لبنان غواړي له سټارلینک سره د انټرنېټ خدمت پیل کړي
د لبنان ولسمشرۍ ماڼۍ ویلي، د ایلن ماسک سټارلینک شرکت او د لبنان حکومت د انټرنېټ د سپوږمکۍ خدمتونو پر پیل خبرې کوي.
د لبنان ولسمشرۍ ماڼۍ ویلي، د ایلن ماسک سټارلینک شرکت او د لبنان حکومت د انټرنېټ د سپوږمکۍ خدمتونو پر پیل خبرې کوي.
ولسمشر جوزف عون د سټارلینک د جواز او پراختیا نړیوال رییس، سام ټرنر، سره لیدلي، چې پکې د شرکت او د مخابراتو وزارت ترمنځ روانې خبرې ورته تشریح شوې دي.
د مخابراتو وزیر چارلس حاجه هم له ولسمشر سره لیدلي، څو د خبرو د پرمختګ راپور ورکړي. که دا موافقه وشي، لبنان به د هغو ۱۳۶ هېوادونو برخه شي چې سټارلینک پکې فعال دی.
ولسمشرۍ ماڼۍ ویلي، ټرنر د سټارلینک مهمې ګټې وړاندې کړي، چې له مخې به یې د سپوږمکۍ له لارې انټرنېټ چټک او اغېزمن شي، او دا به د صنعتي، تجارتي، بانکدارۍ، ښوونیزو او دولتي ادارو پر کار مثبت اغېز وکړي.
لبنان له کلونو راهیسې د انټرنېټ او مخابراتو له پلوه وروسته پاتې شوی، او د ګرځنده انټرنېټ له پلوه تر ټولو ګران بیه هېوادونو کې شمېرل کېږي.
پرلهپسې فساد او بېځایه لګښتونو د دغه هېواد مالي بحران او لوړ پور ته لار هواره کړې ده.
د جي ایف پي د ۲۰۲۵ کال لپاره د هند د دفاعي ځواک بودیجه د پاکستان د پوځ له بودیجې یوولس برابره زیاته بللې ده او ویلي یې دي چې هند د ۲۰۲۵ - ۲۶ کال لپاره شاوخوا ۷۸.۷ میلیارده ډالره بودیجه لري او پاکستان بیا د ۲۰۲۵ - ۲۶ کال لپاره ۷.۶ میلیارده ډالره بودیجه لري.
پرتلنه ښيي چې هند د پوځي ظرفیت له پلوه تر پاکستان څو برابره پیاوړی دی، چې زیات پوځ او جنګي وسایل لري.
د پوځ شمېر او جوړښت:
• هند: شاوخوا ۵.۱۳ میلیونه نظامي پرسونل لري، چې پکې ۱.۴۶ میلیونه فعاله پوځیان، ۱.۱۵ میلیونه احتیاطي ځواکونه او ۲.۵ میلیونه غیررسمي ملېشې شاملې دي.
• پاکستان: ټولټال ۱.۷ میلیونه نظامي پرسونل لري، چې پکې ۶۵۴,۰۰۰ فعاله پوځیان، ۵۰۰,۰۰۰ غیر رسمي ملېشې(پارامیلیټري) او ۵۵۰,۰۰۰ احتیاطي ځواکونه شامل دي.
هوايي ځواکونه:
• هند: ۲,۲۲۹ نظامي الوتکې لري، چې پکې ۶۴۳ جنګي الوتکې شاملې دي.
• پاکستان: ۱,۳۹۹ نظامي الوتکې لري، چې پکې ۴۱۸ جنګي الوتکې شاملې دي.
ځمکنی ځواک:
• هند: ۳,۱۵۱ جنګي ټانکونه لري.
• پاکستان: ۱,۸۳۹ جنګي ټانکونه لري.
بحري ځواک:
• هند: یوه هوایي بېړۍ، ۱۱ ډیسټرایرونه، ۱۷ فریګیټونه، او ۱۶ ابدوزونه لري.
• پاکستان: ۸ فریګیټونه، ۵ ابدوزونه، او ۳ کورویټونه لري.
اټومې وسلې:
• هند: شاوخوا ۱۷۲ اټومي سرګلولې لري.
• پاکستان: شاوخوا ۱۷۰ اټومي سرګلولې لري.
که څه هم پاکستان د ځینو برخو لکه د ځانچاودو توپونو او راکټي توپخانې غښتلې برخه لري؛ خو هند د پوځي پرسونل، وسلو، او بودیجې له پلوه برلاسی دی.
د دواړو هېوادونو ترمنځ د اټومي وسلو شتون، هر ډول شخړه لا خطرناکه کوي.