انار څومره چې ښکلی او خوندور دی، هماغومره له ګټو ډک هم دی. د انار هره دانه بې شمېره ګټې لري، چې د ورځني استعمال له لارې تاسو کولای شئ خپله روغتیا ښه کړئ. انار ستاسو د معافیت سیسټم پیاوړی کوي، زړه ته قوت ورکوي، هاضمه سموي او د سرطان خطر هم کموي.
سربېره پر دې، دا مېوه د لوړ فشار (بلډ پریشر) له عامې ستونزې څخه هم مخنیوی کوي او د سینې درد ته قرار ورکوي.
یوه بله مهمه ځانګړنه یې دا ده چې انار ستاسو د مغز روغتیا ښه ساتي او له الزایمر یا د حافظې کمزورتیا او پارکنسن ناروغیو څخه د مخنیوي وړتیا لري.
انار د انټي اکسیډنټونو بډایه سرچینه ده، چې د وینې رګونه پاک ساتي، د کولیسټرول کچه تنظیموي او د زړه حملې او فشار لوړوالي خطر کموي.
دغه مېوه د ویټامین سي او انټي اکسیډنټونو ښه سرچینه ده، چې بدن د ناروغیو، ساري ویروسونو، او انتاناتو پر وړاندې پیاوړی کوي. همدا راز، د پوستکي ځوان ساتلو، د ګونځو کمولو او د ویښتو د ودې لپاره ګټور دی.
انار د وسپنې (Iron) ښه سرچینه ده، چې د وینې د کمښت (انیمیا) مخنیوی کوي او د بدن د انرژۍ کچه لوړه ساتي.
په انار کې داسې طبیعي مرکبات شته چې د سرطان د حجرو د وده مخنیوی کوي، په ځانګړي ډول د سږو، سینې، او پروسټېټ سرطان خطر کموي. دغه مېوه د التهاب ضد ځانګړتیاوې لري، چې د هډوکو، بندونو درد او ارتریت کموي.
انار کم کالوري لري، د لوږې احساس کموي او میټابولیزم ته وده ورکوي، چې د وزن کمولو کې مرسته کوي.
انار نه یوازې خوندور دی، بلکې د روغتیا لپاره یو طبیعي درمل هم ګڼل کېږي.
د هندي سینما مشهور لوبغاړي جان ابراهام د هندوستان د یوه نامتو ډېپلوماټ جیتندر پال سېنګ پر ژوند د ډېپلوماټ په نوم ځانګړی فلم جوړ کړی. دغه ډېپلوماټ چې اوس په اسراییل کې د هند استازی دی د پاکستان له ای اېس ای نیولې د طالبانو په ګډون له ګڼو ډلو سره د تعامل مهم غړی پاتې شوی.
د (اې ډي پي) په نوم هندي رسنۍ لیکلي دغه فلم د یوې مېرمې اوزما احمد له اصلي کیسې پیل کېږي چې په پاکستان کې یرغمل شوې وه.
د فلم لومړنۍ شېبې خپل نندارچیان د پښتونخوا بونیر سیمې ته بیایي چې د داستان مهمې پېښې په کې واقع شوي.
جان ابراهام د جی پي سینګ رول په مهارت سره لوبولی. نوموړی مخکې هم په «کافه مدرس» فلم کې د هند د استخباراتو د یو افسر رول لوبولی و.
په «ډېپلوماټ» فلم کې سېنګ داسې یو شخصیت ښودل شوی، چې ظاهراً ارام دی، خو د نرمې خندا تر شاه یې نا ویل شوي کیسې پټې دي.
جیپي سینګ؛ له افغانستانه تر پاکستانه
جيپي سینګ هغه هندي ډېپلوماټ دی چې له ۲۰۰۲ کال راهیسې د هند د بهرنیو خدماتو (IFS) برخه ده.
نوموړي د خپلې دندې پر مهال د افغانستان، پاکستان او ترکیې په ګډون په بېلابېلو هېوادونو کې کار کړی.
هغه له ۲۰۰۸ څخه تر ۲۰۱۲ پورې د هند په کابل سفارت کې کار کاوه او دا هغه وخت و، چې په افغانستان کې جګړې خورا زور اخیستی و.
په همدې کلونو کې د کابل دننه د هند سفارت دوه ځله د ترهګرو له بریدونو سره مخ شو.
له ۲۰۱۴ څخه تر ۲۰۱۹ پورې نوموړي د پاکستان په اسلاماباد کې د هند د عالي کمېشنر د مرستیال په توګه دنده ترسره کړه.
