مصر، سعودي عربستان، ایران او څو نورو هېوادونو په غزه کې د سلګونو فلسطینیانو وژنه وغندله

کرملین ټینګار کړی، چې پوتین د اوربند د نوښت په چوکاټ کې اوکراین ته د وسلو د لېږد د بندولو غوښتنه کړې او د بهرنیو پوځي او استخباراتي مرستو بشپړ بندېدل یې یوې موافقې ته د رسېدو اساسي شرط ګڼلی دی.

په دې ټلیفوني خبرو کې پوتین د چهارشنبې په ورځ له ۱۷۵ اوکرایني بندیانو سره د ۱۷۵روسي بندیانو د تبادلې اعلان هم وکړ.

د امریکا ولسمشر ډونالډ ټرمپ او د روسیې ولسمشر ولادیمیر پوتین د سې شنبې په ورځ د اوکراین جګړې د پای ته رسولو پر اقداماتو بحث وکړ.

اوکراین له دویمې نړۍوالې جګړې راهیسې تر ټولو سترې جګړې اوربند ته چمتووالی ښودلی.

پوتین تېره اونۍ ویلي و، چې په اصولو کې د واشنګټن د ۳۰ ورځیني اوربند له وړاندیز سره موافق دی، خو د جګړې دوام به هغه وخت پای ته ورسېږي چې ځینې مهم شرایط بشپړ شي.

اوکراین او د هغه لوېدیځ متحدین د روسیې یرغل د امپریالیستي ځمکني غصب په نوم یادوي.

د اوکراین ولسمشر ولادیمیر زېلېنسکي پوتین تورن کړی، چې جګړه عمداً اوږدوي.

زېلېنسکي ټینګار کړی، چې د اوکراین ملي حاکمیت د مذاکرې وړ نه دی او روسیه باید هغه سیمې تسلیم کړي چې اشغال کړې یې دي.

د اروپايي کمېسیون مشرې اورسولا فون در لاین د سې شنبې په ورځ خبرداری ورکړ، چې روسیې خپل نظامي-صنعتي ظرفیتونه پراخ کړي، څو له اروپايي ډېموکراسۍ سره راتلونکو شخړو ته چمتو شي.

پوتین ادعا کوي، چې د ناټو پراخېدل د روسیې امنیت ته ګواښ دی او غوښتنه یې کړې، چې اوکراین باید د ناټو د غړیتوب غوښتنه بنده کړي.

ټرمپ هیله لري چې پوتین دې ته قانع کړي چې د امریکا له خوا وړاندیز شوی ۳۰ ورځنی اوربند ومني او د درۍ کلنې جګړې دایمي حل ته نږدې شي.

د سپینې ماڼۍ یوه چارواکي رویټرز ته ویلي چې دواړه مشران په تلیفون بوخت دي.

د سپینې ماڼۍ مرستیال مشر ډان سکاوینوپر خپل اېکس ولیکل، « خبری ښه روانې دي او لا هم دوام لري».

په دې اړه د کرملین له خوا سمدستي تبصره نه ده شوې.

اوکراین له دویمې نړیوالې جګړې راهیسې تر ټولو سترې جګړې اوربند ته چمتووالی ښودلی.

پوتین تیره اونۍ ویلي و چې په اصولو کې د واشنګټن د ۳۰ ورځني اوربند له وړاندیز سره موافق دی، خو د جګړې دوام به هغه وخت پای ته ورسیږي چې ځینې مهم شرایط بشپړ شي.

ټرمپ هیله لري چې د اوږدمهاله سولې لپاره پرمختګ یقیني کړي، خو د ټرمپ-پوتین خبرو د امریکا سنتي متحدین اندیښمن کړي دي.

اوکراین او د هغه لوېدیځ متحدین د روسیې یرغل د امپریالیستي ځمکني غصب په نوم یادوي.

د اوکراین ولسمشر ولادیمیر زیلینسکي پوتین تورن کړی چې جګړه عمداً اوږدوي.زیلینسکي ټینګار کړی چې د اوکراین ملي حاکمیت د مذاکرې وړ نه دی او روسیه باید هغه سیمې تسلیم کړي چې اشغال کړې یې دي.

د اروپايي کمیسیون مشرې اورسولا فون در لاین د سې شنبې په ورځ خبرداری ورکړ چې روسیې خپل نظامي-صنعتي ظرفیتونه پراخ کړي، څو له اروپايي دیموکراسۍ سره راتلونکو شخړو ته چمتو شي.

پوتین ادعا کوي چې د ناټو پراخیدل د روسیې امنیت ته ګواښ دی او غوښتنه یې کړې چې اوکراین باید د ناټو د غړیتوب غوښتنه بنده کړي.

ټرمپ د خپلې واکمنۍ له پیله له روسیې سره د اړیکو ښه کولو هڅه کړې، خو په دې وروستیو کې د کرملین پر ضد د زیات فشار نښې هم لیدل شوې.

د تاجکستان ولسمشر امام علي رحمان د دوشنبې په ورځ مسکو ته د خپل سفر پرمهال د روسیې له ولسمشر سره د دواړو هېوادونو ترمنځ د امنیتي همکاریو او اقتصادي اړیکو په اړه خبرې وکړې.

له لیدنې وروسته د روسیې ولسمشر ولادیمیر پوتین وویل، چې روسیه به په اسیا کې د سولې او ثبات د ټینګښت لپاره له تاجکستان سره د ترهګرۍ او نشه يي توکو د قاچاق پر وړاندې د مبارزې په برخه کې خپلې همکارۍ پراخې کړي.

