زلمی خلیلزاد: پاکستان دې په کور دننه او بهر کې د عمران له خوشې کېدو ګټه واخلي

نوموړي ویلي، چې د قطر، متحده عربي اماراتو او سعودي عربستان له خوا په امریکا کې د لویو پانګونو ژمنې به له چین سره د اقتصادي او سوداګریزې مقابلې په برخه کې مرسته وکړي.

د پخواني ولسمشر حامدکرزي د دفتر مشر کریم خُرم د شنبې په ورځ (د غويي ۲۷مه) منځني ختيځ ته د ډونالډ ټرمپ د سفر په اړه په یوه تحلیلي مقاله کې لیکلي: «د مرمرو په ماڼۍ کې د ټرمپ هرکلی په داسي وخت کې شوی، چې غزه تر پخوا زياته بې رحمانه بمبار شوې او د دې ترڅنګ له تېرو دوه نیمو میاشتو راهیسي خلک اوبه، ډوډۍ او درمل نه لري.»

نوموړي ویلي، چې ټرمپ له حماس سره د یرغمل شویو امریکایانو د خوشې کولو لپاره د مستقمو خبرو، له حوثیانو سره د اوربند او د ایران سره د خبرو له امله د نتنیاهو څخه ځان لرې کړی دی.

هغه زياته کړې، چې په سعودي کې د ټرمپ برج په نوم د ودانيو جوړولو سره یو شمېر نورو هېوادونو هم لېوالتيا ښودلې.

له روسيې او چین سره د سعودي د مخکېنيو اړیکو له مخي اوس امریکا هڅه کوي، چې له عربستان، نورو عربي هېوادونو او ایران سره دوه اړخيزې سوداګريزې اړيکې پراخې کړي.

کریم خُرم په خپل تحلیل کې زياته کړې: «د شتمنو هېوادونو لکه قطر، متحده عربي اماراتو او سعودي عربستان له خوا په متحده ایالاتو کې د لویو پانګونو ژمنې به له چین سره د اقتصادي او سوداګریزې مقابلې په برخه کې مرسته وکړي او د امریکا د اوسنۍ ادارې هدف به پوره کړي، چې تولید په خپل کور کې ولري..»

د راپورونو له مخې، اسراییلي ځواکونو په غزه او لوېدیځه غاړه کې په وروستیو ۲۴ ساعتونو کې نږدې ۱۴۶ کسان وژلي دي.

د ایران د بهرنیو چارو وزارت ویاند اسماعیل بقایي په یوې اعلامیه کې چې د دغه هېواد د بهرنیو چارو وزارت په اېکس پاڼه کې خپره شوې ویلي، د تېرو ورځو دوامداره بریدونه او جنایتونه په غزه کې په کلکه غندي او د جنوسایډ له امله د اسراییل د مشرانو د معافیت پای ته رسولو او د هغوی د محاکمې او سزا غوښتنه کوي.

یاد ویاند وویل: «اشغالګر رژیم په دې پړاو کې وروسته له هغه چې د اوربند د هوکړې لپاره د منځګړو هڅې ناکامې شوې، خپل جنایتکارانه بریدونه زیات کړي، څو خپلې نامشروع غوښتنې تحمیل او د غزې اوسېدونکي اړ کړي چې کوچېدنه وکړي؛ دا کار به خامخا د فلسطیني ولس له قهرمانانه مقاومت سره مخ شي.»

بقايي د غزې او لوېدیځې غاړې په اړه د بشري حقونو او بشردوستانه اصولو د پراخو سرغړونو عادي ګرځېدل د ملګرو ملتونو د نظام او د نړۍوالو حقوقو لپاره یوه نه‌جبرانېدونکې فاجعه وبلله.

نوموړي ټینګار وکړ، چې ټول دولتونه او د ملګرو ملتونو سرمنشي قانوني او اخلاقي مسوولیت لري، څو د نسل‌وژنې، د بشريت ضد جنایتونو او د جنګي جنایتونو د پای ته رسولو لپاره جدي او بېړني ګامونه واخلي.

نوموړي ویلي، له روسیې سره یې د ټرانسپورټ او ټرانزيټ دوه اړخیزې سوداګریزې او د دواړو هېوادونو د خصوصي سکټورونو ترمنځ پنځه تفاهمنامې لاسلیک کړې دي.

طالبانو ویلي، چې ملابرادر له تاتارستان څخه د څلور ورځني سفر وروسته نن شنبې ناوخته کابل ته ستون شوی.

ملابرادر د کابل په هوايي ډګر کې خبريالانو ته ویلي، چې د دې سفر پر مهال یې د تاتارستان، موردوویا له ولسمشرانو او د روسیې فډراسیون د لومړۍ وزير له دوو مرستیالانو سره هم ليدلي دي.

د برادر په خبره، چې د روسیې فډراسیون له چارواکو سره یې د کابل او مسکو ترمنځ د دوه اړخیزې سوداګرۍ د زياتېدو، په افغانستان کې د روسي پانګوالو پر پانګونې او په اقتصادي برخو کې د دواړو هېوادونو ترمنځ د ګډې همکارۍ په رامنځته کولو خبرې کړي دي.

ملابرادر د یوه پلاوي په مشرۍ د کازان ۱۶م نړۍوال اقتصادي فورم کې د ګډون په موخه تاتارستان ته تللی و.

په کازان ۱۶م نړۍوال اقتصادي فورم کې د شاوخوا ۹۰ هېوادونو لوړپوړو چارواکو او د بېلابېلو هېوادونو ۲۰ زره شرکتونو ګډون کړی و.

د امریکا ولسمشر وايي، د دوشنې په ورځ د روسیې له ولسمشر ولاديمیر پوتین سره د ټلیفون له لارې خبرې کوي.

نوموړي زیاته کړې: «د اړیکې موضوع به د روسي او اوکرایني سرتېرو د وینو تویولو بندول وي، چې هره اوونۍ تر ۵۰۰۰ وژل کېږي.»

همدارنګه نوموړی وايي، وروسته به د اوکراین د ولسمشر ولادیمیر زېلېنسکې او د ناټو سازمان له غړو سره هم خبرې وکړي.

ټرمپ هیله لري، چې راتلونکې دوشنبې به ډېره ګټوره ورځ وي، اوربند به وشي او جګړه به پای ته ورسېږي..

امېت شاه وايي، هندي ځواکونو د پاکستان ۱۰۰ کیلومتره دننه عملیات وکړل او هغو ترهګرو ته یې "مناسب او قوي" ځواب ورکړ، چې د نړیوالو ترهګریزو بریدونو پلانونه یې جوړول.

د هند د کورنیو چارو وزیر امېت شاه وویل: «په سیالکوټ او نورو ترهګریزو کمپونو کې هغو ترهګرو چې د نړیوالو ترهګریزو دسیسو پلانونه یې جوړول، زموږ د بمونو غږ ورته یو روښانه پیغام ورکړ.» نوموړي زیاته کړه، که د هند پر خلکو هر ډول ترهګریز برید وشي، نو ځواب به یې دوه برابره قوي، پرېکنده او د عبرت وړ وي.