د ۲۰۲۰ څخه تر ۲۰۲۵ پورې، هغه د هند د بهرنیو چارو وزارت د پاکستان-افغانستان-ایران (PAI) څانګې مشرې وکړه، چې دا یې په دغه برخه کې د دندې تر ټولو اوږده موده وه.
په پاکستان کې ډېپلوماټیکه ننګونه
د فلم یوه مهمه برخه د ۲۰۱۷ کال هغه واقعي پېښه ده، چې په کې د اوزما احمد په نوم د هند یوې مېرمنې د یوه پاکستاني وګړي طاهر علي لهخوا غولول شوې ده.
اوزما له طاهر سره مالیزیا کې اشنا شوې وه، خو چې پاکستان ته پسې لاړه، نو پوه شوه چې هغه مېرمن او ماشومان هم لري.
اوزما په زوره واده ته مجبوره کړای شوه او تر دې وروسته په یوه کور کې قید وساتل شوه، هلته له وهلو ټکولو او ځورونو سره مخ وه.
د اوزما په نوم د فلم دغه لوبغاړې بیا په اسلام اباد کې د هندوستان عالي کمېشنرۍ ته ځان ورساوه. خو د هغې د خلاصون له جدي اسانه نه وو او د جدي ننګونو تر څنګ یې پېچلي ډېپلوماټیک ناورین رامنځته کړ.
جیپي سېنګ د پاکستاني چارواکو له فشارونو سره سره اوزما ته پناه ورکړه او قانوني مبارزه یې پیل کړه.
د فلم په کیسه کې تر اوږدې حقوقي دعوو وروسته اوزما وتوانېده چې بېرته هندوستان ته ستنه شي.
هغې چې بېرته هند ته له ستنېدو وروسته په یوې خبري ناسته کې خبرې کولې وویل: «که زه نن دلته یم، دا یوازې د جی پي سېنګ برکت دی.هغه راته وویل، په دوو یا دریو ورځو کې به ټول رسمي کارونه درته خلاصوم او همداسې وشول. هغه زما ژوند وژغوره»
د طالبانو سره د سېنګ تعامل
د پخواني جمهوري نظام په ړنګیدو سره طالبان په ۲۰۲۱ کې بیا ځل پر کابل واکمن شول. هند اړ شو چې خپل سفارت وتړي او د کابل په ګډون په بېلابېلو ولایتونو کې له خپلو کونسلګریو ډېپلوماټان وباسي.
دې کار د هند او افغانستان ترمنځ په اړیکو کې یو خلا رامنځته کړه. خو د هند حکومت پرېکړه وکړه چې جي پي سېنګ د طالبانو سره د خبرو اترو لپاره استازی کړي.
سینګ، د محرمانه سفرونو پر مهال د طالبانو د موقتي حکومت له چارواکو سره وکتل، تر څو د ډېپلوماتیکو اړیکو د بیا رامنځته کېدو لپاره هڅې وکړي.
په ۲۰۲۲ کال کې هند خپل سفارت د یو تخنیکي ټیم په شتون سره بېرته پرانیست، خو لا تر اوسه هم په کې لوړ پوړي ډېپلوماټان حضور نه لري.
د ۲۰۲۴ کال په نومبر میاشت کې جي پي سېنګ د طالبانو له دفاع وزیر ملا محمد یعقوب مجاهد سره وکتل.
دغه لیدنه ځکه مهمه بلل کېږي، چې یعقوب، د طالبانو د بنسټاېښودونکي ملا عمر زوی، د لومړي ځل لپاره له یو هندي چارواکي سره لیدل.
د فلم ځینې مکالمې
ډېپلوماټ فلم ځینې ژورې صحنې لري، چې د جي پي سېنګ پر شخصیت رڼا اچوي. په یوه صحنه کې د اوزما احمد رول لوبوونکې اداکاره سېنګ ته وايي: «ځینې وختونه داسې ښکاري، چې ته اصلي حقیقت نهوایې بلکې پټوې یې.»
سېنګ (جان ابراهام) ورته په ځواب کې وايي: «دا زما ګناه نه ده، زه په شخصیتي توګه دیپلمات نه یم، بلکې دا زما مسلک دی.»
د فلم وروستۍ برخه
“دیپلمات” فلم د جیپي سینګ ژوند بیانوي، هغه سړی چې د هند د پټو دیپلوماتیکو ماموریتونو تر شا و.
