مفتي قوي د راکي ساونت سره د واده نېټه هم څرګنده کړه

ایلن ماسک د نړۍ تر ټولو شتمن کس دی چې د شتمنۍ خالص ارزښت یې ۴۰۲ میلیارده ډالره ته رسېږي.

مارک زوکربرګ د میټا د ونډو ۱۲.۸سلنه څښتن دی، او د هغه د شتمنۍ زیاتوالی یا کمښت هم د هغه د شرکت په ونډو پورې تړاو لري.

د مارک زوکربرګ شتمني په ۲۰۲۵ کال کې د ۴۴.۴ میلیارده ډالرو په حیرانونکي ډول سره زیاته شوې، چې نوموړی یې سږ کال تر اوسه پورې تر ټولو زیات عاید لرونکی کس ګرځولی دی.

مارک زوکربرګ، چې په ۲۰۲۲ کال کې د میټاورس په جوړولو بوخت وو، د لوی مالي زیان سره مخ شو، شتمني یې له ۱۰۰ میلیارده ډالرو څخه کمه شوه، چې په دې سره هغه د نړۍ د لسو غوره شتمنو له کتار څخه ووت.

خو په ۲۰۲۳ کال کې، مارک زوکربرګ خپل تمرکز حقیقي نړۍ ته ور واړوه او د میټا پلیټ فارم د لګښتونو کمولو لپاره یې چټک ګامونه پورته کړل په داسې حال کې چې د مصنوعي ځیرکتیا په ټیکنالوژۍ یې ډیر کار ترسره کړی و.

دا پوښتنه د امریکا د اریزونا پوهنتون په څېړنه کې ځواب شوې.

د دغه پوهنتون له خوا په ۲۰۰۷ کې یوې څېړنې ومونده ،چې دا نظر چې ښځې د نارینه وو په پرتله ډېرې خبرې کوي ناسم دی.

د څېړنې له مخې، په اوسط ډول هره ورځ شپاړس زره کلمې د نارینه او ښځو له خوا ویل کیږي. د اریزونا پوهنتون څېرونکو د پخوانیو موندنو د تصدیق لپاره نوی څېړنې ترسره کړي دي.

د دغو څېړنو د موندنو له مخې، دا روښانه ده چې مېرمنې کولی شي ډېرې خبرې وکړي مګر یوازې په ټاکلي عمر کې.

څېړونکو وویل چې په ټوله نړۍ کې داسې انګیرل کیږي چې ښځې د نارینه وو په پرتله ډېرې خبرې کول خوښوي، نو موږ هڅه وکړه چې دا ازموینه وکړو.

څېړنې موندلې چې په یوه ټاکلي عمر کې مېرمنې د نارینه وو په پرتله په اوسط ډول ۳۰۰۰ کلمې ډېرې خبرې کوي.

د څېړنو له مخې، ښځې له ۱۰ تر ۱۷ کلنۍ، له ۱۸ تر ۲۴ او ۶۵ کلونو او یا له دې وروسته د نارینه وو په څېر ډېرې خبرې کوي.

مګر د ۲۵ او ۶۵ کلونو ترمنځ د یوې ټاکلې مودې په جریان کې، ښځې د نارینه وو په پرتله هره ورځ په اوسط ډول ۳۰۰۰ کلمې ډېرې خبرې کوي.

څېړونکو دا هم وموندله چې ډېری خلک په اوسني وخت کې په لږو خبرو کولو عادت شوي، ممکن دا د ډیجیټل اړیکو د زیاتوالي له امله وي.

د دې څېړنې لپاره، له شپږ لکه دېرش زره نارینه او ښځو چې عمرونه یې د ۱۰ او ۹۴ کلونو ترمنځ و د خبرو کولو معلومات چې د ۲۲ بېلابېلو څېړنیزو راپورونو برخه وه څېړل شوي.

څېړونکو وموندله، چې د ۲۵ او ۶۴ کلونو ترمنځ، مېرمنې هره ورځ په اوسط ډول ۲۱,۸۴۵ کلمې خبرې کوي، خو نارینه بیا د ۱۸,۵۷۰ کلمې په خبرو کې کاروي.

څېړونکو وویل چې دوی په ډاډ سره نه شي ویلای چې ښځې ولې په څلوېښت کلنۍ کې ډېرې خبرې کوي، مګر یو احتمال دا دی چې دا د ماشوم پالنې وخت دی او ډېری وختونه مېرمنې د دوی د پاملرنې مسولیت لري، چې کیدای شي دوی ډېرې خبرې وکړي.

د څېړونکو په وېنا، د عمر په ډېرېدو سره ښځې او نارينه دواړه کمې خبرې کوي.

د کاونټر پواینټ په نوم څېړنیز شرکت چې هر کال د ځيرکو ټیلیفونو د پلور شمېرې خپروي، وايي چې په ۲۰۲۴ کال کې په ټوله نړۍ کې تر نورو ځېرکو ټیلیفونونو «ایفون ۱۵» ډېر پلورل شوی او د پلور په دې سیالۍ کې لومړی مقام لري.

