سویس د ایران په زندان کې د یوه سویسي وګړي د وژل کېدو په اړه وضاحت غوښتی

د رسنیو د راپورونو له مخې، د لاس انجلس په یوه څنډه، پیسیفک پیلیسیډز کې د ګڼو پېژندل شویو شخصیتونو کورونه هم د اور له امله ویجاړ شوي دي.

د اټکل له مخې په دې سیمه کې د یوه کور منځنۍ بیه درې میلیونه ډالره ده.

هغه مهمې ودانې چې تر اوسه د اور خوراک شوي دي.

د پیلیسيډ چارټر عالي لیسه

دا هغه ښوونځی دی چې د ټین وولف، کیري او فریکي فرایډي په څېر فلمونو کې ښودل شوي، دغه ښوونځی په وروستۍ اور لګېدنه کې سخت زیانمن شوی دی.

د لاس انجلس یونیفایډ سکول ډسټرکټ په وینا اور د ښوونځي ټولګي، کوټې، د ټینس لوبغالی او د بیس بال میدانونه ویجاړ کړي.

د ویل روجرز ایالت تاریخي پارک

د هالیووډ د پخواني اداکار ویل روجرز ۳۰۰ جریبه ملکیت هم د اور له امله له منځه تللی دی.

د کالیفورنیا ایالت پارکونو د ساتنې ادارې په وینا، په دغه اور کې د ول راجرز زوړ کور هم له اور څخه نه دی ژغورل شوی.

ګټي ویلا

ګیټي ویلا د ارام سمندر په غاړه جوړ شوی دی. ګټي ویلا موزیم هم د اور له امله زیانمن شوی، په دغه ځای کې بوټي سوځېدلي، خو د رومي هنر قیمتي ټوټې لا هم خوندي دي.

توپانګا رینچ موټل

د دولتي پارکونو د جوړنې ادارې وویل، چې د ژورنالسټ ویلیم روډولف هرسټ هغه ودانۍ چې په ۱۹۲۹ کې د توپنګا ایالت پارک کې جوړه شوې د اور له امله ویجاړه شوې ده.

د تياتر پیلیسیډز

دا د ټولنې تیاتر دی چې په ۱۹۶۳ کې تاسیس شوی. ویل کیږي چې د اور سختو څپو زیانمن کړی او تر بلې خبرتیا تړل شوی دی.

د پاساډینا یهودي معبد او مرکز

په دغه مرکز کې چې له شلمې پېړۍ راهیسې رامنځته شوی، ډېری ودانۍ د اور له امله ویجاړې شوې دي. چارواکي وايي چې د تورات ليکل شوې نسخه په دغه مرکز کې خوندي ده.

التاډینا ګالف کورس

التاډینا ګالف کورس، چې له ۱۹۱۰ راهیسې تاسیس شوی، هم د اور له امله سخت زیانمن شوی دی. د دغه کورس کلب هاوس هم ویجاړ شوی دی.

د دې ترڅنګ د ګڼو شخصیتونو کورونه او مالونه هم زیانمن شوي دي.

د راپورونو له مخې، د لاس انجلس لیکرز د مشر روزونکي جی جی ریډيک کور هم ویجاړ شوی دی. امریکایي کامیډین او اداکاره روزي اوډونیل پر ټیک ټاک یوه ویډیو خپره کړې او لیکلي یې دي چې کور مې ختم شوی.

د کوک بوک لیکوال او د تلویزیون کوربه سنډرا لي په انسټاګرام لیکلي، چې هغه په یوه هوټل کې پاتې کیږي ځکه چې هغه نور کور نه لري.

اداکار اډم بروډي او د هغه مېرمن لیټن میسټر له دې اور لګیدلی مخکې خپل د پیسیفک پیلیسیډز کور خالي کړ. همدا ډول پیرس هیلټن هم خپل کور پریښودی.

جیمي لي کورټیس په ټلویزیوني خپرونې کې وویل چې هغې خپل کور په پیسیفک پیلیسیډز کې له لاسه ورکړ. اداکار او د پیسیفک پیلیسیډ اعزازي ښاروال، یوجین لیوي هم په اسمان کې د لوګیو تورو ورېځو لېدو وروسته له خپل کور څخه تختېدلی دی.

همدا ډول، جیمز ووډز سي این این ته وویل، چې مخکې له دې په اور کې ښکېل شي د سې شنبې په ورځ یې کور پرېښی دی.

بیلي کرېسټال او د هغې مېرمن جینیس د ګرامي مډال ګټونکي ډيني وارن، د تلویزیون پېژندل شوې څېرې هیدي مونټاګ او سپینسر پراټ هم د خپلو کورونو د لیدو په اړه خبرې کړې دي.

