فرانسه کیېف ته د سرتېرو لېږلو په اړه له برېتانیا او اوکراین سره خبرې کوي
د فرانسې ولسمشر اېمانوېل مکرون وایي، فرانسه له خپلو شریکانو سره مشوره کوي چې دا روښانه کړي، چې ایا اوکراین سره د مرستې لپاره د سرتېرو لېږل ممکن دي او که نه؟
د فرانسې ولسمشر اېمانوېل مکرون وایي، فرانسه له خپلو شریکانو سره مشوره کوي چې دا روښانه کړي، چې ایا اوکراین سره د مرستې لپاره د سرتېرو لېږل ممکن دي او که نه؟
مکرون لي پاریسین ورځپاڼې ته زیاته کړې:« موږ د شریکو هېوادونو د حضور او ستراتیژیک اغېز پر څرنګوالي کار کوو. زموږ د پوځ د لوی درستیزو ترمنځ له برېتانوي، فرانسوي او اوکرایني چارواکو سره څو ځله خبرې شوې دي. هغوی خپل کارونه همغږي کړي او دغه بهیر اوس روښانه کېږي او پرمختګ کوي.»
مکرون دا نه ده روښانه کړې، چې دغه ډول حضور به څه بڼه ولري؛ یا دا چې ممکنه سرتېري به کوم ډول رول ولوبوي؟
د جي ایف پي د ۲۰۲۵ کال لپاره د هند د دفاعي ځواک بودیجه د پاکستان د پوځ له بودیجې یوولس برابره زیاته بللې ده او ویلي یې دي چې هند د ۲۰۲۵ - ۲۶ کال لپاره شاوخوا ۷۸.۷ میلیارده ډالره بودیجه لري او پاکستان بیا د ۲۰۲۵ - ۲۶ کال لپاره ۷.۶ میلیارده ډالره بودیجه لري.
پرتلنه ښيي چې هند د پوځي ظرفیت له پلوه تر پاکستان څو برابره پیاوړی دی، چې زیات پوځ او جنګي وسایل لري.
د پوځ شمېر او جوړښت:
• هند: شاوخوا ۵.۱۳ میلیونه نظامي پرسونل لري، چې پکې ۱.۴۶ میلیونه فعاله پوځیان، ۱.۱۵ میلیونه احتیاطي ځواکونه او ۲.۵ میلیونه غیررسمي ملېشې شاملې دي.
• پاکستان: ټولټال ۱.۷ میلیونه نظامي پرسونل لري، چې پکې ۶۵۴,۰۰۰ فعاله پوځیان، ۵۰۰,۰۰۰ غیر رسمي ملېشې(پارامیلیټري) او ۵۵۰,۰۰۰ احتیاطي ځواکونه شامل دي.
هوايي ځواکونه:
• هند: ۲,۲۲۹ نظامي الوتکې لري، چې پکې ۶۴۳ جنګي الوتکې شاملې دي.
• پاکستان: ۱,۳۹۹ نظامي الوتکې لري، چې پکې ۴۱۸ جنګي الوتکې شاملې دي.
ځمکنی ځواک:
• هند: ۳,۱۵۱ جنګي ټانکونه لري.
• پاکستان: ۱,۸۳۹ جنګي ټانکونه لري.
بحري ځواک:
• هند: یوه هوایي بېړۍ، ۱۱ ډیسټرایرونه، ۱۷ فریګیټونه، او ۱۶ ابدوزونه لري.
• پاکستان: ۸ فریګیټونه، ۵ ابدوزونه، او ۳ کورویټونه لري.
اټومې وسلې:
• هند: شاوخوا ۱۷۲ اټومي سرګلولې لري.
• پاکستان: شاوخوا ۱۷۰ اټومي سرګلولې لري.
که څه هم پاکستان د ځینو برخو لکه د ځانچاودو توپونو او راکټي توپخانې غښتلې برخه لري؛ خو هند د پوځي پرسونل، وسلو، او بودیجې له پلوه برلاسی دی.
د دواړو هېوادونو ترمنځ د اټومي وسلو شتون، هر ډول شخړه لا خطرناکه کوي.