د ډېپلوماټ فلم ټوله کیسه د یاد هندي ډېپلوماټ پر ژوند او ماموریتونو څرخي او د هغه د ژوند لوړې ژور په کې ښودل شوي دي.
فلم نه یوازې د اوزما احمد قضیه، بلکې د سېنګ او طالبانو ترمنځ تعاملات هم رانغاړي، او دا ښيي چې څنګه ډیپلماسۍ د حساسو حالاتو په مهارولو کې مهم رول لوبولی شي.
د (ADP India) د راپور له مخې، دا فلم یوازې یوه سیاسي ډرامه نه ده، بلکې د هند د پیچلي ډېپلوماټیکو اړیکو یو انعکاس دی، چې د سویلي اسیا او منځني ختیځ په ناارامو شرایطو کې خپلې هلې ځلې فعالې ساتي.
د سترګو لاندې تورې حلقې عامه ستونزه ده او اکثرا دا برخه پړسېدلې هم وي. عموما دا حلقې د ستړیا پایله ګڼل کېږي، خو بېلابېل نور لاملونه هم لرلی شي. ډېری وخت دا حلقې د اندېښنې وړ نه وي او درملنې ته اړتیا نه لري.
کېدای شي چې دا حلقې تاسو ته د اندېښنې وړ ښکاره شي، خو حقیقت کې دا یو معمولی حالت دی.
خو ښه دا ده، چې د دې حلقو د لاملونو په اړه پوه شئ، ښایي د دې ستونزې د حل لپاره درته اسانتیا رامنځته شي.
ستړیا
ډېر یا کم خوب او ډېره ستړیا د سترګو لاندې تورو حلقو د پیدا کېدو لاملونه دي.
د خوب کمښت د پوستکي رنګ ته زیان رسوي او ژیړوي یې چې له امله یې د پوستکي لاندې تور نسجونه او د وینې شریانونه څرګندېږي.
همدا راز د خوب کمښت د سترګو لاندې مایعات راټولوي، چې له امله یې سترګې پړسېدلې ښکاري.
عمر
د عمر زیاتېدو سره د سترګو لاندې تورې حلقې زیاتېږي، لکه څنګه چې عمر زیاتېږي د پوستکي ضخامت کمېږي او د پوستکي انعطاف ساتونکي غوړ او هورمونونه کمېږي.
دا بدلونونه د پوستکي لاندې د وینې تور رنګي شریانونه زیات څرګندوي، چې له امله یې د سترګو لاندې حلقې تورې ښکاري.
پر سترګو زیات فشار
د کمپیوټر، ټلویزیون یا موبایل سکرین ته د اوږدې مودې لپاره کتل د سترګو پر شریانونو فشار زیاتوي.
دا فشار د سترګو شاوخوا د وینې رګونه غټوي، چې له امله یې د پوستکي رنګ تیاره ښکاري.
حساسیت
حساسیت یا د سترګو وچوالی هم د تورو حلقو لامل کېدلی شي.
کله چې بدن حساسیت ښيي، نو ځانګړي کیمیاوي مواد خارجوي چې د سترګو پړسېدل، خارښت، او سوروالی رامنځته کوي.
دا کیمیاوي مواد د وینې شریانونه غټوي، چې له امله یې د پوستکي لاندې تور شریانونه ښکاره کېږي.
د اوبو کمښت
په بدن کې د اوبو کمښت د سترګو لاندې د تورو حلقو یوه عام لامل دی.
کله چې بدن کافي اوبه و نه لري، نو د سترګو لاندې پوستکی رنګ بایلي او سترګې د پاسه دنګې ښکاري.
د لمر شعاع ته زیات تګ و راتګ
زیات لمر ته تګ و راتګ د میلانین نومي رنګ جوړونکي هورمون تولید زیاتوي، چې له امله یې د سترګو شاوخوا د پوستکي رنګ تیاره کېږي.
ژنیتیکي عوامل
که ستاسو په کورنۍ کې چا د سترګو لاندې تور حلقې لرلې وي، نو ممکن دا ستونزه تاسو ته هم انتقال شوې وي.
ځینې نورې ناروغۍ لکه د تایرایډ ستونزې یا نور طبي شرایط هم د سترګو لاندې د تورو حلقو لامل کېدای شي.
د وینې کمښت
انیمیا هغه حالت دی، چې بدن کې د سرې وینې حجرې کمېږي، چې له امله یې کمزوري، ستړیا، سر ګنګسیت او د ساه لنډښت احساسېږي.
