روسيې په کندز کې ځانمرګی بريد وغانده

دا پېښه نن سهار د جرمني په مونشن ښار کې د یوې سوداګریزې اتحادیې د کارګرانو د لاریون پر مهال شوې ده.

پولیس ویلي، چې د یاد لاریون پرمهال یوه موټروان خپل موټر پر لاریون کوونکو وربرابر کړ او ګڼ کسان یې ټپیان کړل.

د جرمني د مونشن ښار د پولیسو مرستیال کریسټین هوبر وايي، موټر چلوونکی چې ۲۴ کلن افغان کډوال دی د پیښي په ځای کې د پولیسو له لوري نیول شوی دی.

خو پولیسو د یاد افغان په اړه نور جزیات نه دي ورکړي او د یادې پېښي انګیزه هم نه معلومه.

د دغه افغان کډوال له لوري په موټر وهل شويو د یوشمېر ټپي شویو کارګرانو روغتیا وضیعت د اندیښنې وړ ښودل شوی دی.

د اعتصاب کوونکو کارګرانو په ډله کې یو عیني شاهد رسنیو سره په خبرو کې ویلي::« موټر په ګڼه ګوڼه ور برابر شو او وروسته مې ولیدل چې یو کس تر موټر لاندې شوی هم دی.و»

د دغو کراګرانو د اتحادیې مشر فرانک ورنیک په یوه بیان کې ویلي:« موږ د وردي همکارانو لخوا د سوله ییز لاریون په جریان کې د دې وحشتناکې پیښې له امله سخت خفه یو.»

د راپورونو له مخې، دا پېښه پر داسې مهال شوي، چې سبا به مونشن د یو امنیتي کنفرانس کوربه وي.

دې ته ورته نور پیښي هم په جرمني کې د افغان کډوالو له لوري شوې او د دغه ډول پېښو وروسته بیا په جرمني کې یو شمېر ګوندونه د کډوالۍ په اړه د قوانینو د سختیدو غوښتني په موخه لاریونونه هم کړي دي.

طالبانو اوس د دې خپرونو له بندولو سره کورنيو رسنيو ته خبرداری ورکړی، چې د دوی له امر سرغړونکي به له جدي پايلو سره مخ شي.

سرچينو افغانستان انټرنشنل ته ویلي، دغه امر د پنجشنبې په ورځ رسنيو ته شوی او تر دويمې خبرتيا پورې یې د دوام غوښتنه شوې.

د سرچينو د مالوماتو له مخې، ټاکل شوې د راتلونکې شنبې په ورځ طالب چارواکي د رسنیو له مسولانو سره وويني.

د طالبانو له لورې په رسنيو کې دسياسي خپرونو د بندېدو لامل لا هم معلوم نه دی او نه هم دا معلومه ده، چې دغه بنديز به څومره دوام وکړي.

طالبانو تر اوسه په دې اړه په رسمي دول څه نه دي ويلي.

له هغه وروسته، چې طالبان په افغانستان کې بیا واک ته ورسېدل، دغه ډلې پر رسنيو او د بیان پر ازادۍ پراخ بنديزونه لګولي دي.

د طالبانو په همدې واکمنۍ کې یو شمېر رسنۍ تړل شوي، خبريالان او د رسنيو کارکوونکي زنداني شوي او له تيرو دوو کلونو څخه طالبانو په خپله رسنيزه پاليسي کې رسنۍ تر سانسور لاندي راوستلي.

د طالبانو د ریاست الوزرا اقتصادي معاونیت د پنج شنبې په ورځ پر اېکسپاڼې لیکلي، په دغه کتنه کې دواړو لوریو د افغانستان او قطر ترمنځ د اړېکو او اقتصادي مسایلو او د خصوصي سکټور له لوري د پانګونې د موضوعاتو په اړه خبرې وکړې.

طالبانو د یادې کتنې په اړه نور جزیات نه دې ورکړي.

که څه هم طالب چارواکي د خپلو سفرونو په اړه لا له وړاندې معلومات خپري، خو طالبانو قطر ته د ملا عبدالغني برادر د سفر په اړه تردې وړاندې څه نه و ویلي.

ملا برادر په داسې حال کې قطر ته سفر کوي، چې د یادې ډلې د بهرنیو چارو وزارت سیاسي مرستیال عباس ستانکزی له تېرو دوه اونیو راهیسي په عربي اماراتو کې دی او له افغانستان څخه عربي اماراتو ته د ستانکزي د تګ لامل هم په دغه ډله کې خپل منځي مخالفتونه ښودل شوي دي.

سرچینو افغانستان انټرنشنل ته ویلي، چې د ښاغلی ارسلا خروټي روغتیايي وضیعت نازک دی.

