د روسيې بهرنيو چارو وزارت په یوه اعلاميه کې د افغانستان په کندز ولایت کې پرون ځانمرګی بريد غندلی او دا یې د شمالي سيمو د وضعت خرابولو د هڅې په مانا بللی دی. مسکو ډاډ ښودلی، چې طالبان به د بريد تنظيموونکی ونیسي او د قانون منګولو ته به یي وسپاري.
د روسيې تاس دولتي اژانس د پنجشنبې په ورځ د دغه هېواد د بهرنیو چارو وزارت د اعلاميې له مخي ویلي، چې مسکو د افغانستان په کندز ولایت کې د سې شنبې د ورځې د ځانمرګي بريدله قربانیانو سره خپله خواخوږي ښیي.
د روسيې بهرنیو چارو وزارت په اعلامیه کې ویل شوي، چې د ځانمرګي بريد له کبله تر ۲۵ زیات کسان وژل شوي او په لسګونه نور ټپيان شوي دي.
د دغه بريد مسولیت داعش ډلې په غاړه اخيستی، چې د مسکو په تور ليست کې ده.
په اعلاميه کې د دې بريد اړوند ویل شوي: « روسیه د افغانستان په کندز کې هغه وحشیانه ترهګریز برید په کلکه غندي چې هدف یې د هیواد په شمالي سیمو کې وضعیت خرابول دي.»
د روسيې ډيپلوماتانو د دغه بريد د تنظیمونکو د نیولو ډاډ ښودلی: «مسکو ډاډه دی چې افغان چارواکي به وکولی شي په کندز کې د ترهګریز برید تنظیمونکي ومومي او عدالت ته به یې وسپاري.»
د معلوماتو له مخې، د سه شنبې په ورځ ځانمرګي بریدګر د کندز ښار د کابل بانک څانګې په ورودي دروازه کې د طالبانو پر هغو سرتېرو برید وکړ چې د خپل میاشتني معاش د ترلاسه کولو لپاره په کتار کې ولاړ وو.
طالبانو یوازي د تسلیت څرګندونې کړي او تر دامهاله یې د بريد رسمي او وروستي تلفات هم نه دي په ډاګه کړي.
داعش ډلې په دې وروستيو کې په افغانستان کې خپل بريدونه زيات کړي، چې ورسره هم مهال د سيمې او نړۍ د هېوادونو اندېښنې يې هم را پورته کړي.
خو طالبان په خپلو څرګندونو کې د دغه ډلې د ځپلو ادعاوي کوي.
د مکتوب له مخې، طالبانو د «میهن سټار په نوم یوې کمپنۍ ته یو ټن ګچ په څلور سوه افغانۍ قراداد» ورکړی او ټول ټال د ۱۰ زره ټنو قرارداد ورسره شوی دی.
په یاد مکتوب کې د طالبانو کانونو وزارت خپل ولایتي ریاست ته لیکلي، چې له اړوند شرکت څخه د استخراج او لېږد له درکه یوازې پر ټن څلور سوه افغانۍ واخلي.
د مکتوب له مخې، دغه قرارداد یوازې د یوه کال لپاره شوی دی چې د سمنګان ولایت د حضرت سلطان ولسوالۍ اړوند د ګچو د یوه کان د استخراج لپاره شوی دی.
د دغه کان د کېندنو قرارداد لومړی د متر مکعب په بڼه شوی و؛ خو طالبانو په ناببره توګه بېرته بدل کړی او د ټن حساب ته یې اړولی دی.
دغه سند په سمنګان ولایت کې د طالبانو د کانونو رییس لطف الله حبیبي لهخوا لاسلیک شوی دی.
نیوکې دا دي، چې د طالبانو په کانونو وزارت کې پراخ فساد روان دی او د طالبانو یو شمېر لوړ پوړي غړي د کانونو په قراردادونو کې ښکېل دي چې له دې درکه یې پراخه ګټه شخصي جېبونو ته روانه ده.
د طالبانو د یاد وزارت پر پخواني وزیر شهاب الدین دلاور هم د کانونو په برخه کې د فساد تور و او له همدې کبله د ملا هبتالله له لوري له دندې ګوښه شو.
د «طالب لیکس» لهخوا د طالبانو د افشا شویو سندونو پربنسټ، د کابل په شکردرې ولسوالۍ کې هم یوازې په یوه میاشت کې له پنځه سوه ټنو څخه زیات د مرمر ډبرې استخراج شوې دي.
د دغو سندونو له مخې، د مرمر ډبرو د استخراج دغه شمېره یوازې په یوې ولسوالۍ کې ښودل شوې، چې ښیي په ټول هېواد کې د ګران بیه ډبرو استخراج په پراخه توګه په چټکۍ سره روان دی او دا اندېښنې هم راپورته کوي، چې دغه لړۍ له فساده ډکه ده.
راپورونه کاږي، چې د کانونو په برخه کې طالبان په زیات شمېر تړونونو کې په مستقیم ډول ونډه لري او د دوی عایداتي سرچینې بلل کېږي.
طالبان غواړي د افغانستان طبیعي زېرمې د عوایدو په یوې مهمې سرچینې بدلې کړي؛ خو کارپوهان وايي، د تخصص او څار کمښت اوږدمهاله ګواښونه پېښوي.
د امریکا او ملګرو ملتونو د ارزونو له مخې، د افغانستان د طبیعي زېرمو ارزښت شاوخوا یو ټریلیون ډالره دی.
د راپورونو له مخې، واک ته د طالبانو له راتګ راهیسې د کان کېندنې له ۲۰۰ ډېر تړونونه لاسلیک شوي، چې ګڼ یې له سیمهییزو شرکتونو سره دي او د میلیاردونو ډالر ارزښت لري.
