د افغانستان ۳۳ مدني بنسټونو په ناروې کې طالبانو ته د افغان سفارت پر سپارلو اعتراض وکړ
د افغانستان یو شمېر مدني بنسټونو په ناروې کې طالبانو ته د افغان سفارت پر سپارلو اعتراض وکړ او وایي، چې دغه پرېکړه د افغان کډوالو رواني امنیت ته زیان رسوي.
د افغانستان یو شمېر مدني بنسټونو په ناروې کې طالبانو ته د افغان سفارت پر سپارلو اعتراض وکړ او وایي، چې دغه پرېکړه د افغان کډوالو رواني امنیت ته زیان رسوي.
دغو بنسټونو د ناروې حکومت ته په یوه لیک کې همداراز ویلي، چې دغه هېواد په دې اقدام سره د ښځو پروړاندې د تبعیض د منع کولو کنوانسیون په چوکاټ کې خپلې ژمنې نقض کړي دي.په لیک کې راغلي: «دغه ګام د ناروې له نړۍوالو ژمنو سره په ټکر کې دی او همداراز د زرګونو افغان کډوالو باور او رواني امنیت زیانمنوي.»دغه لیک د ښځو د حقونو د ملاتړو ادارو په ګډون د ۳۳ سازمانونو او مدني ټولنو له خوا لیکل شوی دی.د دغو سازمانونو او ټولنو د لیک یوه نسخه چې د یکشنبې په ورځ افغانستان انټرنشنل ته رسېدلې ده، پکې راغلي: «د طالبانو د استازو رسمي حضور ان که د اداري خدماتو په کچه هم وي په دې معنا ده، چې په نړۍواله کچه یادې ډلې ته د مشروعیت ورکولو دروازې پرانیزي.»یاد شمېر بنسټونه د طالبانو له خوا افغان کډوالو ته د کونسلي خدمتونو د وړاندې کولو مخالف دي او د ناروې له حکومته غواړي، چې د خدمتونو د وړاندې کولو بدیل جوړښت په پام کې ونیسي.دوی دغه راز ټينګار کړی، چې د ناروې حکومت باید په خپلو پرېکړو کې د افغانستان د ښځو غږ واوري.دا په داسې حال کې ده، چې افغانستان انترنشنل د روان کال د وري په لومړۍ نېټه په یوه ځانګړي راپور کې خبر ورکړ، چې په اسلو کې د افغانستان د سفارت له تړل کېدو سره - سره د ناروې د بهرنیو چارو وزارت د طالبانو ډيپلومات نجیبالله شېرخان د دې سفارت د لومړي سکرتر په توګه منلی دی.د راپورونو له مخې، د دغه هېواد د بهرنیو چارو وزارت شېرخان ته د ډیپلوماتیکې استوګنې یو کلن کارټ ورکړی دی.تر دې یوه ورځ وروسته بیا د طالبانو د بهرنیو چارو وزارت د یوې خبرپاڼې په خپرولو سره وویل، چې د ناروې په شاهي هېواد کې د افغانستان سفارت خپل فعالیت بیا پيلوي.د طالبانو د بهرنیو چارو وزارت په دې هېواد کې د کونسلي خدمتونو بیا پيل یو مثبت ګام بللی دی.
د عدالت لپاره انعام ادارې، چې د مطلوبو کسانو اړوند معلومات خپروي، تېره ورځ د طالبانو د کورنیو چارو وزیر سراج الدین حقاني، د هغه د ورور عزیزالدین حقاني او ددې ډلې د یوه بل غړي یحیی حقاني نومونه له خپلې وېبپاڼې لرې کړل.
تېره ورځ سراج الدین حقاني ته نږدې سرچینو وویل، چې د نوموړي پر سر اېښودل شوې جایزه لغو شوې، خو د طالبانو له اعلان نه ۲۴ ساعته اوړي، مګر لا هم د امریکا بهرنیو چارو وزارت او اف بي اي په ویبپاڼو کې د نوموړو نومونه ترسترګو کیږي.
د امریکا حکومت د افغان جمهوریت پر مهال د حقاني شبکې د مشر سراج الدین حقاني د نیولو پر سر لس میلیون ډالري جایزه اېښې وه.
د طالبانو د کورنیو چارو وزارت ویاند رسنیو ته وویل، چې پر سراج الدین حقاني سربېره د هغه ورور عزیزالدین حقاني او ترورزی یحیی حقاني هم چې د حقاني شبکې مهم غړي دي، د متحده ایالتونو د بندیزونو له نوملړه لرې شوې دي.
عزیزالدین حقاني د خپل ورور بدرالدین حقاني له وژل کېدو وروسته د بدري ۳۱۳ قطعې مسوولیت پرغاړه درلود، چې د متحده ایالتونو پر ځواکونو او افغان دولت د بریدونو مسوول ګڼل کیږي.
سرچینو افغانستان انټرنشنل ته وویل، چې نوموړی څه موده وړاندې کندهار ته د طالبانو مشر مولوي هبت الله اخوندزاده احضار کړی و او له هغه وروسته د بدري ۳۱۳ قطعې له مشرۍ لرې شوی، خو د طالبانو د کورنیو چارو وزارت د ځانګړو ځواکونو په روزنه کې د پردې ترشا رول لوبوي.
د امریکا له تور نوملړه د حقاني شبکې ددریو جګپوړو غړو د نومونو لرې کېدو په تړاو رپوټونه کابل ته د واشنکټن د جګپوړي پلاوي او یوه امریکايي زنداني ګلزمن له خلاصون سره هممهاله دي.
طالبانو ته نږدې سرچینې دا د امریکا او طالبانو په اړیکو کې مهم پرمختګ بولي.