عليمه خان: له عمران خان څخه غوښتل شوي، چې حکومت ومني او د مئ ۹مې پېښې په اړه بښنه وغواړي
د پاکستان د تحریک انصاف ګوند بنسټ اېښودونکي عمران خان خور عليمه خان د کوم چا د نوم اخیستلو پرته ویلي، عمران خان ته ویل شوي چې حکومت ومني او د مئ نهمې نېټې پېښې په اړه بښنه وغواړي.
عليمه خان د ترهګرۍ ضد محکمې بهر رسنیو سره په خبرو کې ويلي، له هغه وخت راهیسې چې د احتجاج غوښتنه شوې؛ داسې خبرونه خپرېږي چې عمران خان به (د جون په ۵مه) خوشې شي.
له بل پلوه عمران خان ویلي، چې عمر ایوب به د تحریک انصاف ګوند ټول مسوولیت په غاړه واخلي.