د دغه شرکت په وړاندې شوي نوملړ کې له لسو ځيرکو ټیلیفونونوڅخه ۷ هغه یې د اېپل کمپنۍ له‌خوا جوړ شوي ایفونونه دي.

د کاونټر پواینټ شرکت د څېړنې له مخې، په ۲۰۲۴ کال کې د غوره لسو ټیلیفونو په کتار کې د نړۍ تر ټولو زیات پلورل شوی ټیلیفون «ایفون ۱۵» و، چې په ټولیز ډول یې د بازار ونډه درې سلنه وه.

د حیرانتیا وړ دا وه، چې په دویم مقام کې د ایفون ۱۶ پرو میکس ځیرک ټیلیفون و، کوم چې د ۲۰۲۴ کال په سپتمبر کې بازار ته وړاندې شو، همداشان ایفون ۱۵ پرو میکس په دریم ځای کې راغلی دی.

ګلیکسي اې ۱۵، ایفون ۱۶ پرو، ایفون ۱۵ پرو، او ایفون ۱۶ په ترتیب سره د څلورم څخه تر اووم غوره پلورل شویو تلیفونو په کتار کې دي.

د ځيرکو ټیلیفونو په دې سیالۍ کې ایفون ۱۳ په لسم ځای کې راغلی.

کاونټر پواینټ، یو نړیوال څیړنیز شرکت دی چې د ټیکنالوژۍ، رسنیو، مخابراتو د صنعت په محصولاتو کې تخصص لري.

یاد شرکت د میاشتنيو راپورونو، دودیزو پروژو، ګرځنده ټیلیفونونو او ټیکنالوژۍ بازارونو په تفصيلي تحلیلونو وړاندې کولو سره د ټیکنالوژۍ او مالي لویو شرکتونو ته خدمتونه وړاندې کوي.

د کاونټر پواینټ شرکت کلیدي شنونکي د لوړ ټیکنالوژۍ صنعت په برخه کې تجربه لرونکي متخصصین دي.

د راپورونو له مخې، ۵۹ کلن روډیګر کوچ د سپټمبر په ۲۶مه د پانامې په پورټو لینډو کې د سمندر په اوبو کې د خپل ریکارډ جوړولو لپاره اوبو ته ښکته شو.

هغه په سمندر کې د ۳۲۰ مربع فوټه کپسول کې ۱۲۰ ورځې تېرې کړې.

د رسنیو د راپورونو له مخې، دغه الماني انجنیر د وشین بلډرز شریک او بنسټ اېښودونکی دی.

نوموړي په سمندر کې څلور میاشتې د اوبو لاندې د کبانو په لیدلو کې تېرې کړي دي.

جرمن انجنیر دغه ریکارډ د ګېنېس ورلډ ریکارډ د قاضي سوزانا رییس په حضور کې جوړ کړی.

قاضي سوزانا رییس هم تایید کړه، چې جرمني انجنیر د ۱۰۰ ورځو پخوانی ریکارډ چې د امریکایي جوزف دوتوري له خوا جوړ شوی وو مات کړو.

په دغه کپسول کې کومې اسانتیاوې وې؟

د روډیجر کوچ کپسول په عصري اسانتیاوو سمبال و، چې پکې بستر، تشناب، ټلوېزیون، کمپیوټر، انټرنیټ او د تمرین موټر سایکل شامل وو، په داسې حال کې چې نوموړي ته د یوې کوچنۍ بېړۍ په مرسته خواړه او څښاک چمتو کېدل.

ویلیامز او د هغې همکار بوچ ویلمور، چې د ۲۰۲۴ د جون راهیسې په نړۍوال فضایي سټیشن ( ای ایس ایس) کې بند پاتې دي، دواړو د پنجشنبې په ورځ د فضایي سټيشن نه د باندې د ګرځېدو په ماموریت کې د راډیو مخابراتو هارډویر بدل کړل او د مایکروبیل نمونې یې راټولې کړې.

تر دې وړاندې پیګي ویټسن ۶۰ ساعته او ۲۱ دقیقې په فضایي سټیشن کې ګرځېدلی وو.

ناسا پر اېکس لیکلي: "د ناسا ستورمزلو سني ویلیامز یوازې د پخواني ستورمزلي پیګي ویټسن د ۶۰ ساعتونو او ۲۱ دقیقو په فضا کې د تګ وخت څخه تېر شوي."

د ویلیامز او ویلمور لپاره د لومړني ماموریت موده یوازې د اتو ورځو لپاره ټاکل شوې وه مګر په بې ساري ډول ۲۳۸ ورځو ته وغځول شوه، چې دې چارې د ستورو مزلو په هوا کې د پاتې کېدو په اړه بحثونه راپورته کړل.