د ایران ولسمشر مسعود پزشکیان افغان شاعر مولانا جلال الدین بلخي ایرانی بللی
د ایران ولسمشر مسعود پزشکان د افغانستان ستر عارف او عالم مولانا جلال الدین بلخي ایرانی بللی دی.
د ایران ولسمشر مسعود پزشکان د افغانستان ستر عارف او عالم مولانا جلال الدین بلخي ایرانی بللی دی.
مسعود پزشکان پر اېکس پاڼې د مولانا بلخي له یوه شعر سره لیکلي:« د ایراني ځمکې ستر عارف مولانا جلال الدین یاد دې تلپاتې وي.»
مولانا جلال الدين محمد بلخي د بهاالدين زوی د ۶۰۴ قمري کال د ربيع الاول پر ۶مه په بلخ کې زېږېدلی دی.
بلخي چې په مولوي او رومي هم مشهور دی، په ديارلسمې پېړۍ کې د پارسي ژبې يو شاعر تېر شوی، هغه د افغانستان په بلخ ولايت کې زېږېدلی و، نوموړی په تورکيې هېواد کې خاورو ته سپارل شوی دی.
مولانا بلخي چې په خپل یو شعر کې،خپله دا ادعا کوي چې د بلخ دی او وایي:
بلخی ام، من بلخی ام، من بلخی ام
شور دارد عالمی از تلخی ام
مولانا جلال الدين محمد بلخې په اوه ديرش کلنۍ کې د خپل وخت سترعارف او عالم وپېژندل شو او مريدانو او نورو خلکو یې له حضور نه په سېمه کې ګټه اخېسته.
مولانا دوه ودونه کړي و، چې خپلې لومړنۍ مېرمنې ګوهرخاتون نه يې د سلطان ولد او علاالدین په نومونو دوه زامن لرل.
د مولانا دویمه مېرمن خاتون قونوي نومېده چې د مولانا له مړیني وروسته نولس کاله ژوندۍ وه. هغې د مظفرالدین امیر عالم په نوم یو زوی او د ملک خاتون په نوم یوه لور لرله.
