طالبانو له ازبکستان څخه غوښتنه کړې چې د اورګاډي پټلۍ له لارې سوداګریزې اړیکې پراخې کړي
د طالبانو حکومت په کابل کې د ازبکستان له سفیر سره په ناسته کې له نوموړي د اورګاډي پټلۍ له لارې د سوداګرۍ د پراختيا غوښتنه کړې.
د طالبانو حکومت په کابل کې د ازبکستان له سفیر سره په ناسته کې له نوموړي د اورګاډي پټلۍ له لارې د سوداګرۍ د پراختيا غوښتنه کړې.
د طالبانو تر کنټرول لاندې د باختر خبري اژانس، د دغې ډلې د ټولګټو چارو وزارت ویاند محمد اشرف حقیار له قوله خبر ورکړی چې، د فواید عامې وزارت سرپرست محمد عیسی ثاني په کابل کې د ازبکستان له سفیر اویبک عثمانوف سره کتلي اوپه مهمو موضوعاتو یې ورسره خبرې کړي.
په دغه خبرو کې د حيرتان-مزارشريف د اورګاډي پټلۍ بيارغونه، چې تمه ده د افغانستان او ازبکستان ترمنځ د سوداګريزو توکو د لېږد رالېږد اسانتيا رامنځته کړي، هم یادونه وشوه.
په خبر کې راغلي چې چارواکو د بلخ- هرات د اورګاډي پټلۍ په اړه مطالعات وڅېړل او د دواړو هېوادونو ترمنځ د سوداګریزو او اقتصادي اړیکو د پراختیا لپاره یې د دې زیربنایي پروژو اهمیت په ګوته کړ.
افغانستان اوسمهال ۱۳۵ کیلو متره د اوسپنې پټلۍ لري چې د سیمې هېوادنو اوزبکستان، ترکمنستان او ایران ترمنځ د توکو په انتقال او سوداګرۍ کې ورڅخه ګټه اخیستل کیږي.
طالبانو د روان ۱۴۰۳ مالي کال لړم میاشت کې اعلان وکړ، چې د افغانستان اوسپنې پټلۍ له لارې ۴۵۲ زره ۳۱ ټنه انتقالات شوي چې له دې جملې ۱۹۵۷ټنه یې صادرات او ټرانزیټ وو.
ددغه اورګاډي پټلیو چارې په وروستي جهموري نظام کې شروع شوې، چې موخه یې د اورګاډي پټلیو له لارې د سیمې هېوادونو نښلول وو، خو د طالبانو بیا واکمنېدو سره یې چارې ونه درېده بلکې دوام یې پېدا کړ.