همدارنګه سرچینو ویلي، چې په دغه ځانمرګي برید کې دوه کسان وژل شوي او درې نور ټپیان شوي دي.

د طالبانو د کورنیو چارو وزارت منلي، چې د ښار او کور جوړونې په وزارت کې ځانمرګی برید شوی، خو تر اوسه یې د ارسلا خروټي د ټپي کېدو په اړه څه نه دي ویلي.

د طالبانو د کور او ښار جوړونې وزارت ویاند محمد کمال افغان رسنیو ته ویلي، چې ځانمرګي بریدګر وزارت ته د داخلیدو پلان درلود، خو امنیتي ځواکونو وزارت ته د داخلیدو پر مهال له منځه یووړ.

افغان ویلي، چې د دغې چاودنې پرمهال یو کس وژل شوی او درې نور ټپیان شوي.

تر اوسه د دغه برید مسولیت هیڅ ډلې پرغاړه نه دی اخیستی، خو دې ته د ورته نورو بریدونو مسولیت داعش ډلي منلی دی.

د لیندۍ میاشتې په ۲۱مه نېټه د طالبانو د کډوالو چارو وزیر خلیل الرحمن حقاني د وزارت دننه د جومات څخه د راوتلو پر مهال ځانمرګی برید پري وشو او نوموړی ووژل شو. پر خلیل الرحمن حقاني د ځانمرګي برید مسولیت داعش خراسان ډلې پر غاړه اخیستی و.

د مکتوب له مخې، طالبانو د «میهن سټار په نوم یوې کمپنۍ ته یو ټن ګچ په څلور سوه افغانۍ قراداد» ورکړی او ټول ټال د ۱۰ زره ټنو قرارداد ورسره شوی دی.
په یاد مکتوب کې د طالبانو کانونو وزارت خپل ولایتي ریاست ته لیکلي، چې له اړوند شرکت څخه د استخراج او لېږد له درکه یوازې پر ټن څلور سوه افغانۍ واخلي.
د مکتوب له مخې، دغه قرارداد یوازې د یوه کال لپاره شوی دی چې د سمنګان ولایت د حضرت سلطان ولسوالۍ اړوند د ګچو د یوه کان د استخراج لپاره شوی دی.
د دغه کان د کېندنو قرارداد لومړی د متر مکعب په بڼه شوی و؛ خو طالبانو په ناببره توګه بېرته بدل کړی او د ټن حساب ته یې اړولی دی.
دغه سند په سمنګان ولایت کې د طالبانو د کانونو رییس لطف الله حبیبي له‌خوا لاسلیک شوی دی.

100%

نیوکې دا د‌ي، چې د طالبانو په کانونو وزارت کې پراخ فساد روان دی او د طالبانو یو شمېر لوړ پوړي غړي د کانونو په قراردادونو کې ښکېل دي چې له دې درکه یې پراخه ګټه شخصي جېبونو ته روانه ده.
د طالبانو د یاد وزارت پر پخواني وزیر شهاب الدین دلاور هم د کانونو په برخه کې د فساد تور و او له همدې کبله د ملا هبت‌الله له لوري له دندې ګوښه شو.
د «طالب لیکس» له‌خوا د طالبانو د افشا شویو سندونو پربنسټ، د کابل په شکردرې ولسوالۍ کې هم یوازې په یوه میاشت کې له پنځه سوه ټنو څخه زیات د مرمر ډبرې استخراج شوې دي.

د دغو سندونو له مخې، د مرمر ډبرو د استخراج دغه شمېره یوازې په یوې ولسوالۍ کې ښودل شوې، چې ښیي په ټول هېواد کې د ګران بیه ډبرو استخراج په پراخه توګه په چټکۍ سره روان دی او دا اندېښنې هم راپورته کوي، چې دغه لړۍ له فساده ډکه ده.

راپورونه کاږي، چې د کانونو په برخه کې طالبان په زیات شمېر تړونونو کې په مستقیم ډول ونډه لري او د دوی عایداتي سرچینې بلل کېږي.
طالبان غواړي د افغانستان طبیعي زېرمې د عوایدو په یوې مهمې سرچینې بدلې کړي؛ خو کارپوهان وايي، د تخصص او څار کمښت اوږدمهاله ګواښونه پېښوي.
د امریکا او ملګرو ملتونو د ارزونو له مخې، د افغانستان د طبیعي زېرمو ارزښت شاوخوا یو ټریلیون ډالره دی.
د راپورونو له مخې، واک ته د طالبانو له راتګ راهیسې د کان کېندنې له ۲۰۰ ډېر تړونونه لاسلیک شوي، چې ګڼ یې له سیمه‌ییزو شرکتونو سره دي او د میلیاردونو ډالر ارزښت لري.