پاکستاني پولیسو د پښتون ژغورنې غورځنګ د مرکزي کمیټې غړی صمد خان ونیو
د پښتون ژغورنې غورځنګ وايي، نن په بنو کې د دغه غورځنګ د مرکزي کمیټې غړی صمد خان د پولیسو له لوری ونیول شو. پاکستاني پولیسو تردې وړاندې هم د غورځنګ نور غړي نیولي دي.
د پښتون ژغورنې غورځنګ وايي، نن په بنو کې د دغه غورځنګ د مرکزي کمیټې غړی صمد خان د پولیسو له لوری ونیول شو. پاکستاني پولیسو تردې وړاندې هم د غورځنګ نور غړي نیولي دي.
د پښتون ژغورني غورځګ د مرکزي کمیټي غړي حنیف پښتین د یک شنبې په ورځ افغانستان انټرنشنل ـ پښتو ته وویل، چې د پښتونخوا په نبو کې تر یوې جلسې وروسته پولیسو صمدخان ونیو او د ترهګرۍ ضد ادارې ته یې سپارلی دی.
حنیف پښتین وايي، دمګړی د صمد خان په ګډون، علي وزیر او ملک ناصر کوکیخیل هم د بېلا بېلو تورونو په جرم د پاکستان په زندانونو کې بندیان دي.
نوموړی وايي، د پاکستان پولیس د دوی د غړو نیولو سره غورځنګ له خپلو موخو نه شي پر شا کولی او خپلې مبارزې ته به دوام ور کوي.
د دغه غورځنګ یو شمېر غړو د پاکستاني پولیسو له لورې د صمدخان نیولو په غبرګون ویلي، چې په بېلا بېلو هېوادونو کې به د صمد خان د ژر تر ژره خلاصون لپاره له قانوني لارو چارو کار واخلي او د پاکستان د دې بشر ضد کړنو خلاف به لاریونونه وکړي.
د پښتون ژغورنې غورځنګ د مرکزي کمیټې بل غړی علي وزیر هم د اکسټ میاشتې له درېیمې راهیسې د دریو جرمونو په تور بندي دی.
تردې مهاله د پښتونخوا پولیسو د ښاغلي صمد خان د نیولو په تړاو څه نه دي ویلي.