د لاس انجلس د اورلګیدنې په پایله کې اداکاره کیري الیوس، کامیډین جان ریورز، اداکار کیمرون میتیسن او اداکاره ریکي لیک هم خپل کورونه له لاسه ورکړي دي.

د رویټرز خبري اژانس د راپور له مخې، په ځینو ویډیوګانو کې د انتوني هاپکنز، جان ګوډمین او میلس ټیلر کورونه هم په اور کې لیدل کیږي.

د عربي رسنیو د راپورونو له مخې په غزه کې د اسراییلي بريدونو لړۍ روانه ده. په تېرو ٢٤ ساعتونو کې ٢٢ فلسطینیان وژل شوي دي.

د اسراییل او حماس له جګړې شاوخوا ۱۵ میاشتې تېریږي، چې په دې موده کې تر ۴۶ زرو زیات فلسطینیان وژل شوي دي.

دغه رسنۍ زیاتوي، چې د ۲۰۲۵ کال په لومړیو ۹ ورځو کې اسراییلي پوځ ۴۹۰ فلسطینیان وژلي دي.

بل خوا د جمعې په ورځ (د مرغومي ۲۱مه) د لانسیټ طبي مجلې د څېړنې د اټکل له مخې، په غزه کې د اسراییل او حماس جګړې په لومړیو نهو میاشتو کې د مرګ ژوبلې کومې شمېرې چې د فلسطین د روغتیا وزارت له خوا ثبت شوي، له هغې د مرګ ژوبلې شمېر ۴۰ سلنه زیات دی.

د جاپاني رسنیو د راپور له مخکې، دغه ۲۲ کلنه نجلۍ د ټولنپوهنې زده کوونکې وه. هغې په ټولګې کې څټک راواخیست او اته تنه یې پرې ټپیان کړل.

پولیسو دغه ۲۲ کلنه نجلۍ نیولې ده خو د دغې تاوتریخجنې پېښې په اړه یې جزییات نه دي ورکړي.

په جاپان کې دا لومړنۍ پېښه نه ده، جاپان کې کله نا کله د ځینو خلکو له خوا په چاقو بریدونه او حتی د وسلو ډزې کیږي.

تېر ډسمبر میاشت کې د ښوونځي دوه زده کوونکي چې په یوه ریستورانت کې د ماښامني لپاره تللي و، یوه سړي پر دواړو برید وکړ او په چاقو یې ټپیان کړل.

د ۲۰۲۲ کال په جنورۍ کې د توکیو پوهنتون مخ ته یوه سړي درې زده کړیالان په چاقو ووهل. په قربانیانو کې یوه ۱۸ کلن هلک، یوه ۱۷ کلنه نجلۍ او یو ۷۲ کلن سړی شامل وو.

د دمشق والي مهیر مروان رسنیو ته وویل، چې په جومات کې د یوې پیښې په ترڅ کې د راغورځیدو په پایله کې درې کسان ووژل شول.

د ژغورنې ډلې وویل، چې د ماسپښین په اوږدو کې د غورځیدو له امله درې مېرمنې وژل شوي او پنځه ماشومان یې ټپیان شوي دي خو یوه ماشومه نجلۍ یې له بد حالت څخه ژغورلې ده.

یاده پېښه د ټولنیزو رسنیو د یو فعال له خوا د خوراکي توکو د وېش پر مهال رامنځته شوې ده.

د سپاه پاسداران قوماندان د ګواښ په بڼه وویل، په ډېر لنډ وخت کې به دغه ارامه اور غورځوونکي د دښمن پر سر غورځېدو ته چمتو شي.

نوموړي ویلي: «د صادق ۲ عملیاتو په لړ کې د دغې اډې راکټونه د اسراییل رژیم د ایف ۳۵ جنګي الوتکو اصلي ځاې له مینځه وړي او اسراییلي رژیم تراوسه نه دی توانیدلی چې دغه هوایي ډګر بیرته په شا کړي.»

حسین سلامي وویل، چې د ایران د توغندیو تولید دوام لري او ډېر ژر به د نويو تولید شويو توغنديو اډې پرانیځي.

د ۲۰۱۷ کال د جولای په میاشت کې د ایران په مرکزي صحرا کې د ایران د توغندیو غږ د تلویزیون د کمرې د لینز له لارې نړۍ ته خپور شو. په هغه وخت کې د سپاه پاسداران د هوايي ځواک قوماندان سردار حسین سلامي ویلي و، چې دا د ایران د توغندیو او وړتیاوو یوه کوچنۍ برخه ده.