پوتین وویل: «په طبیعي توګه، موږ نه شو کولی په مرکزي اسیا کې او په ځانګړې توګه د افغانستان له خاورې څخه راپورته کیدونکو ننګونو او ګواښونو امنیتي مسالې له پامه وغورځوو».

د روسیې ولسمشر زیاتوي چې روسیه به په تاجکستان کې ددغه هېواد د ۲۰۱ پوځي اډې د کارولو په ګډون په سیمه کې د سولې او ثبات ملاتړ ته دوام ورکړي.

هغه وویل: «موږ پرېکړه کړې چې دفاعي، پوځي او تخنیکي همکارۍ لا ژورې کړو او همدارنګه د ترهګرۍ او نشه يي توکو د قاچاق پر وړاندې مبارزه وکړو.»

پوتین دا هم ویلي چې د ۲۰۲۳ کال په پای کې یې د تاجکستان په غرنۍ سیمه کې یوه سرحدي اډه پرانستل شوې ده.

هغه وويل:«دا اډه د روسیې په فدرالي فنډ جوړه شوې او په وروستيو تخنیکي تجهیزاتو او وسلو سمبال ده، نن موږ په دې برخه کې د همکارۍ د دوام موافقه وکړه».

تاجکستان د نشه یې توکو ترڅنګ په افغانستان کې مېشتو ځینو مخالفو ډلو په ځانګړې توګه د تاجکستان اسلامي غورځنګ څانګې انصارالله نه سخته اندېښنه لري.

پر فلسطين د اسراییل تر برید وروسته د طالبانو بهرنیو چارو وزارت د سې شنبې په ورځ په یوه اعلاميه کې د دغه بريد د غندلو ترڅنګ دغه بريد د ټولو قوانینو خلاف بللی.

د طالبانو اعلامیه کې راغلي، « دصهیونيستي يرغلګرو دغه وحشیانه عمل نه یوازې د بشري حقونو او نړیوالو قوانینو خلاف دی بلکي د انسانیت له اساسي ارزښتونو سره هم ښکاره تضاد لري.»

طالبانو پر هېوادونو غږ کړی، چې «د فلسطينیانو ملاتړ وکړي او د اشغال پای ته رسولو لپاره عملي او جدي اقدامات تر سره کړي.»

د طالبانو بهرنیو چارو وزارت ویلي، چې د فلسطینیانو د حقه مبارزې او مشروع مقاومت ثابت حق ګڼي او ملاتړ یې کوي.

په دغو بریدونو کې، چې نن سهار وختي وشول، د ۴۱۲ کسانو د وژل کېدو رپوټ ورکړل شوی.

فلسطیني چارواکو تایید کړې، چې د اسراییل په بریدونو کې د حماس څلور جګپوړي غړي وژل شوي.

حماس ویلي، چې په دغو بریدونو سره ددوی او اسراییل ترمنځ اوربند نور مات دی.

د اسراییل د لومړي وزیر دفتر ویلي چې دا اقدام حماس ته ځواب و، چې په غزه کې د بندي شویو کډوالو خوشي کولو ته تیار نه دی.

د اسراییل ټایمز په وینا، عصام الدعلیس، چې د جبلې اوسېدونکی و، د حماس لوړپوړی غړی او د اسماعیل هنیه مخکینی مشاور و.

احمد عمر الحته، چې د ابو عمر په نامه پېژندل کیږي، د حماس د عدلیې وزارت د عمومي رییس او مرستیال په توګه خدمت کړی و. هغه د غزې د اسلامي حقوقي سیسټم د پیاوړتیا لپاره ډېر کار کړی و.

اسراییل ټایمز وايي، بهجت ابو سلطان د غزې دننه د حماس د داخلي عملیاتو مسوول و او د حماس یو جګپوړی مشر ګڼل کیده، چې د دې ډلې امنیتي چارې یې څارلې.

حماس په یوه اعلامیه کې ددغو کسانو وژل کېدل تایید کړي او ویلي یې دي چې ددوی لاره به جاري او وژل به یې ددوی هوډ اغیزمن نه کړي.

په دغو بریدونو کې، چې نن سهار وختي وشول، د ۴۱۲ کسانو د وژل کېدو رپوټ ورکړل شوی.

حماس ویلي، چې په دغو بریدونو سره ددوی او اسراییل ترمنځ اوربند نور مات دی.

د اسراییل د لومړي وزیر دفتر ویلي چې دا اقدام حماس ته ځواب و، چې په غزه کې د بندي شویو کډوالو خوشي کولو ته تیار نه دی.

په ورته وخت کې د ملګرو ملتونو د بشري حقونو دفتر وايي، چې اسراییل د لویدیز بیت المقدس په اشغال شویو سیمو کې د خپلو خلکو میشتول چټک کړي دي.

یاد دفتر وايي، دا له اسراییل سره د دې سیمو د یوځای کولو د دوامدارو هڅو یوه برخه ده، چې له نړیوالو قوانینو سره په ټکر کې دي.

د یاد دفتر رییس وايي، دې سیمو ته د اسراییل له خوا د خپلو خلکو انتقال جګړه ییز جرم دی.

یاد دفتر وايي، اسراییل باید سملاسي او په بشپړ ډول دغه فعالیتونه ودروي او ټول انتقال شوي کسان له سیمې وباسي.

ددغه دفتر رییس ولکر ترک وویل، چې اسراییل دې په زور د فلسطیني وګړو د انتقال مخه ونیسي.

اسراییل د دې کال په پیل کې د ملګرو ملتونو د بشري حقونو له شورا ووت.