اسراییل غزې ته د بشردوستانه مرستو د بیا پیل په اړه موافقه کړې ده

اکسیوس راپور ورکړی، چې اسراییل غزې ته د بشردوستانه مرستو د بیا پیل په اړه موافقه کړې ده. د راپور له مخې، د غزې لپاره د بشري مرستو نوي بنسټ په یوې اعلامیه کې ویلي، چې د اسراییلو دولت په دې تړاو موافقه کړې ده.

د دې مرستو د استولو د کره نېټې په اړه تراوسه څه نه دي ویل شوي، خو دغه پرېکړه کولی شي په غزه کې د انساني ناورین د کمېدو په برخه کې مرسته وکړي.
اسراییل له مارچ میاشتې راهیسې غزه تړلې ده او د اوربند له ناکامېدو وروسته یې خپل نظامي عملیات بیا پیل کړي.