کې د بنګله دېش د ۱۹ کلنو کرېکټ ملي لوبډلې په ۲۲،۱ اورونو کې د درې لوبغاړو په سوځیدو سره د تمیم د ۶۱ ناسوځیدلو منډو په مټ ۱۲۰ منډې جوړې کړي او د یاد جام پایلوبې ته ووتله.

همدارنګه د نیمه پایلوبې په دوهمه لوبه کې د هند د ۱۹ کلنو ملي لوبډله د سریلانکا د ۱۹ کلنو ملي لوبډلې په وړاندې د سیالۍ ډګر ښکته شوه.

د دغې لوبې پچه د سریلانکا د ۱۹ کلنو ملي لوبډلې وګټله او د هند په وړاندې یې د توپ وهنې پرېکړه وکړل.

د سریلانکا د ۱۹ کلنو کرېکټ ملي لوبډلې په ۴۶،۲ اورونو کې د خپلو ټولو لوبغاړو په سوځیدو سره ۱۷۳ منډې جوړې کړې او سیالې لوبډلې ته یې په پنځوس اورونو کې د ۱۷۴ منډو هدف ورکړ.

خو د هند د ۱۹ کلنو ملي لوبډلې د ویبهاو سوریاونشي د ۶۷ او ایوش مهاتېر د ۳۴ منډو په مټ په ۲۱،۴ اورونو کې د سریلانکا د ۱۹ کلنو لوبډلې له لورې ورکړل شوی هدف پوره کړ او د جام پایلوبې ته ووت.

د ۱۹ کلنو اسیا جام کرېکټ سیالیو پایلوبه د یک شنبې په ورځ د هند او بنګله دېش د ۱۹ کلنو ملي لوبډلو ترمنځ د عربي متحده اماراتو په دوبۍ نړیوال کرېکټ لوبغالې کې ترسره کیږي.

په کابل کې د وزلوبې د غوره لیګ سیالیو شپږم پړاو پیل شو

په کابل کې د وزلوبې سیالیو لپاره د غوره لیګ شپږم پړاو د پنجشنبې په ورځ د (لیندۍ په ۱۵ مه) نېټه پیل شو.

په دغو سیالیو کې به د تخار، بدخشان، کندوز، سرپل، سمنګان، پنجشیر، فاریاب، بلخ او هرات لوبډلې کې برخه اخلي چې لس ورځې به دوام ومومي.

داسې هم ویل کیږي چې په دغو سیالیو کې د منځنۍ اسیا د ځینو هېوادونو لوبغاړي هم برخه لري.

د وزلوبو سیالي هر کال د لیندۍ په میاشت کې د بېلابېلو ولایتونو د لوبډلو له خوا په کابل کې پیلیږي چې تېر کال په دغو سیالیو کې د سرپل لوبډلې اتلولي ګټلې وه.

دغه لوبې به د طالبانو تر واک لاندې د ملي ټلړیزیون له لارې په ژوندۍ بڼه خپریږي.

بنګله دېش لومړی توپ وهنه وکړه او شلو اورونو کې یې د اوو لوبغاړو په سوځېدو ۱۳۹ منډې جوړې کړې.

د پاکستان دولتي راډیو د خبر له مخې د بنګله دېش ځواب کې پاکستان دغه هدف په ۱۰ اورونو او په څلورو توپونو سره پرته له کومې وېکټې له ورکړې ترلاسه کړ.

د پاکستان لپاره نثار علي په ۷۲ منډو ناسوځېدلی پاتې شو او اوپنر توپ وهونکی محمد صفدر په ۴۷ منډو ناسوځېدلی پاتې شو.

د پاکستان د ولسمشر اصف علي زرداري او لومړي وزیر شهباز شریف د پاکستان د نابینایانو کرېکټ لوبډلې شل اوره نړیوال جام د بریا مبارکی ورکړې ده.

د یکشنبې په ورځ په کابل کې ، د کابل فوټسال غوره لیګ شپږم پړاو سیالۍ د ۱۳ لوبډلو په ګډون پیل شوې.

یادې سیالۍ به د الف او ب په ګروپي شکل تر سره شي.