انیمیا لرونکي خلک اکثر ژېړ پوستکی لري او د سترګو لاندې یې تورې حلقې موجودې وي.
د ټرمپ ادارې لوړپوړو چارواکو «سیګنال» نومې پیغام لېږدوونکی اپلیکیشن کارولی، چې د جګړې پلانونه پرې شریک کړي، خو یوه ژورنالیست ته یې هم په تېروتنه لاسرسی ورکړی. دې مسالې د امریکا د کانګرس دیموکرات قانون جوړوونکي وپارول او امنیتي چارواکي یې د شهادت یوې ناستې ته ور وبلل.
د امریکا د استخباراتو مشرانو د سې شنبې په ورځ سنا مجلس ته د نړۍ د امنیتي ګواښونو په اړه خپل نظر وړاندې کړ.
د سنا د اوریدنې پر مهال خپلواک سناتور انګس کینګ له تولسي ګبارد څخه وپوښتل چې ایا دسیګنال چټ کې محرم معلومات شامل وو؟ ګبارد ټینګار وکړ چې هیڅ ډول محرم معلومات نه وو شریک شوي.
کینګ وویل: « زه باور نه لرم چې د هدفونو، وختونو او وسلو جزئیات به محرم نه وي».
د سنا د استخباراتو کمېټې مرستیال مشر ډیموکرات سناتور مارک وارنر وویل، « دا غیر مسوولانه چلند دی. دا تصادفي پېښه نه ده، بلکې یوه تکراري ستونزه ده چې امریکا ته یې زیان رسولی».
د امریکا ولسمشر ډونالډ ټرمپ له اېن بي سي نیوزسره په مرکه کې وویل: « مایکل والتز یوه تجربه ترلاسه کړه او هغه یو ښه انسان دی».
د اوریګون ایالت سناتور رون وایډن وویل: « زه باور لرم چې د ملي امنیت سلاکار او د دفاع وزیر باید استعفا وکړي».
د رویټرز د رپوټ له مخې، همداراز، د ایلی نویس سناتور ټامي ډکورتاو د اریزونا سناتور روبین ګالیګو هم د مایکل والتز او پیټ هیګست د استعفا غوښتنه وکړه.
سیګنال څومره خوندي دی؟
سیګنال یوه پرانېستې سرچینه (Open-source) او بشپړ کوډ شوی (End-to-End Encrypted) پیغام لېږدوونکی دی، چې د سیګنال میسنجر شرکت له خوا پرمخ وړل کېږي.
دا اپلیکیشن یوازې د کاروونکو د ټلیفون شمېره، د شاملېدو نېټه او وروستۍ کارونې معلومات ساتي.د کاروونکو اړیکې، پیغامونه، او نور ارتباطات د کاروونکي په موبایل کې خوندي وي، نه په سرورونو کې.
دا اپلیکیشن کاروونکو ته دا اختیار ورکوي چې له یوه ټاکلي وخت وروسته پیغامونه اتومات حذف کړي.سیګنال هیڅ ډول اعلانونه یا سوداګریز شراکت نه لري او د کاروونکو معلومات نه تعقیبوي.
همدارنګه، کاروونکي کولای شي خپله ټیلیفون شمېره پټه وساتي او اضافي امنیتي شمېره وکاروي، چې د پیغامونو د امنیت تصدیق وکړي.
سیګنال د امریکا حکومت یا بل کوم حکومت کوډونه نه کاروي او نه هم د حکومت په سرورونو کې فعالیت کوي.
د سایبري امنیت متخصص راکي کول وايي: «د سیګنال له لارې د ملي امنیت محرم معلوماتو بحث اصلاً له سیګنال څخه د خطر له امله نه دی، بلکې خطر دا دی چې که موبایل هک شي، نو ټول پیغامونه لوستل کېدای شي».
سیګنال څنګه کار کوي؟
سیګنال یو محفوظ پیغام لېږدوونکی خدمت دی چې د پایپرپای کوډونو (End-to-End Encryption) څخه کار اخلي. دا یعنې شرکت نشي کولای چې د کاروونکو خصوصي پیغامونه یا غږیز او ویډیویي زنګونه واوري، ولولي یا ورڅخه استفاده وکړي.
د حساب جوړولو لپاره ټلیفون شمېره اړینه ده.سیګنال د نورو پیغام لېږدونکو اپلیکیشنونو برخلاف، د کاروونکو معلومات نه تعقیبوي او نه یې هم ساتي.د دې اپلیکیشن کوډ عام دی، یعنې امنیتي کارپوهان یې ارزولی شي.
