طالبانو په پکتیا کې دوه تنه د خلکو د سترګو په وړاندې په دورو وهلي

په کابل ښار کې د ژمي په رارسېدو سره د خونو د ګرمولو لپاره خلک تر ډېره د ډبرو سکاره کاروي، چې ورسره هوا ککړېږي او چاپېریال ته درانه زیانونه اوړي.

له بلې غاړې په کابل کې د سون توکو د بیو د لوړوالي له امله خلک ربړونه، زاړه ټایرونه او نور له کاره لویدلي توکي سوځوي، چې له دې سره هم د دغه ښار هوا زیاته ککړه شوې ده.
دا رنګه په دغه ښار کې د نفوسو د ډېروالي او لوړپوړو ودانیو کې د مرکز ګرمۍ سیسټمونه داسې جوړ شوي، چې د هوا د ککړتیا لپاره ورته ډېره پاملرنه نه ده شوې.
د کابل په ښاروالۍ کې طالب چارواکي وایي، چې په دې برخه کې یې د عامه پوهاوي په اړه غونډه وربللې وه.

د ښاروالۍ د ښاري خدمتونو او چاپېریال ساتنې مرستیال محمد خالد سجستاني وویل، چې کابل ښاروالۍ تېر کال د هوا د ککړتیا د مخنیوي په موخه، له شاوخوا ۴۰۰ لوړپوړیزو ودانیو څخه د مرکز ګرمۍ سیستم لپاره د لوګي د تصفیې فلټرونه څارلي وو او په پایله کې یې ډېرو ښاریانو خپلې سرغړونې اصلاح کړې او د لوګي د تصفیې فلټرونه یې نصب کړې دي.
هغه له کابل ښاریانو څخه وغوښتل، چې د ښار د سمسورتیا او پاکوالۍ په برخه کې خپل انساني او دیني مسوولیت ترسره کړي او د هوا د ککړتیا د رامنځته کېدو لامل نه شي.
په دغې ناسته کې د طالبانو د چاپېریال ساتنې د ادارې مشر مطیع الحق خالص، د انسانانو پر روغتیا د هوا د ککړتیا د ناوړو اغېزو او زیانونو په اړه وویل، چې د ژمي په رارسېدو سره نه یوازې په پلازمېنې کابل؛ بلکې د افغانستان په بېلابېلو ښارونو کې د هوا ککړتیا زیاتېږي، چې زیانونه یې نه یوازې په انسانانو پورې محدود وي؛ بلکې پر څارویو او بوټو هم ناوړه اغېز پرې باسي.
نوموړي هغو خلکو ته خبرداری ورکړ، چې د سرغړونو په وخت کې به ورسره قانوني چلند وشي.
دا رنګه کابل ښاریان د هوا د ککړتیا له امله د رامنځته شویو تنفسي ناروغیو له امله شکایت کوي او وایي، چې په دې برخه کې یوازې کابل ښاریان ګرم نه دي؛ بلکې د دوی په خبره تر ډېره حکومت هم پړ دی، چې د بې کیفیته سون توکو د پلور او پېر مخه نه نیسي او سوداګر هم تر ډېره په خلاص مټ بې کیفیته سون توکي واردوي او پر خلکو یې پلوري.
نن سبا په پلازمېنې کابل کې د وګړو زیاتوالی، د ځنګلونو او ونو پرې کېدل، د نا انډوله ودانیو جوړول او پر شنو فصلونو او کرنیزو ځمکو د کورونو جوړول، د موټرو زیاتوالی هغه لاملونه دي چې د ښار هوا یې ککړه کړې او ورسره بې شمېره تنفسي ناروغۍ هم زیاتې شوې دي.

دوی ویلي، چې د کرج په قلعه حصار زندان کې د یوه افغان په ګډون ۹ تنه او د قُم په زندان کې د یوه افغان په ګډون درې تنه بندیان اعدام شوي دي.

هرانا راپور ورکړی، چې د چهارشنبې د ورځې په سهار د یوه افغان په ګډون نهه تنه بندیان اعدام شوي او هنګاو هم لیکلي، چې د سې شنبه په ورځ د یوه افغان په ګډون درې تنه اعدام شول.

د هرانا د راپور له مخې، د هغو نهو بندیانو له جملې څخه چې د چهارشنبې په ورځ اعدام شول، پنځه یې د قتل په تور او څلور نور یې د نشه یې توکو د جرمونو په تور په اعدام محکوم شوي وو.

