د طالبانو د ریاست لوزرا سیاسي مرستیال عبدالکبیر وايي، چې تر پخوا له تاجکستان سره د دې ډلې سیاسي اړیکې د پرمختګ په حال کې دي. عبدالکبیر وايي، که څه هم تاجکستان تر اوسه د افغانستان سفارت طالبانو ته نه دی سپارلی، خو د دواړو هېوادونو ترمنځ پراخې سوداګریزې اړیکې شته.
نوموړي د جمعې په ورځ وويل، چې په دوشنبه کې د افغانستان سفارت د دې ډلې تر مديريت لاندې نه دى، خو د شیرخان بندر لاره د دواړو هېوادونو د سوداګرو پر مخ پرانيستې ده.
عبدالکبیر وايي، اوسمهال افغان او تاجکستاني سوداګر د دواړو هېوادونو ترمنځ تګ راتګ کوي.
نوموړي په کابل کې د خپلې وینا پر مهال ادعا وکړه، چې د سیمې له هېوادونو سره د طالبانو سیاسي او اقتصادي اړیکې پراخې او د پررمختګ په حال کې دي.
دغه طالب چارواکي همداراز د افغان چارواکو له کوربه هیوادونو وغوښتل چې په زوره د افغان کډوالو ایستل بند کړي او افغانانو ته اجازه ورکړي چې په خپله خوښه خپل هیواد ته ستانه شي.
تاجکستان په تېرو دریو کلونو کې د منځنۍ اسیا د نورو هېوادونو په پرتله له طالبانو سره تر ټولو کمې اړیکې لري او تاجکستان تر اوسه د افغانستان په سفارت کې د طالبانو ډېپلوماتیک استازس نه دی منلی.
له بلې خوا په دغه موده کې په تاجکستان کې د طالبانو پر ضد ځينې خوځښتونه فعالیتونه کوي.