د سیګنال مشرې میرېدیت وېټاکر د دې اپلیکیشن دفاع کړې او ویلي یې دي: « سیګنال د خصوصي اړیکو لپاره طلایي معیار دی».
هغې همدارنګه پراېکس(پخوانی ټویټر) لیکلي: « واټساپ د خپلو کاروونکو د پیغامونو د خوندیتوب لپاره د سیګنال کوډ کاروي».
سیګنال چا جوړ کړی؟
سیګنال په ۲۰۱۲ کال کې د مکسي مارلینسپایک او میرېدیت وېټاکر له خوا جوړ شو. په ۲۰۱۸ کال کې مارلینسپایک د واټساپ له پخواني بنسټ ایښودونکي برایان اکټون سره یوځای د سیګنال بنسټ کېښود. اکټون واټساپ شرکت په ۲۰۱۷ کال کې د کاروونکو د معلوماتو د کارونې پر سر د اختلاف له امله پرېښود. هغه د سیګنال بنسټ لپاره ۵۰ میلیونه ډالر لومړنۍ مالي مرسته وکړه.
سیګنال وايي چې دا اپلیکیشن له هیڅ لوی ټکنالوژيک شرکت سره تړاو نه لري او هیڅکله به د کوم شرکت له خوا ونه پېرل شي.
سیګنال څوک کاروي؟
سیګنال په پراخه توګه محرمیتپالان، سیاسي فعالان، ژورنالیستان او حکومتي ادارې کاروي.
په ۲۰۲۱ کال کې، کله چې واټساپ خپل د محرمیت اصول بدل کړل، سیګنال ته د کاروونکو بېساري شمېر خلک ورغلل.
رویټرز دا اپلیکیشن د هغو وسیلو له ډلې ګڼي چې کاروونکي یې د محرمو معلوماتو د شریکولو لپاره کارولی شي، که څه هم هیڅ نظام سل سلنه خوندي نه دی.
د سیګنال غیر رسمي ټولنې کې چې د سیګنال کارکوونکي یې اداره کوي، اروپایي کمیسیون هم شامل دی. په ۲۰۱۷ کال کې، د امریکا سنا مجلس د خپلو کارکوونکو لپاره د سیګنال کارونه تایید کړه.
امنیتي تحلیلګر بین ووډ وايي، « که څه هم سیګنال د کاروونکو لپاره ډېر خوندي دی، خو دا باور سخت دی چې دا اپلیکیشن دې د ملي امنیت د مسایلو لپاره مناسب وي».
دی هغې سرغړونې ته اشاره کوي چې د ټرمپ د ټیم لوړپوړو چارواکو پرې د یمني حوثي یاغیانو پر ضد د پوځي بریدونو پلانونه شریک کړي وو.
چین پلان لري، چې ډېر ژر په سپوږمۍ کې د راډیو تېلسکوپ جوړ کړي. دغه هېواد په وروستیو کلونو کې د فضایي اکتشاف پر څو پروژو کار کړی او ډېر ژر سپوږمۍ ته د انسانانو د لېږلو لپاره چمتووالی نیسي.
اوس چینایي ساینس پوهان د سپوږمۍ په هغه برخه کې چې له ځمکې نه لیدل کېږي د راډیو ټېلسکوپ د ځای پر ځای کولو پلان لري.
د چینایي رسنیو د راپورونو له مخې، دغه راډیو ټېلسکوپ به په ۲۰۳۰ کال کې په سپوږمۍ کې ځای پر ځای شي.
د دې ټېلسکوپ په جوړښت کې ۷۲۰۰انتنونه دي او دا انتنونه به د ۳۰ کیلومترو په ساحه کې وغځول شي.
دا راډیو ټېلسکوپ هڅه کوي، چې د کایناتو په بېلابېلو رازونو پوه شي.
په سپوږمۍ کې د ټېلسکوپ لپاره به دا اسانه وي، چې د سیارو، کهکشانونو او تور سوړو څخه د راډیو سیګنالونه ترلاسه کړي.
تمه کېږي، چې د راډیو ټېلسکوپ جوړول به د چین له خوا د چینګ ای ۷ او ای ۸ ماموریتونو سره پیل شي.
د چانګ ای ۷ ماموریت به په ۲۰۲۶ کال کې سپوږمۍ ته او ای ۸ به په ۲۰۲۸ کال کې سپوږمۍ ته واستول شي.