هرانا لیکلي، هغه افغان چې د چهارشنبې په سهار د نهو کسانو په ډله کې اعدام شوی، عبدالله تاجک نومېده.

تر دې مخکې د هنګاو راپور ورکړی و، چې د قُم په مرکزي زندان کې د عبدالمهدي راشد میري په نوم یو افغان زنداني او د سعید مطیع او اصغر رمضاني په نوم دوه نور بندیان اعدام شوي دي. د هنګاو په وينا، دغه بنديان پخوا د قتل او نشه يي توکو په جرمونو په اعدام محکوم شوي وو.

د طالبانو د لوړو زده کړو وزارت وایي، چې د یوولسو خصوصي لوړو زده کړو موسسو جوازونه یې د دغه وزارت د رهبرۍ شورا د پرېکړې پر بنسټ لغوه کړي دي.

د طالبانو د لوړو زده کړو وزارت د دغو موسسو د جوازونو د لغوه کولو لاملونه د علمي، تحصیلي او اداري اصولو ته د نه پاملرنې، خیالي قراردادي استادان، خیالي محصلین، ، د رهبرۍ او اداري کارکوونکو د کمښت، په ټولګیو کې د نه حاضرېدو او د ازموینو د نه شتوالي، د لازمو ښوونیزو اسانتیاوو د نه شتون او یو لړ نورو پرله پسې سرغړونې یادې کړي دي.

دغه یوولس د خصوصي لوړو زده کړو موسسې په غزني، فراه، بادغیس، تخار، کندز، بغلان، بلخ، سمنګان او هرات ولایتونو کې دي.

تر دې مخکې طالبانو د نجونو پر مخ د طبي انسټېټونو دروازې هم بندې کړې.

د طالبانو د عامې روغتیا په وزارت کې سرچینو اې اېف پي ته ویلي، چې په طبي موسسو کې د ښځو پر زده‌کړو د بندیز له امله لږ تر لږه ۳۵۰۰۰ ښځینه زده‌کړیالانې له زده‌کړو بې برخې شوې دي.

د سرچينې د معلوماتو له مخې، دغو زده‌کړیالانو په لسو دولتي او تر ١٥٠ زياتو خصوصي موسسو کې زده‌کړې کولې.

دا لومړی ځل نه دی، چې طالبان د روزنیزو موسسو او مرکزونو د فعالیتونو مخه نیسي، یادې ډلې پر افغانستان له واکمنېدو وروسته د نجونو او ښځو پروړاندې د ښوونځيو او پوهنتونونو دروازې هم بندې کړې دي.

نن چهار شنبه په کابل کې د طالبانو د حکومت د کډوالو او راستنېدونکو چارو وزیر د وزارت دننه له جومات څخه راوتلو چې ځانمرګی برید پرې وشو.

خلیل رحمان حقاني د مولوي جلال الدین حقاني ورور او د کورنیو چارو وزیر سراج الدین حقاني تره دی، چې ددې ډلې په مهمو کسانو کې شمېرل کېده.

خلیل رحمان حقاني ډېری په جرګو مرکو او د قومونو او قبایلو د همغږۍ په چارو کې بوخت و.

داعش - خراسان ډلې د خپل ځانمرګي بریدګر انځور خپور کړی او ویلي یې دي چې پر خلیل حقاني د دوی یو ملګري ځانمرګی برید کړی دی.

نوموړی زیاتوي چې دا مرسته د بهرنیو موسساتو له طریقه شوې او د امریکا د بهرنیو چارو وزارت یې بهیر څارلی دی.

هغه د بایډن ادارې د یو شمېر منتقدینو هغه خبرې رد کړې، چې له افغانستان نه یې په وتلو سره روسیه زړوره کړې، چې پر اوکراین برید وکړي.

بلینکن وویل: "زه له افغانستان څخه د ځواکونو د وتلو او پر اوکراین د روسیې د برید ترمنځ اړیکه نه وینم. برعکس، که موږ په افغانستان کې پاتې وای او زموږ ځواکونه هلته بوخت وای، زموږ دښمنان به خوشحاله وای. روسیې د لومړي ځل لپاره په ۲۰۱۴ کال کې پر اوکراین برید وکړ. هغه مهال موږ په افغانستان کې زرګونه سرتېري درلودل.»
د امریکا د بهرنیو چارو وزیر یو ځل بیا د دغه هېواد د ولسمشر پخوانی دریځ تکرار کړ چې دوی د اشرف غني حکومت د ژر سقوط اټکل نه کاوه.