په الف ګروپ کې زیتون، افغانستان ورزش، شقایق، عدالت، یاران همدلي او پیشنتاز او په ب ګروپ کې اطمینان، شریفي سپورټ، ظاهر اسد، پوشاک مددي، شهید نسیم، پنجشیر ایف سي او یاران افغان لوبډلې شاملې دي.

د دغو سیالیو په لومړی ورځ زیتون د اطمینان او افغانستان سپورټ لوبډله د شریفي سپورټ لوبډلې په وړاندې د سیالۍ ډګر ښکته شوې.

په دغو دوو لوبو کې زیتون او اطمینان لوبډلو د ۳ـ۳ مساوي او د افغان سپورټ لوبډلې د شریفي لوبډلې ته ۱ـ۴ ګولونو ماتې ورکړه.

د دغه ټورنمنټ لومړۍ او دویم مقام ګټونکي لوبډلې به د افغانستان د زونونو د فوټسال سیالیو وروستي پړاو ته لار ومومي او هغه دوه لوبډلې چې په دغه ټورنمینټ کې تر ټولو کمې نمرې ترلاسه کړي د کابل د فوټسال یون لیګ سیالیو ته به لار ومومي.

افغانستان کرکټ بورډ د یکشنبې په ورځ د زمبامبوې پر وړاندې د يو ورځنيو او شل اوره لوبلړيو لپاره د لوبغاړو نوملړ اعلان کړ.

کرکټ بورډ ويلي، چې په دې نوملړ کې يې د لومړي ځل لپاره تکړه افغان کیڼ لاسي پيليز توپ وهونکي زبید اکبري او په شل اوره لوبو کې يې دروېش رسولي هم شامل کړي دي.

د افغان لوبډلې پياوړی پيليز توپ وهونکی ابراهيم ځدراڼ، چې څه موده وړاندې د ښنګري ټپ له کبله يې عمليات کړی، لا هم تر درملنې لاندې دی او په دې سياليو کې به له افغان لوبډلې سره نه وي.

د افغانستان کرکټ بورډ د مالوماتو له مخې، د افغانستان او زمباموې ترمنځ دغه سيالۍ به د زمبابوې په پلازمېنه هرارې کې د ډسمبر مياشتې پر ۱۱ مه نېټه پيل شي او د ۲۰۲۵ کال د جنوري مياشتې تر شپږمې نېټې به دوام وکړي.

د زمبابوې پر وړاندې په شل اوره لوبو کې په افغان لوبډله کې راشدخان لوبډلمشر، رحمان الله ګوربز او محمد اسحاق ويکټ ساتونکي، صديق الله اتل، حضرت الله ځاځی، محمد نبي، دروېش رسولي، زبید اکبري، ګلبدين نایب، کريم جنت، ننګيال خروټی، مجیب الرحمان، نوراحمد، فضل الحق فاروقي، فريد احمد ملک، نوین الحق او عظمت الله عمرزی شامل دي.

د افغان کرکټ بورډ غوراوي کمېټې د يو ورځنيو سياليو لپاره د افغان لوبډلې لپاره حشمت الله شهيدي لوبډلمشر، رحمت شاه رزمتی مرستيال لوبډلمشر، رحمان الله ګوربز او اکرام علي خېل ويکټ ساتونکي، عبدالمالک، صديق الله اتل، دروېش رسولي، عظمت الله عمرزی، محمدنبي، ګلبدين نايب، راشدخان، ننګيال خروټی، الله محمد غضنفر، مجیب الرحمان، فضل الحق فاروقي، نويد ځدراڼ، بلال سمېع او فرید احمد ملک غوره کړي دي.

د افغانستان کرکټ بورډ زياتوي، چې د دغو سيالیو د مهالوېش له مخې به شل اوره لوبې د ډسمبر میاشتې پر ۱۱مه، ۱۳مه او ۱۴مه نېټه او درې یو ورځنۍ نړیوالې سیالۍ به د همدې میاشتې پر ۱۷مه، ۱۹مه او ۲۱مه او لومړۍ ټېسټ لوبه د ډسمبر له ۲۶مې تر ۳۰مې او دویمه ټېسټ لوبه د جنوري له دویمې تر شپږمې نېټې پورې ترسره شي.