دغه راډیو ټېلسکوپ به چین ته دا فرصت هم ورکړي، چې نوې سیارې کشف کړي چې د انسان د اوسېدو لپاره پکې امکان وي.
په ورته وخت کې به دا ټېلسکوپ د کایناتو د اصل په اړه د زده کړې فرصت وي.
د راپور له مخې، د دغه ټېلسکوپ د جوړولو چارې به په بېلابېلو پړاوونو کې ترسره شي.
په لومړي پړاو کې به د ۳ کلونو په موده کې به د وسایلو سره ۱۶ انتنونه نصب شي او د دې هدف لپاره به د چینګ ای لینډرونه وکارول شي.
په دویمه مرحله کې به د ستورمزلو لپاره د درې څخه تر پنځه کلونو پورې پلان بشپړ کړي.
په درېيم پړاو کې به ټول انتنونه نصب شي او تر هغه وخته پورې به په سپوږمۍ کې د چين د څيړنيزې اډې د جوړولو چارې هم بشپړې شي.
یوې ۶۶ کلنې مېرمنې چې یوازې په بایسکل یې ۱۲ هېوادونو ته سفر کړی، پرېکړه کړې چې ټولې نړۍ ته سفر وکړي. دغه مېرمن دونګ جو نومېږي او د چین اوسېدونکې ده. نوموړې غواړي، چې د نړۍ درې لویې وچې وګوري.
دونګ جو چې تر اوسه کوم هېوادونه لیدلي، کمبودیا، فرانسه او اسټرالیا هم پکې شامل دي.
نوموړې اوس پرېکړه کړې، چې ۸۸ نورو هېوادونو ته هم سفر وکړي.
د نوموړې په وینا: «سفر د یو اعتیاد په څېر دی، چې یو ځل یې خوند وڅکۍ، نو ځان ترې نه شئ ساتلی.»
د دونګ جو سفر سره له دې چې زړه راښکونکی دی، خو له ډېرو ننګونو سره هم مخامخ دی.
یاده مېرمن یوازې په چینایي خبرې کولی شي او په نورو هېوادونو کې د خبرو اترو لپاره د ژبې ژباړې اپس باندې تکیه کوي.
نوموړې د سفر محدوده بودیجه لري او ډېری وختونه په پارکونو یا هدیرو کې پاتې کېږي یا د اجنبیانو کورونو ته ځي چې دې ته د پاتې کېدو شپه ورکړي.
دونګ جو په ۲۰۱۳ کې چې کله له خپل خاوند نه جدا شوه او په ژور خپګان اخته شوه، د سایکل چلولو سره یې علاقه پیدا کړه.
دغې مېرمنې د بايسکل ځغلونکو يوه ډله وليده او پوه شوه، چې سپرلۍ کولاى شي.
د هغې زوی نوموړې ته یو فولډ بایسکل ډالۍ کړ او تبت ته یې لومړی سفر وکړ.
په هغه وخت کې يې يوازې ۱۷۰ يوان درلودل او د مياشتني تقاعد په توګه يې ۳۰۰۰ يوان ترلاسه کول.
مختلفو هېوادونو ته د سفر لپاره، هغه د یو کال لپاره په یو کور کې د صفاکارې په توګه کار وکړ او د سوېل ختیځ اسیا ته د سفر لپاره یې کافي پیسې خوندي کړې.
هغه له دوو نورو بایسکل ځغلونکو سره ولاړه، خو یوه اونۍ وروسته په ویتنام کې له خپلو ملګرو څخه جلا شوه.
خپلې ډلې نه له جدا کېدو وروسته نوموړې یو سړی وموند، چې په چینایي ژبه خبرې کولی شوای او کور ته په راستنېدو کې یې ورسره مرسته وکړه.
دونګ جو د دې پر ځای چې روحیه له لاسه ورکړي، هغې یو بل سفر پلان کړ او تر دې دمه یې د ویتنام، کمبودیا، ټایلنډ، میانمار، اسټرالیا، نیوزیلنډ او فرانسې په ګډون ۱۲ هېوادونو ته سفرونه کړي دي.
نیوزیلنډ ته د هغې سفر د کوویډ - 19 وبا له امله لنډ شو او هغه اوس د نوي سفر لپاره چمتووالی نیسي.
هغه پلان لري، چې له قزاقستان څخه متحده عربي اماراتو ته ولاړه شي او له هغې وروسته نورو هېوادونو ته هم سفر وکړي.